ជាតិ
វីដេអូ
សិស្សមន្ត្រីជាន់ខ្ពស់សប្បាយចិត្ត ក្រោយបានបំពេញកម្មសិក្សានៅស្ថានទូតខ្មែរប្រចាំប្រទេសកូរ៉េ
×![]()
ដោយ: ថ្មីៗ
សិស្សមន្ត្រីខ្ពស់ជំនាន់ទី១០នៃសាលាភូមិន្ទរដ្ឋបាល៣រូប មានអារម្មណ៍រីករាយ និងមានមោទកភាពនៅពេលដែលពួកគេបានធ្វើកម្មសិក្សានៅស្ថានទូតកម្ពុជាប្រចាំសាធារណរដ្ឋកូរ៉េ។ លោក នី អាទិគុណ, លោក រិន ច័ន្ទបុត្រ និងលោក ខុម តុលា នឹងបញ្ចប់កម្មសិក្សានៅចុងខែវិច្ឆិកានេះ ក្រោយពីពួកគេបានបំពេញកម្មសិក្សារយៈពេល២ខែកន្លះ។
សិស្សកម្មសិក្សាទាំងបីសុទ្ធតែអះអាងថា ពួកគេបានស្វែងយល់ច្រើនពីការងារជាក់ស្តែងនៅក្នុងស្ថានឯកអគ្គរាជទូតកម្ពុជាប្រចាំនៅបរទេស។ លោក ខុម តុលា បានភ្ញាក់ផ្អើលនឹងភាពមមាញឹករបស់លោកឯកអគ្គរាជទូតកម្ពុជាប្រចាំប្រទេសកូរ៉េ ខណៈដែល លោក អាទិគុណ បានស្វែងយល់ច្រើនអំពីការត្រៀមរៀបចំកម្មវិធីជំនួបទ្វេភាគីរបស់មេដឹកនាំកម្ពុជាជាមួយមេដឹកនាំកូរ៉េ ដែលត្រូវគ្រោងនៅចុងខែវិច្ឆិកានេះ។ ចំណែកឯ សិស្សកម្មសិក្សា ច័ន្ទបុត្រ ឯណោះវិញ ក្រៅពីបានយល់អំពីវិធានការដោះស្រាយបញ្ហារបស់ពលករហើយ ការរៀនសូត្រសម្របខ្លួនទៅតាមអាកាសធាតុ របៀបរបបនៃការរស់នៅ និងស្វែងយល់អំពីវប្បធម៌ ប្រពៃណីរបស់ប្រទេសទទួល ក៏ជាការងារដែលមន្ត្រីការទូតម្នាក់ មិនត្រូវមើលរំលងដែរ។
© រក្សាសិទ្ធិដោយ thmeythmey.com
