អត្ថបទពាណិជ្ជកម្ម
ប្រកួតដាក់បាតដៃលើរថយន្ត៖ កម្ពុជាដាក់បេក្ខជន១០នាក់ ប្រជែងយកឡាន Subaru តម្លៃជិត៦ម៉ឺនដុល្លារ
×![]()
ដោយ: ថ្មីៗ
កម្មវិធីប្រកួតដាក់បាតដៃលើរថយន្ត ស៊ូបារុ មេឌាខប (Mediacorp Subaru Car Challenge 2019) នឹងចាប់ផ្តើមនៅថ្ងៃទី២ ដល់ទី៥ ខែវិច្ឆិកា ឆ្នាំ២០១៩ នេះ នៅបរិវេណផ្សារទំនើប Ngee Ann City Civic Plaza ក្នុងប្រទេសសិង្ហបុរី។
ក្នុងចំណោមអ្នកចូលរួមប្រកួតសរុប៤០០នាក់ មានបេក្ខភាពីកម្ពុជាចំនួន១០នាក់ផងដែរដើម្បីប្រជែងយករង្វាន់ធំ គឺឡានស៊េរីថ្មី Subaru XV 2.0i-S EyeSight ដែលមានតម្លៃប្រហែល ៥៦៥០០ដុល្លារអាមេរិកពីព្រឹត្តិការណ៍នេះ។
ការប្រកួតដាក់បាតដៃលើកទី១៨នេះ មាន៩ប្រទេសចូលរួមដូចជា កម្ពុជា សិង្ហបុរី ម៉ាឡេស៊ី ហ្វីលីពីន ហុងកុង ឆាយនីសតាយប៉ិ ថៃ វៀតណាម និងចិន។ ចំណោមបេក្ខភាពទាំង៤០០រូប ម្ចាស់ផ្ទះសិង្ហបុរីមានសមាជិកចូលរួមប្រកួតរហូតដល់៣២០នាក់ និង១០នាក់ពីប្រទេសនីមួយៗ។
Subaru Palm Challenge 2019 តម្រូវឲ្យបេក្ខជនឈរដាក់បាតដៃលើឡានដែលមានរយ:ពេលយូរជាងគេ ដោយក្នុងនោះរថយន្តមួយគ្រឿងមានបេក្ខជន៤០នាក់ដាក់ដៃលើ។
បេក្ខជនទាំងអស់ មានពេលសម្រាក៥នាទីក្នុង៦ម៉ោងម្តង ដើម្បីបរិភោគអាហារ និងបត់ដៃបត់ជើង។
កាលពីឆ្នាំ២០១៨ បេក្ខជនរបស់សិង្ហបុរីជាអ្នកឈ្នះជ័យលាភីពីព្រឹត្តិការណ៍ដូចគ្នា នេះ ដោយប្រើពេល ៧៥ម៉ោង ១៧នាទី និង៥៨វិនាទី។ ឯចំណាត់ថ្នាក់ទី២បានទៅថៃ៕
(អត្ថបទពាណិជ្ជកម្ម)
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
