ជាតិ
×![]()
សមាជិកប្រតិភូកម្ពុជាដែលបានចូលរួមក្នុងព្រឹត្តិការណ៍«រថភ្លើងអាស៊ាន-កូរ៉េ៖ រីកចម្រើនទាំងអស់គ្នា» នាសប្តាហ៍កន្លងទៅ បានយល់ឃើញដូចគ្នាពីសារសំខាន់នៃការរៀបចំព្រឹត្តិការណ៍រថភ្លើងលើកដំបូងនេះ ហើយជឿជាក់ថា កម្ពុជាដែលជាផ្នែកមួយនៃអាស៊ាន ក៏នឹងអាចទទួលបានផលប្រយោជន៍ពីយន្តការពង្រឹងភាពជាដៃគូរវាងសាធារណរដ្ឋកូរ៉េ និងអាស៊ាន។
ប្រតិភូនៃប្រទេសកម្ពុជាដែលរួមមាន រដ្ឋលេខាធិការក្រសួងវប្បធម៌ លោក ជុច ភឿន ឯកអគ្គរាជទូតកម្ពុជាប្រចាំសាធារណរដ្ឋកូរ៉េ មន្ត្រីអគ្គនាយកដ្ឋានយុវជននៃក្រសួងអប់រំ អ្នកជំនួញ និស្សិត និងអ្នកសារព័ត៌មាន បានឡើងលើរថភ្លើងពិសេសមួយ ជាមួយប្រតិភូនៃប្រទេសអាស៊ាន និងសាធារណរដ្ឋកូរ៉េ ទាំងអស់ប្រមាណ២០០នាក់។ ជារថភ្លើងដែលមានឈ្មោះថា «អាស៊ានកូរ៉េ៖ រីកចម្រើនទាំងអស់គ្នា»។
រថភ្លើងពិសេសនេះជាយានមួយដែលកំពុងតំណាងឱ្យនយោបាយថ្មីឆ្ពោះទៅទិសខាងត្បូង (New Southern Policy) របស់លោកប្រធានាធិបតី មូន ចេអ៊ីន ដែលកំពុងត្រូវអនុវត្តដោយឈរលើមូលដ្ឋាន ចំនួន៣គឺ មនុស្ស វិបុលភាព និងសន្តិភាព (3Ps: People Prosperity and People)។ ស្មារតីនៃគោលនយោបាយថ្មីដែលលោកប្រធានាធិបតី មូន បានប្រកាសកាលពីឆ្នាំ២០១៧ នឹងនាំប្រជាជនអាស៊ាន និងកូរ៉េឆ្ពោះទៅភាពរុងរឿង។
រថភ្លើងអាស៊ានកូរ៉េ ដឹកនាំប្រតិភូអាស៊ាន និងកូរ៉េ រយៈពេល៣ថ្ងៃឆ្លងកាត់ទីក្រុង Gyeongju, Busan, Suncheon, Gwangju ដែលជាទីក្រុង តំណាងឱ្យពាក្យគន្លឹះ3Psទាំងបី។
លោក ជុច ភឿន ដែលជារដ្ឋលេខាធិការនៃក្រសួងវប្បធម៌ ដែលជាប្រធានប្រតិភូតំណាងកម្ពុជា ក៏បានស្ថិតនៅក្នុងទូររថភ្លើងពិសេសនោះដែរ ហើយបានបង្ហាញចំណាប់អារម្មណ៍ជាវិជ្ជមានចំពោះព្រឹត្តិការណ៍រថភ្លើងអាស៊ាន-កូរ៉េ ដែលរៀបចំដោយមជ្ឈមណ្ឌលអាស៊ាន-កូរ៉េនិងក្រសួងការបរទេសកូរ៉េនេះ។ លោករដ្ឋលេខាធិការបានពន្យល់យ៉ាងដូច្នេះ៖«រថភ្លើងអាស៊ាន-កូរ៉េ បានបង្ហាញបំណងនៃការប្រមូលផ្តុំប្រជាជន ហើយរួមគ្នាខំប្រឹងដើម្បីការរីកចម្រើនដោយចីរភាព និងក៏ដើម្បីលើតម្កើងការផ្លាស់ប្តូរផ្នែកវប្បធម៌ មិត្តភាព សាមគ្គីភាព និងសន្តិភាពនៅក្នុងតំបន់។»។
សម្រាប់លោក ជុច ភឿន កម្ពុជាពិតជាបានឃើញនូវកំណើនសេដ្ឋកិច្ចរវាងសាធារណរដ្ឋកូរ៉េ និងអាស៊ានក្នុងពេលកន្លងមកហើយ ប៉ុន្តែលោកចង់បន្តចង់ឃើញការរីកចម្រើននេះបន្ថែមទៀតក្នុងក្របខណ្ឌសេដ្ឋកិច្ចបើកចំហរនៃពហុភាគីនិយម។
«កម្ពុជាជឿជាក់ថា ការអភិវឌ្ឍដែលប្រកបដោយបរិយាបន្ន និដោយការទទួលខុសត្រូវក្នុងវិស័យទេសចរណ៍ នឹងបានចូលរួមចំណែកដល់ការអភិរក្សនៃសម្បត្តិបេតិកភណ្ឌ ក៏ដូចជាគោលដៅទេសចរណ៍នានា។»។ នេះជាការបញ្ជាក់របស់លោក ជុច ភឿន រដ្ឋលេខាធិការក្រសួងវប្បធម៌។
ចំណែកឯលោក ឡុង ឌីម៉ង់ ដែលជាឯកអគ្គរាជទូតកម្ពុជាប្រចាំសាធារណរដ្ឋកូរ៉េដែលបានចូលរួមធ្វើដំណើរតាមរថភ្លើងអាស៊ានកូរ៉េនោះដែរ លោកក៏យល់ឃើញថា ការរឹតចំណងកាន់តែជិតស្និទរវាងតំបន់អាស៊ាន និងកូរ៉េ គឺជាសញ្ញាល្អមួយនៃការពង្រឹងសន្តិភាពដែលមនុស្សគ្រប់រូបចង់បាន។ លោកបន្តទៀតថា ភាពរឹងមាំនៃភាពជាដៃគូរវាងអាស៊ាននិងកូរ៉េ នឹងផ្តល់ផលប្រយោជន៍មកដល់កម្ពុជា ដែលជាសមាជិករបស់អាស៊ាន។
នៅក្នុងបន្ទប់សម្ភាសនៅក្នុងទូររថភ្លើងពិសេសអាស៊ានកូរ៉េ ដែលត្រូវបានរៀបចំដោយមជ្ឈមណ្ឌលអាស៊ានកូរ៉េ លោកឯកអគ្គរាជទូតមានប្រសាសន៍ប្រាប់សារព័ត៌មានថ្មីៗយ៉ាងដូច្នេះ៖«កម្ពុជាមានគោលនយោបាយគាំទ្រគ្នាទៅវិញទៅមក។ តាំងពីឆ្នាំ១៩៩៧មក ថ្នាក់ដឹកនាំរបស់កូរ៉េ គឺជាមិត្តរបស់សម្តេចតេជោ ហ៊ុន សែន។ ការកសាងសន្តិភាពក្នុងតំបន់មួយបាន គឺលុះត្រាតែប្រជាជនមានទំនាក់ទំនងគ្នា និងវិបុលភាពជាមួយគ្នា»។
ក្រៅពីចង់ពង្រីកសហប្រតិបត្តិការពាណិជ្ជកម្ម និងសេដ្ឋកិច្ចជាមួយសាធារណរដ្ឋកូរ៉េ លោក ឡុង ឌីម៉ង់ ក៏កំពុងព្យាយាមទាក់ទាញទេសចរកូរ៉េខាងត្បូងទៅកម្សាន្តនៅក្នុងប្រទេសកំណើតរបស់លោកផងដែរ។
លោកឯកអគ្គរាជទូតបានរៀបរាប់ថា៖«យើងត្រូវកែច្នៃ បង្កើតថ្មី គោលដៅទេសចរណ៍របស់យើង ឱ្យលើសពីអ្វីដែលយើងមាន ដើម្បីទទួលទេសចរកូរ៉េ។ ជនជាតិកូរ៉េ ពួកគេតាមគ្នាណាស់។ បើសិនជាពួកគេ ផ្អើលនាំគ្នាទៅប្រទេសណាមួយហើយ ជនជាតិកូរ៉េនាំគ្នាតែប្រទេសនោះ។ លើសពីនេះ វិស័យភាពយន្ត ក៏ជាគន្លឹះមួយដែលអាចទាក់ទាញប្រជាជនកូរ៉េខាងត្បូងឱ្យទៅទស្សនាកម្ពុជាដែរ។»។
នៅក្នុងប្រតិភូតំណាងប្រទេសសមាជិកនីមួយៗ មានសមាសភាពចម្រុះ។ ក្រៅពីមន្ត្រីជាន់ខ្ពស់តំណាងរដ្ឋាភិបាល ក៏មានតំណាងយុវជន អ្នកជំនួញ និស្សិត និងពលរដ្ឋខ្មែរដែលរស់នៅក្នុងប្រទេសកូរ៉េខាងត្បូងដែរ។
អ្នកស្រី ស្រួង ភាវី អាយុ២៨ឆ្នាំ ជាស្ត្រីខ្មែរដែលបានរៀបអាពាហ៍ពិពាហ៍ជាមួយស្វាមីជនជាតិកូរ៉េ បានក្លាយ ជាមនុស្សល្បីល្បាញមួយរូបក្នុងក្រសែភ្នែករបស់ជនជាតិកូរ៉េ ដោយសារតែអ្នកស្រីគឺជាជ័យលាភីនៃកីឡាប៊ីយ៉ាបីទ្រនាប់ ដែលជាកីឡាដ៏មានប្រជាប្រិយនៅក្នុងប្រទេសកូរ៉េ ក៏ត្រូវបានអញ្ជើញឱ្យចូលរួមក្នុងប្រតិភូកម្ពុជាដែរ។ បន្ទាប់ពីបានរស់នៅក្នុងប្រទេសកូរ៉េខាងត្បូងរយៈពេលជិត១០ឆ្នាំ ហើយទទួលបានការទទួលស្គាល់ និងកិត្តិនាមនៅក្នុងប្រទេសទីពីរនេះ ភាវីបានយល់ច្បាស់អំពីផលប្រយោជន៍នៃទំនាក់ទំនងរវាងប្រទេសនិងប្រទេស ប្រជាជននិងប្រជាជន។ ភាវី ដែលដើមកំណើតពីខេត្តត្បូងឃ្មុំបានពន្យល់ប្រាប់សារព័ត៌មានថ្មីៗយ៉ាងដូច្នេះ៖«សព្វថ្ងៃខ្ញុំស្ថិតនៅចំកណ្តាលរវាងកម្ពុជា និងកូរ៉េ។ ខ្ញុំអាចជួយប្រទេសទាំងពីរបាន ខ្ញុំចង់ឱ្យប្រទេសទាំងពីរត្រូវការខ្ញុំ។ មានសប្បុរសជនកូរ៉េច្រើនដែលចាប់អារម្មណ៍ និងអាចជួយកម្ពុជាបាន។»។
ទំនាក់ទំនងរវាងប្រជាជននិងប្រជាជនគឺអ្វីដែលនិស្សិត ញៀន សុគន្ធា ទទួលស្គាល់ថា វាពិតជាមានឥទ្ធិពលល្អចំពោះទំនាក់ទំនងរវាងប្រជាជាតិមួយនិងប្រជាជាតិមួយ។ កញ្ញា សុគន្ធា បានទទួលអាហារូបករណ៍សិក្សាថ្នាក់អនុបណ្ឌិតផ្នែកធនធានជីវៈ និងវិទ្យាសាស្ត្រអាហារនៅសកលវិទ្យាល័យ Konkuk ក្នុងសាធារណរដ្ឋកូរ៉េ។ នៅក្នុងប្រទេសកូរ៉េ សុគន្ធា បានចូលរួមធ្វើការងារស្ម័គ្រចិត្តជាលេខាសមាគមនិស្សិតខ្មែរនៅកូរ៉េខាងត្បូង ហើយក៏ជាលេខានៅក្នុងក្រុមយុវជនអាស៊ានកូរ៉េរបស់មជ្ឈមណ្ឌលអាស៊ានកូរ៉េផងដែរ។
និស្សិត ញៀន សុគន្ធា បានពន្យល់ថា៖«អាស៊ាននិងកូរ៉េមានទំនាក់ទំនងគ្នាល្អរួចហើយក្នុងពេល៣០កន្លងមក។ ខ្ញុំយល់ឃើញថា ភាពជាដៃគូនេះ នឹងរឹតតែល្អក្នុងពេល៣០ទៅមុខទៀត ពីព្រោះរដ្ឋាភិបាលកូរ៉េខាងត្បូងកំពុងជំរុញការអនុវត្តគោលនយោបាយផ្លាស់ប្តូរប្រជាជននិងប្រជាជន និងធនធានមនុស្ស ដើម្បីពួកគេបានស្គាល់គ្នា រួបរួមគ្នា និងកសាងសេដ្ឋកិច្ច ឱ្យបានរីកចម្រើនទាំងអស់គ្នា»។
ក្នុងឱកាសបិទព្រឹត្តិការណ៍រថភ្លើងអាស៊ានកូរ៉េនានាល្ងាចថ្ងៃទី១៨ខែតុលាក្នុងទីក្រុងសេអ៊ូល លោកស្រីប្រមុខការទូតសាធារណរដ្ឋកូរ៉េ កាង ឃ្យុងវ៉ា បានថ្លែងឱ្យដឹងថា រដ្ឋាភិបាលរបស់លោកស្រីមានគម្រោងបង្កើនអាហារូបករណ៍ដល់លើសពីទ្វេដងដល់និស្សិតក្នុងប្រទេសសមាជិកអាស៊ាន។ លោកស្រីរដ្ឋមន្ត្រីការបរទេសនៃសាធារណរដ្ឋកូរ៉េបានពន្យល់យ៉ាងដូច្នេះថា កំណើននៃការផ្លាស់ប្តូរប្រជាជន (people to people exchanges) គឺជាកត្តាគន្លឹះនៃការរីកចម្រើននៃភាពជាដៃគូអាស៊ាន-កូរ៉េ ហើយរដ្ឋាភិបាលសាធារណរដ្ឋកូរ៉េចង់ធ្វើអ្វីច្រើនជាងនេះទៀត។ ហេតុដូចនេះហើយ សាធារណរដ្ឋកូរ៉េ មានគម្រោងបន្ថែមចំនួនអាហារូបករណ៍លើសពី២ដងដល់និស្សិតក្នុងបណ្តាប្រទេសអាស៊ាន ដោយបង្កើនពីចំនួនបច្ចុប្បន្ន២៨០កន្លែង ទៅដល់៧០០កន្លែងនៅឆ្នាំ២០២២៕
ប្រតិភូនៃប្រទេសកម្ពុជាដែលរួមមាន រដ្ឋលេខាធិការក្រសួងវប្បធម៌ លោក ជុច ភឿន ឯកអគ្គរាជទូតកម្ពុជាប្រចាំសាធារណរដ្ឋកូរ៉េ មន្ត្រីអគ្គនាយកដ្ឋានយុវជននៃក្រសួងអប់រំ អ្នកជំនួញ និស្សិត និងអ្នកសារព័ត៌មាន បានឡើងលើរថភ្លើងពិសេសមួយ ជាមួយប្រតិភូនៃប្រទេសអាស៊ាន និងសាធារណរដ្ឋកូរ៉េ ទាំងអស់ប្រមាណ២០០នាក់។ ជារថភ្លើងដែលមានឈ្មោះថា «អាស៊ានកូរ៉េ៖ រីកចម្រើនទាំងអស់គ្នា»។
រថភ្លើងពិសេសនេះជាយានមួយដែលកំពុងតំណាងឱ្យនយោបាយថ្មីឆ្ពោះទៅទិសខាងត្បូង (New Southern Policy) របស់លោកប្រធានាធិបតី មូន ចេអ៊ីន ដែលកំពុងត្រូវអនុវត្តដោយឈរលើមូលដ្ឋាន ចំនួន៣គឺ មនុស្ស វិបុលភាព និងសន្តិភាព (3Ps: People Prosperity and People)។ ស្មារតីនៃគោលនយោបាយថ្មីដែលលោកប្រធានាធិបតី មូន បានប្រកាសកាលពីឆ្នាំ២០១៧ នឹងនាំប្រជាជនអាស៊ាន និងកូរ៉េឆ្ពោះទៅភាពរុងរឿង។
រថភ្លើងអាស៊ានកូរ៉េ ដឹកនាំប្រតិភូអាស៊ាន និងកូរ៉េ រយៈពេល៣ថ្ងៃឆ្លងកាត់ទីក្រុង Gyeongju, Busan, Suncheon, Gwangju ដែលជាទីក្រុង តំណាងឱ្យពាក្យគន្លឹះ3Psទាំងបី។
លោក ជុច ភឿន ដែលជារដ្ឋលេខាធិការនៃក្រសួងវប្បធម៌ ដែលជាប្រធានប្រតិភូតំណាងកម្ពុជា ក៏បានស្ថិតនៅក្នុងទូររថភ្លើងពិសេសនោះដែរ ហើយបានបង្ហាញចំណាប់អារម្មណ៍ជាវិជ្ជមានចំពោះព្រឹត្តិការណ៍រថភ្លើងអាស៊ាន-កូរ៉េ ដែលរៀបចំដោយមជ្ឈមណ្ឌលអាស៊ាន-កូរ៉េនិងក្រសួងការបរទេសកូរ៉េនេះ។ លោករដ្ឋលេខាធិការបានពន្យល់យ៉ាងដូច្នេះ៖«រថភ្លើងអាស៊ាន-កូរ៉េ បានបង្ហាញបំណងនៃការប្រមូលផ្តុំប្រជាជន ហើយរួមគ្នាខំប្រឹងដើម្បីការរីកចម្រើនដោយចីរភាព និងក៏ដើម្បីលើតម្កើងការផ្លាស់ប្តូរផ្នែកវប្បធម៌ មិត្តភាព សាមគ្គីភាព និងសន្តិភាពនៅក្នុងតំបន់។»។
សម្រាប់លោក ជុច ភឿន កម្ពុជាពិតជាបានឃើញនូវកំណើនសេដ្ឋកិច្ចរវាងសាធារណរដ្ឋកូរ៉េ និងអាស៊ានក្នុងពេលកន្លងមកហើយ ប៉ុន្តែលោកចង់បន្តចង់ឃើញការរីកចម្រើននេះបន្ថែមទៀតក្នុងក្របខណ្ឌសេដ្ឋកិច្ចបើកចំហរនៃពហុភាគីនិយម។
«កម្ពុជាជឿជាក់ថា ការអភិវឌ្ឍដែលប្រកបដោយបរិយាបន្ន និដោយការទទួលខុសត្រូវក្នុងវិស័យទេសចរណ៍ នឹងបានចូលរួមចំណែកដល់ការអភិរក្សនៃសម្បត្តិបេតិកភណ្ឌ ក៏ដូចជាគោលដៅទេសចរណ៍នានា។»។ នេះជាការបញ្ជាក់របស់លោក ជុច ភឿន រដ្ឋលេខាធិការក្រសួងវប្បធម៌។
ចំណែកឯលោក ឡុង ឌីម៉ង់ ដែលជាឯកអគ្គរាជទូតកម្ពុជាប្រចាំសាធារណរដ្ឋកូរ៉េដែលបានចូលរួមធ្វើដំណើរតាមរថភ្លើងអាស៊ានកូរ៉េនោះដែរ លោកក៏យល់ឃើញថា ការរឹតចំណងកាន់តែជិតស្និទរវាងតំបន់អាស៊ាន និងកូរ៉េ គឺជាសញ្ញាល្អមួយនៃការពង្រឹងសន្តិភាពដែលមនុស្សគ្រប់រូបចង់បាន។ លោកបន្តទៀតថា ភាពរឹងមាំនៃភាពជាដៃគូរវាងអាស៊ាននិងកូរ៉េ នឹងផ្តល់ផលប្រយោជន៍មកដល់កម្ពុជា ដែលជាសមាជិករបស់អាស៊ាន។
នៅក្នុងបន្ទប់សម្ភាសនៅក្នុងទូររថភ្លើងពិសេសអាស៊ានកូរ៉េ ដែលត្រូវបានរៀបចំដោយមជ្ឈមណ្ឌលអាស៊ានកូរ៉េ លោកឯកអគ្គរាជទូតមានប្រសាសន៍ប្រាប់សារព័ត៌មានថ្មីៗយ៉ាងដូច្នេះ៖«កម្ពុជាមានគោលនយោបាយគាំទ្រគ្នាទៅវិញទៅមក។ តាំងពីឆ្នាំ១៩៩៧មក ថ្នាក់ដឹកនាំរបស់កូរ៉េ គឺជាមិត្តរបស់សម្តេចតេជោ ហ៊ុន សែន។ ការកសាងសន្តិភាពក្នុងតំបន់មួយបាន គឺលុះត្រាតែប្រជាជនមានទំនាក់ទំនងគ្នា និងវិបុលភាពជាមួយគ្នា»។
ក្រៅពីចង់ពង្រីកសហប្រតិបត្តិការពាណិជ្ជកម្ម និងសេដ្ឋកិច្ចជាមួយសាធារណរដ្ឋកូរ៉េ លោក ឡុង ឌីម៉ង់ ក៏កំពុងព្យាយាមទាក់ទាញទេសចរកូរ៉េខាងត្បូងទៅកម្សាន្តនៅក្នុងប្រទេសកំណើតរបស់លោកផងដែរ។
លោកឯកអគ្គរាជទូតបានរៀបរាប់ថា៖«យើងត្រូវកែច្នៃ បង្កើតថ្មី គោលដៅទេសចរណ៍របស់យើង ឱ្យលើសពីអ្វីដែលយើងមាន ដើម្បីទទួលទេសចរកូរ៉េ។ ជនជាតិកូរ៉េ ពួកគេតាមគ្នាណាស់។ បើសិនជាពួកគេ ផ្អើលនាំគ្នាទៅប្រទេសណាមួយហើយ ជនជាតិកូរ៉េនាំគ្នាតែប្រទេសនោះ។ លើសពីនេះ វិស័យភាពយន្ត ក៏ជាគន្លឹះមួយដែលអាចទាក់ទាញប្រជាជនកូរ៉េខាងត្បូងឱ្យទៅទស្សនាកម្ពុជាដែរ។»។
នៅក្នុងប្រតិភូតំណាងប្រទេសសមាជិកនីមួយៗ មានសមាសភាពចម្រុះ។ ក្រៅពីមន្ត្រីជាន់ខ្ពស់តំណាងរដ្ឋាភិបាល ក៏មានតំណាងយុវជន អ្នកជំនួញ និស្សិត និងពលរដ្ឋខ្មែរដែលរស់នៅក្នុងប្រទេសកូរ៉េខាងត្បូងដែរ។
អ្នកស្រី ស្រួង ភាវី អាយុ២៨ឆ្នាំ ជាស្ត្រីខ្មែរដែលបានរៀបអាពាហ៍ពិពាហ៍ជាមួយស្វាមីជនជាតិកូរ៉េ បានក្លាយ ជាមនុស្សល្បីល្បាញមួយរូបក្នុងក្រសែភ្នែករបស់ជនជាតិកូរ៉េ ដោយសារតែអ្នកស្រីគឺជាជ័យលាភីនៃកីឡាប៊ីយ៉ាបីទ្រនាប់ ដែលជាកីឡាដ៏មានប្រជាប្រិយនៅក្នុងប្រទេសកូរ៉េ ក៏ត្រូវបានអញ្ជើញឱ្យចូលរួមក្នុងប្រតិភូកម្ពុជាដែរ។ បន្ទាប់ពីបានរស់នៅក្នុងប្រទេសកូរ៉េខាងត្បូងរយៈពេលជិត១០ឆ្នាំ ហើយទទួលបានការទទួលស្គាល់ និងកិត្តិនាមនៅក្នុងប្រទេសទីពីរនេះ ភាវីបានយល់ច្បាស់អំពីផលប្រយោជន៍នៃទំនាក់ទំនងរវាងប្រទេសនិងប្រទេស ប្រជាជននិងប្រជាជន។ ភាវី ដែលដើមកំណើតពីខេត្តត្បូងឃ្មុំបានពន្យល់ប្រាប់សារព័ត៌មានថ្មីៗយ៉ាងដូច្នេះ៖«សព្វថ្ងៃខ្ញុំស្ថិតនៅចំកណ្តាលរវាងកម្ពុជា និងកូរ៉េ។ ខ្ញុំអាចជួយប្រទេសទាំងពីរបាន ខ្ញុំចង់ឱ្យប្រទេសទាំងពីរត្រូវការខ្ញុំ។ មានសប្បុរសជនកូរ៉េច្រើនដែលចាប់អារម្មណ៍ និងអាចជួយកម្ពុជាបាន។»។
ទំនាក់ទំនងរវាងប្រជាជននិងប្រជាជនគឺអ្វីដែលនិស្សិត ញៀន សុគន្ធា ទទួលស្គាល់ថា វាពិតជាមានឥទ្ធិពលល្អចំពោះទំនាក់ទំនងរវាងប្រជាជាតិមួយនិងប្រជាជាតិមួយ។ កញ្ញា សុគន្ធា បានទទួលអាហារូបករណ៍សិក្សាថ្នាក់អនុបណ្ឌិតផ្នែកធនធានជីវៈ និងវិទ្យាសាស្ត្រអាហារនៅសកលវិទ្យាល័យ Konkuk ក្នុងសាធារណរដ្ឋកូរ៉េ។ នៅក្នុងប្រទេសកូរ៉េ សុគន្ធា បានចូលរួមធ្វើការងារស្ម័គ្រចិត្តជាលេខាសមាគមនិស្សិតខ្មែរនៅកូរ៉េខាងត្បូង ហើយក៏ជាលេខានៅក្នុងក្រុមយុវជនអាស៊ានកូរ៉េរបស់មជ្ឈមណ្ឌលអាស៊ានកូរ៉េផងដែរ។
និស្សិត ញៀន សុគន្ធា បានពន្យល់ថា៖«អាស៊ាននិងកូរ៉េមានទំនាក់ទំនងគ្នាល្អរួចហើយក្នុងពេល៣០កន្លងមក។ ខ្ញុំយល់ឃើញថា ភាពជាដៃគូនេះ នឹងរឹតតែល្អក្នុងពេល៣០ទៅមុខទៀត ពីព្រោះរដ្ឋាភិបាលកូរ៉េខាងត្បូងកំពុងជំរុញការអនុវត្តគោលនយោបាយផ្លាស់ប្តូរប្រជាជននិងប្រជាជន និងធនធានមនុស្ស ដើម្បីពួកគេបានស្គាល់គ្នា រួបរួមគ្នា និងកសាងសេដ្ឋកិច្ច ឱ្យបានរីកចម្រើនទាំងអស់គ្នា»។
ក្នុងឱកាសបិទព្រឹត្តិការណ៍រថភ្លើងអាស៊ានកូរ៉េនានាល្ងាចថ្ងៃទី១៨ខែតុលាក្នុងទីក្រុងសេអ៊ូល លោកស្រីប្រមុខការទូតសាធារណរដ្ឋកូរ៉េ កាង ឃ្យុងវ៉ា បានថ្លែងឱ្យដឹងថា រដ្ឋាភិបាលរបស់លោកស្រីមានគម្រោងបង្កើនអាហារូបករណ៍ដល់លើសពីទ្វេដងដល់និស្សិតក្នុងប្រទេសសមាជិកអាស៊ាន។ លោកស្រីរដ្ឋមន្ត្រីការបរទេសនៃសាធារណរដ្ឋកូរ៉េបានពន្យល់យ៉ាងដូច្នេះថា កំណើននៃការផ្លាស់ប្តូរប្រជាជន (people to people exchanges) គឺជាកត្តាគន្លឹះនៃការរីកចម្រើននៃភាពជាដៃគូអាស៊ាន-កូរ៉េ ហើយរដ្ឋាភិបាលសាធារណរដ្ឋកូរ៉េចង់ធ្វើអ្វីច្រើនជាងនេះទៀត។ ហេតុដូចនេះហើយ សាធារណរដ្ឋកូរ៉េ មានគម្រោងបន្ថែមចំនួនអាហារូបករណ៍លើសពី២ដងដល់និស្សិតក្នុងបណ្តាប្រទេសអាស៊ាន ដោយបង្កើនពីចំនួនបច្ចុប្បន្ន២៨០កន្លែង ទៅដល់៧០០កន្លែងនៅឆ្នាំ២០២២៕
Tag:
អាស៊ានកូរ៉េ
3Ps
new southern policy
© រក្សាសិទ្ធិដោយ thmeythmey.com
