ក្រសួងសិក្សាបង្កើតគន្លងផ្លូវពិសេសសម្រាប់រថយន្តក្រុង ដើម្បីដឹកអ្នកដំណើរបានឆាប់រហ័ស

ជាតិ

ក្រសួងសិក្សាបង្កើតគន្លងផ្លូវពិសេសសម្រាប់រថយន្តក្រុង ដើម្បីដឹកអ្នកដំណើរបានឆាប់រហ័ស

05, Dec 2019 , 11:59 am

រូបភាព

ដោយ:

ភ្នំពេញ៖ ក្រសួងសាធារណការ និងដឹកជញ្ជូន កំពុងសិក្សាអំពីលទ្ធភាពបង្កើតគន្លងផ្លូវសម្រាប់រថយន្តក្រុង ដើម្បីឲ្យការដឹកជញ្ជូនអ្នកដំណើរកាន់តែឆាប់រហ័សជាងសព្វថ្ងៃ។ នេះបើតាមការលើកឡើងរបស់លោករដ្ឋមន្ត្រី ស៊ុន ចាន់ថុល ប្រាប់អ្នកសារព័ត៌មានក្រោយវេទិកាសំណេះសំណាលស្ដីពីចល័តភាពក្នុងទីប្រជុំជន នៅថ្ងៃទី៥ខែធ្នូ ។

«យើងកំពុងសិក្សាថាតើគួរមានគន្លងពិសេសសម្រាប់រថយន្តក្រុង? ព្រោះថាបើ(សព្វថ្ងៃ) ជិះរថយន្តក្រុងហើយកកស្ទះដដែល គេមិនចង់ជិះទេ»។ នេះជាប្រសាសន៍របស់លោក ស៊ុន ចាន់ថុល ។ លោកបញ្ជាក់ថា ក្រសួងសាធារណការ នឹងសហការជាមួយសាលារាជធានភ្នំពេញដើម្បីពិនិត្យកិច្ចការសិក្សាបង្កើតគន្លងសម្រាប់រថយន្តក្រុងនេះ។

គួរបញ្ជាក់ថា រដ្ឋាភិបាលបានដាក់ឲ្យដំណើរការខ្សែរថយន្តក្រុងក្នុងរាជធានីភ្នំពេញចាប់ពីឆ្នាំ២០១៤ ដែលចាប់ផ្ដើមដំបូងពីចំនួន៣ខ្សែ ឥឡូវមាន១៣ខ្សែ ដោយមានរថយន្តសរុប ២៣៥ អាចផ្ទុកអ្នកដំណើរ ១៥០០០នាក់ក្នុងមួយថ្ងៃ៕