អន្តរជាតិ
នាយករដ្ឋមន្ត្រីឥណ្ឌា៖ ស្ថានភាពនៅកាស្មៀរនឹងវិលមកធម្មតាវិញនៅ៤ខែទៀត
នាយករដ្ឋមន្រ្តីឥណ្ឌា នារិន្ទ្រា ម៉ូឌី , រូបភាព Reuters
×![]()
ដោយ: ធៀន ភារិន្ទ
នាយករដ្ឋមន្ត្រីឥណ្ឌា នារិន្ទ្រា ម៉ូឌី នៅថ្ងៃទី១៣ ខែតុលា បាននិយាយថា ឥណ្ឌាត្រូវការរយៈពេល ៤ខែទៀតសម្រាប់តំបន់ចាមូនិងកាស្មៀរ ដើម្បីវិលត្រលប់ទៅរកភាពធម្មតាវិញ។ ការអះអាងរបស់ប្រមុខរដ្ឋាភិបាលឥណ្ឌាដូចនេះ គឺបន្ទាប់រដ្ឋាភិបាលទីក្រុងញូវដែលី បានដកឋានៈស្វ័យភាពពិសេសនៅក្នុងខែសីហា និងដាក់បម្រាមគោចរទៅលើដែនដីមួយនេះកាលពីខែសីហាកន្លងទៅ។ 
នៅក្នុងការជួបប្រជុំនៅរដ្ឋភាគខាងលិច Maharashtra នាយករដ្ឋមន្ត្រី នារិន្ទ្រា ម៉ូឌី បានលើកឡើងថា រដ្ឋាភិបាលឥណ្ឌា បានឈានជំហានដ៏សំខាន់ក្នុងការរក្សាសន្តិសុខនៅក្នុងតំបន់ចាមូនិងកាស្មៀរ ដែលជាដែនដីជម្លោះត្រូវបានទាមទារដោយប៉ាគីស្ថាន។ ចាមូ និងកាស្មៀរជាទឹកដីរបស់កាស្មៀរដែលគ្រប់គ្រងដោយឥណ្ឌា។
តាមការចុះផ្សាយរបស់ទីភ្នាក់ងារសារព័ត៌មាន Reuters លោក ម៉ូឌី បានលើកឡើងថា៖ «ខ្ញុំធានាថា វានឹងមិនប្រើរយៈពេលច្រើនជាង ៤ខែទេ ដើម្បីធ្វើឲ្យស្ថានភាពមកធម្មតា ដែលយើងខិតខំតស៊ូអស់រយៈពេល ៤០ឆ្នាំមកហើយ»។
បើទោះបីជាបញ្ហានៅតំបន់កាស្មៀរ មានភាពបន្ធូរបន្ថយបន្តិចក្តី ប៉ុន្តែសេវាទូរសព្ទ អ៊ីនធឺណិតនៅតែត្រូវបានគេកាត់ផ្តាច់ដដែល។ ទាក់ទិនទៅនឹងបញ្ហានេះ ទីក្រុងញូវដែលី បានឆ្លើយតបនៅថ្ងៃទី១២ ខែតុលា ថា បណ្តាញទូរសព្ទនៅតំបន់ខ្លះ នឹងត្រូវបានគេតភ្ជាប់ឡើងវិញនៅថ្ងៃទី១៤ ខែតុលានេះ។ ប៉ុន្តែបញ្ហានេះ នៅតែមិនច្បាស់នៅឡើយទេ ព្រោះកន្លងមករដ្ឋាភិបាលក៏ធ្លាប់បានសន្យាឲ្យស្វ័យភាពដល់ដែនដីនេះដែរ ប៉ុន្តែមកដល់ពេលនេះ មិនទាន់មានការអនុវត្តអ្វីមួយនូវឡើយទេ។
ជាការពិតណាស់ ទីក្រុងញូវដែលី បានទទូចថា ការផ្លាស់ប្តូរនៅក្នុងខែសីហា គឺមានសារៈសំខាន់ណាស់ក្នុងការដាក់បញ្ជូលដែនដីកាស្មៀរជាមួយឥណ្ឌាតែម្តង ជាពិសេសគឺនាំយកការអភិវឌ្ឍទៅតំបន់មួយនេះ។ ប៉ុន្តែដូចដែលបានឃើញកន្លងមកហើយ ការដាក់ដែនដីកាស្មៀរ ឲ្យស្ថិតនៅក្រោមរដ្ឋាភិបាលឥណ្ឌាបែបនេះ គឺបង្កឲ្យមានការផ្ទុះកំហឹងយ៉ាងខ្លាំងពីសំណាក់ប្រជាជននៅក្នុងតំបន់។
សូមបញ្ជាក់ថា ក្នុងពេលថ្មីៗនេះ រដ្ឋាភិបាលនៅតំបន់ចាមូនិងកាស្មៀរ បានបោះពុម្ភផ្សាយនៅក្នុងកាសែតក្នុងស្រុក ដើម្បីជំរុញឲ្យប្រជាពលរដ្ឋវិលទៅរកជីវិតធម្មតាវិញ រួមទាំងការបើកដំណើរការជំនួញ និងបញ្ជូនកូនទៅសាលារៀនវិញផងដែរ។ ដោយក្នុងនោះ គេឃើញមានការសរសេរថា «បិទហាងទំនិញ គ្មានសេវាសាធារណៈ? នរណាទទួលបានប្រយោន៍នេះ?»។
គួររំលឹកថា កាលពីថ្ងទី០៥ ខែសីហា រដ្ឋាភិបាលឥណ្ឌាបានដកឋានៈស្វ័យភាពតំបន់កាស្មៀរ ហើយបានបន្ថែមទ័ពទៅតំបន់នេះ ជាពិសេសគឺការដាក់បម្រាមគោចរនៅក្នុងតំបន់នេះ មិនឲ្យមានការចេញចូលអ្វីទាំងអស់។ យ៉ាងណាមិញ នៅពេលបន្ទាប់ រដ្ឋាភិបាលឥណ្ឌា បានបន្ធូរការរឹតត្បិតខ្លះវិញ៕
នៅក្នុងការជួបប្រជុំនៅរដ្ឋភាគខាងលិច Maharashtra នាយករដ្ឋមន្ត្រី នារិន្ទ្រា ម៉ូឌី បានលើកឡើងថា រដ្ឋាភិបាលឥណ្ឌា បានឈានជំហានដ៏សំខាន់ក្នុងការរក្សាសន្តិសុខនៅក្នុងតំបន់ចាមូនិងកាស្មៀរ ដែលជាដែនដីជម្លោះត្រូវបានទាមទារដោយប៉ាគីស្ថាន។ ចាមូ និងកាស្មៀរជាទឹកដីរបស់កាស្មៀរដែលគ្រប់គ្រងដោយឥណ្ឌា។
តាមការចុះផ្សាយរបស់ទីភ្នាក់ងារសារព័ត៌មាន Reuters លោក ម៉ូឌី បានលើកឡើងថា៖ «ខ្ញុំធានាថា វានឹងមិនប្រើរយៈពេលច្រើនជាង ៤ខែទេ ដើម្បីធ្វើឲ្យស្ថានភាពមកធម្មតា ដែលយើងខិតខំតស៊ូអស់រយៈពេល ៤០ឆ្នាំមកហើយ»។
បើទោះបីជាបញ្ហានៅតំបន់កាស្មៀរ មានភាពបន្ធូរបន្ថយបន្តិចក្តី ប៉ុន្តែសេវាទូរសព្ទ អ៊ីនធឺណិតនៅតែត្រូវបានគេកាត់ផ្តាច់ដដែល។ ទាក់ទិនទៅនឹងបញ្ហានេះ ទីក្រុងញូវដែលី បានឆ្លើយតបនៅថ្ងៃទី១២ ខែតុលា ថា បណ្តាញទូរសព្ទនៅតំបន់ខ្លះ នឹងត្រូវបានគេតភ្ជាប់ឡើងវិញនៅថ្ងៃទី១៤ ខែតុលានេះ។ ប៉ុន្តែបញ្ហានេះ នៅតែមិនច្បាស់នៅឡើយទេ ព្រោះកន្លងមករដ្ឋាភិបាលក៏ធ្លាប់បានសន្យាឲ្យស្វ័យភាពដល់ដែនដីនេះដែរ ប៉ុន្តែមកដល់ពេលនេះ មិនទាន់មានការអនុវត្តអ្វីមួយនូវឡើយទេ។
ជាការពិតណាស់ ទីក្រុងញូវដែលី បានទទូចថា ការផ្លាស់ប្តូរនៅក្នុងខែសីហា គឺមានសារៈសំខាន់ណាស់ក្នុងការដាក់បញ្ជូលដែនដីកាស្មៀរជាមួយឥណ្ឌាតែម្តង ជាពិសេសគឺនាំយកការអភិវឌ្ឍទៅតំបន់មួយនេះ។ ប៉ុន្តែដូចដែលបានឃើញកន្លងមកហើយ ការដាក់ដែនដីកាស្មៀរ ឲ្យស្ថិតនៅក្រោមរដ្ឋាភិបាលឥណ្ឌាបែបនេះ គឺបង្កឲ្យមានការផ្ទុះកំហឹងយ៉ាងខ្លាំងពីសំណាក់ប្រជាជននៅក្នុងតំបន់។
សូមបញ្ជាក់ថា ក្នុងពេលថ្មីៗនេះ រដ្ឋាភិបាលនៅតំបន់ចាមូនិងកាស្មៀរ បានបោះពុម្ភផ្សាយនៅក្នុងកាសែតក្នុងស្រុក ដើម្បីជំរុញឲ្យប្រជាពលរដ្ឋវិលទៅរកជីវិតធម្មតាវិញ រួមទាំងការបើកដំណើរការជំនួញ និងបញ្ជូនកូនទៅសាលារៀនវិញផងដែរ។ ដោយក្នុងនោះ គេឃើញមានការសរសេរថា «បិទហាងទំនិញ គ្មានសេវាសាធារណៈ? នរណាទទួលបានប្រយោន៍នេះ?»។
គួររំលឹកថា កាលពីថ្ងទី០៥ ខែសីហា រដ្ឋាភិបាលឥណ្ឌាបានដកឋានៈស្វ័យភាពតំបន់កាស្មៀរ ហើយបានបន្ថែមទ័ពទៅតំបន់នេះ ជាពិសេសគឺការដាក់បម្រាមគោចរនៅក្នុងតំបន់នេះ មិនឲ្យមានការចេញចូលអ្វីទាំងអស់។ យ៉ាងណាមិញ នៅពេលបន្ទាប់ រដ្ឋាភិបាលឥណ្ឌា បានបន្ធូរការរឹតត្បិតខ្លះវិញ៕
Tag:
ឥណ្ឌា
នារិន្ទ្រា ម៉ូឌី
© រក្សាសិទ្ធិដោយ thmeythmey.com
