អនុប្រធានាធិបតីមីយ៉ាន់ម៉ា ដើរទស្សនាប្រាសាទបាយ័ន តាព្រហ្ម និង អង្គរវត្ត

ជាតិ

អនុប្រធានាធិបតីមីយ៉ាន់ម៉ា ដើរទស្សនាប្រាសាទបាយ័ន តាព្រហ្ម និង អង្គរវត្ត

20, Nov 2019 , 5:39 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ អនុប្រធានាធិបតីសហព័ន្ធមីយ៉ាន់ម៉ា លោក យូ ហេនរី វ៉ាន់ ធីអូ (U Henry Van Thio) បានធ្វើទស្សនកិច្ចមកកាន់ខេត្តសៀមរាបនាថ្ងៃទី២០ វិច្ឆិកា។ ទស្សនកិច្ចពេញមួយព្រឹក លោក យូ បានទៅទស្សនាប្រាសាទមួយចំនួនក្នុងរមណីយដ្ឋានអង្គរ រួមមានប្រាសាទបាយ័ន ប្រាសាទតាព្រហ្ម និង ប្រាសាទអង្គរវត្ត។

មគ្គុទ្ទេសក៍ទេសចរណ៍ផ្លូវរដ្ឋ ក្នុងដំណើរទស្សនកិច្ចអនុប្រធានាធិបតីសហព័ន្ធមីយ៉ាន់ម៉ា លោក អ៊ឹម សុខរិទ្ធី បានឱ្យដឹងថា លោក យូ បានសាកសួរសំណួរមួយចំនួនទាក់ទងទៅនឹងប្រភពថ្មប្រើសម្រាប់សង់ប្រាសាទ ក៏ដូចជាមធ្យោបាយដឹកជញ្ជូនជាដើម។ បន្ថែមពីនោះ លោកក៏បានសួរពីរបៀបគ្រប់គ្រងនិងអភិរក្សរមណីយដ្ឋានអង្គរ ការឱ្យអ្នកស្រុកដើមបន្តរស់នៅក្នុងបរិវេណរមណីយដ្ឋានអង្គរ ដែលលោកអនុប្រធានាធិបតីយល់ថា ជាចំណាត់ការល្អដែលប្រាសាទអង្គរវត្តមិនក្លាយជាវត្ថុតាំងក្នុងសារមន្ទីរ ហើយវានៅមានជីវិតរហូត៕

ខាងក្រោមនេះជារូបភាពជុំវិញនៃដំណើរទស្សនកិច្ចរបស់អនុប្រធានាធិបតីសហព័ន្ធមីយ៉ាន់ម៉ា មកកាន់រមណីយដ្ឋានអង្គរ៖