ជាតិ
អាជ្ញាធរក្រុង ទុកពេល៧ថ្ងៃ ឱ្យស្ថាប័នរដ្ឋ ម្ចាស់អាជីវកម្ម និងក្រុមហ៊ុន នៅលើផ្លូវចំនួន៣ រុះរើខ្សែកាប្លិ៍ចេញ រូបតំណាង
× ភ្នំពេញ៖ ម្ចាស់អាជីវកម្ម អង្គភាពរដ្ឋ និងបណ្ដាញក្រុមហ៊ុនឯកជនទាំងអស់ ដែលនៅផ្លូវលេខ១៣ លេខ១០២ និង លេខ១០៤ ដែលកំពុងប្រើប្រាស់បណ្ដាញខ្សែកាប្លិ៍អាកាស ត្រូវប្រញាប់រុះរើចេញ ដើម្បីឱ្យអាជ្ញាធររៀបចំសណ្ដាប់ធ្នាប់ និងលើកកម្ពស់សោភណ្ឌភាពរាជធានីភ្នំពេញ។
សេចក្តីជូនដំណឹងសាលារាជធានីភ្នំពេញ បានសង្កត់ធ្ងន់ថា ម្ចាស់អាជីកម្ម និងក្រុមហ៊ុនខាងលើ មានរយៈពេល១សប្ដាហ៍ ក្នុងការរុះរើបណ្ដាញខ្សែកាប្លិ៍នេះ ពោលគឺចាប់ពីថ្ងៃទី៧ តុលាទៅ។ «សង្ឃឹមថា ប្រជាពលរដ្ឋ អង្គភាពរដ្ឋ បណ្ដាក្រុមហ៊ុនឯកជន អ្នកពាក់ព័ន្ធទាំងអស់ផ្ដល់ការអធ្យាស្រ័យ និងចូលរួមសហការអនុវត្តឱ្យបានម៉ឹងម៉ាត់តាមខ្លឹមសារខាងលើ ប្រកបដោយស្មារតីទទួលខុសត្រូវ»។ នេះបើតាមសាលារាជធានីភ្នំពេញ ដែលបានបន្ថែមថា ស្ថាប័នដែលត្រូវរុះរើខ្សែកាប្លិ៍ចេញ នៅផ្លូវលេខ១៣ គឺចាប់ពីផ្លូវ១០៦ ដល់ផ្លូវលេខ៩៨។
ដោយឡែកផ្លូវលេខ១០២ គឺចាប់ពីផ្លូវលេខ១៩ ដល់រុក្ខវិថីព្រះស៊ីសុវត្ថិ និងផ្លូវលេខ១០៤ ចាប់ពីចំណុចផ្លូវលេខ១៣ ដល់រុក្ខវិថីព្រះស៊ីសុវត្ថិ៕
Tag:
សាលាក្រុង
ខ្សែកាប្លិ៍
អគ្គិសនី
© រក្សាសិទ្ធិដោយ thmeythmey.com