ទីក្រុង Goodwood ចក្រភពអង់គ្លេស(ថ្ងៃទី៨ ខែវិច្ឆិកា ឆ្នាំ២០១៩)៖ ក្រុមហ៊ុន Rolls-Royce Motor Cars បានបង្ហាញរថយន្តស៊េរី Black Badge (ឡូហ្គោពណ៌ខ្មៅ) ជាលើកដំបូងរបស់ខ្លួន ក្នុងកម្មវិធីពិព័រណ៌រថយន្ត ក្នុងទីក្រុងហ្សឺណែវ កាលពីខែមីនា ឆ្នាំ២០១៦។ Rolls-Royce បានបង្ហាញរថយន្តប្រភេទ Black Badge នេះជាលើកទី១ ជាមួយនឹងម៉ូឌែល Wraith និង Ghost ក្នុងឆ្នាំ២០១៦ មុននឹងបញ្ចេញម៉ូឌែល Dawn ក្នុងឆ្នាំ២០១៧។ នៅថ្ងៃនេះ ត្រកូលនៃរថយន្តដ៏ប្រណិតមួយនេះ នឹងត្រូវបំពេញជាមួយនឹងការផលិតរថយន្ត Black Badge Cullinan (ប្រភេទ SUV) ដែលមានពណ៌ខ្មៅដិត និងទាក់ទាញបំផុតនៃត្រកូល Black Badge។
លោក Torsten Müller-Ötvös នាយកប្រតិបត្តិក្រុមហ៊ុន Rolls-Royce Motor Cars បានមានប្រសាសន៍ថា រថយន្ត Black Badge ឆ្លុះបញ្ចាំងពីចំណង់ចំណូលចិត្ត របស់ក្រុមអតិថិជនដ៏ស្មោះស្ម័គ្ររបស់ Rolls-Royce ពោលទាំងសុភាពរបុស និងសុភាពនារី ដែលចូលចិត្តប្រថុយប្រថាន ពុះពារឧបសគ្គផ្សេងៗ និងបង្កើតភាពជោគជ័យដោយខ្លួនឯង។ លោក Torsten Müller-Ötvös បន្ថែម៖«ពេលវេលាបានមកដល់ហើយ សម្រាប់ Rolls-Royce ក្នុងការបង្ហាញរថយន្តដ៏ខ្មៅ និងទាក់ទាញបំផុត នៃត្រកូល Black Badge។ Black Badge Cullinan គឺជាស្តេចនាពេលរាត្រី»។
ដំបូងឡើយ Rolls-Royce Cullinan ត្រូវបានផលិតដើម្បីបំពេញតម្រូវការរបស់អតិថិជនវ័យក្មេង ដែលមានការប្រថុយប្រថានខ្ពស់។ រថយន្តមានត្រាធ្វើពីប្រាក់នេះ ត្រូវបានផលិតឡើងជាលើកដំបូងក្នុងឆ្នាំ២០១៨ និងបានក្លាយជាប្រភេទយន្ត SUV ដ៏ល្អប្រណិតភ្លាមៗ ក្នុងពិភពលោក។ នេះគឺជាលើកទី១ហើយ ដែលម៉ូឌែល Cullinan នេះ បានឆ្លងកាត់ការរចនាម៉ូត តាមបែប Black Badge ដើម្បីត្រៀមខ្លួន ក្នុងការបោះជំហានទៅកាន់ទំព័រថ្មីមួយ។
លោក Müller-Ötvös បានបញ្ជាក់បន្តថា៖ «នៅមុនពេល យើងបានបង្ហាញរថយន្ត Black Badge ជាលើកដំបូងក្នុងឆ្នាំ២០១៦ គំនិតនៃការផលិតលើផលិតផលមួយ ដើម្បីបំពេញតម្រូវការអតិថិជន និងមានលក្ខខណៈប្លែកពីស៊េរីមុនៗ បានបង្កើតឲ្យមានការពិភាក្សាផ្ទៃក្នុងយ៉ាងក្តៅគគុក»។
ម៉ូឌែលថ្មីនេះ ត្រូវបានរចនាដោយមានការផ្លាស់ប្តូរផ្នែករូបរាងខាងក្រៅនៃរថយន្ត ដោយនិមិត្តសញ្ញាផ្សេងៗរបស់រថយន្ត Black Badge ក្នុងនោះរាប់បញ្ចូលទាំងឡូហ្គោ «Double R» នៅផ្នែកខាងមុខ ត្រាពណ៌ខ្មៅធ្វើពីប្រាក់នៅផ្នែកចំហៀង និងខាងក្រោយរថយន្ត ស៊ុមនៅជុំវិញកញ្ចក់ទ្វារ កន្លែងបើកគូទក្រោយ ផ្ទៃខាងក្នុងនៃគូទក្រោយរថយន្ត កញ្ច្រែងទប់ខ្សល់ផ្នែកខាងមុខ និងបំពង់ស៊ីម៉ាំង សុទ្ធសឹងត្រូវបានរចនាទៅជាពណ៌ខ្មៅទាំងអស់។
Black Badge Cullinan ផ្តល់នូវភាពទាក់ទាញ ជាមួយនឹងការរចនាពណ៌ផ្នែកខាងក្នុងដ៏ប្រណិត។ ក្រុមអ្នករចនាពណ៌ និងផ្ទៃខាងក្នុងរថយន្ត បានបង្កើតពណ៌ស្បែកពូករថយន្តថ្មីមួយ ឈ្មោះថា Forge Yellow ដើម្បីបង្ហាញពីប្រណិតភាព នៃយីហោរបស់រថយន្តនេះ។ ដូចគ្នាទៅនឹងពណ៌ស្បែកពូកដទៃទៀត ពណ៌មួយនេះ គឺអាចដាក់បញ្ចូលក្នុងការររចនាម៉ូត ទៅតាមតម្រូវការរបស់អតិថិជន។ ដើម្បីបង្ហាញពីប្រណិតភាពបន្ថែមទៀត របស់រថយន្ត Rolls-Royce និមិត្តសញ្ញាបង្ហាញពីភាពគ្មានទីបញ្ចប់ (Infinity) ត្រូវបានរំលេចឡើង នៅផ្នែកខាងក្នុងនៃរថយន្ត។
ជាមួយនឹងការកែសម្រួលផ្នែកបច្ចេកទេសឲ្យកាន់តែល្អប្រសើរ រថយន្ត Rolls-Royce ស៊េរីថ្មីនេះ នឹងត្រូវដំឡើងជាមួយនឹងម៉ាស៊ីន 6.75-litre V12 ដែលនឹងធ្វើឲ្យមានកម្លាំងខ្លាំងជាងមុន ក៏ដូចជាមានសន្ទុះខ្លាំងក្នុងពេលបើកបរ។
អំពីក្រុមហ៊ុន Rolls-Royce Motor Cars
Rolls-Royce Motor Cars គឺជាក្រុមហ៊ុនបុត្រសម្ព័ន្ធទាំងស្រុងរបស់ក្រុមហ៊ុន BMW Group និងជាក្រុមហ៊ុន ផ្សេងគ្នាមួយពីក្រុមហ៊ុន Rolls-Royce plc ដែលជាក្រុមហ៊ុនផលិតម៉ាស៊ីនយន្តហោះ និងប្រព័ន្ធមេកានិក។ បុគ្គលិកជំនាញទាំងបុរស និងស្រីជាង២០០០នាក់ កំពុងតែធ្វើការនៅការិយាល័យកណ្តាលរបស់ក្រុមហ៊ុន Rolls-Royce Motor Cars និងរោងចក្រផលិតរថយន្តក្នុងទីក្រុង Goodwood តំបន់ West Sussex ដែលជាកន្លែងតែមួយក្នុងពិភពលោក ដែលរថយន្តប្រណិតរបស់ក្រុមហ៊ុននេះ ត្រូវបានផលិតដោយដៃ។
សម្រាប់ព័ត៌មានបន្ថែម សូមចូលទៅកាន់គេហទំព័ររបស់យើង PressClub។
ចំហេះឧស្ម័នកាបូន និងកម្រិតនៃការស៊ីប្រេង៖
● Black Badge Cullinan មានចំហេះឧស្ម័នកាបូនក្នុងកម្រិត ៣៧០-៣៧៧ ក្រាម/១គីឡូម៉ែត្រ និងកម្រិតស៊ីប្រេង ១៦,៣-១៦,៦ លីត្រ/១០០គីឡូម៉ែត្រ៕
(អត្ថបទពាណិជ្ជកម្ម)