រដ្ឋមន្ត្រីមហាផ្ទៃ ឲ្យហ្វ៊ុនស៊ិនប៉ិច ដោះស្រាយផ្ទៃក្នុងសិន ទើបអនុញ្ញាតឲ្យធ្វើសមាជ

ជាតិ

នយោបាយជាតិ

រដ្ឋមន្ត្រីមហាផ្ទៃ ឲ្យហ្វ៊ុនស៊ិនប៉ិច ដោះស្រាយផ្ទៃក្នុងសិន ទើបអនុញ្ញាតឲ្យធ្វើសមាជ

19, Dec 2019 , 2:14 pm

រូបភាព

ដោយ: ថ្មីៗ

គណបក្សហ្វ៊ុនស៊ិនប៉ិចរបស់សម្តេចក្រុមព្រះ នរោត្តម រណឫទ្ធិ បានដាក់សំណើទៅសម្តេច ស ខេង រដ្ឋមន្ត្រីក្រសួងមហាផ្ទៃ ដើម្បីធ្វើសមាជវិសាមញ្ញ នៅថ្ងៃទី២៣ ខែធ្នូ ឆ្នាំ២០១៩។ តែសម្តេច ស ខេង មិនទាន់អនុញ្ញាតឡើយ ដោយប្រាប់ថា សុំឲ្យគណបក្សហ្វ៊ុនស៊ិនប៉ិច ពន្យារពេលសិន។

តាមរយៈលិខិតឆ្លើយតបនឹងសម្តេចក្រុមព្រះ ដែលចុះនៅថ្ងៃទី១៩ ខែធ្នូ សម្តេច ស ខេង ស្នើឲ្យគណបក្សហ្វ៊ុនស៊ិនប៉ិច «សម្របសម្រួលនិងដោះស្រាយបញ្ហាផ្ទៃក្នុងរបស់គណបក្សចប់សព្វគ្រប់ជាមុនសិន» មុននឹងរៀបចំសមាជវិសាមញ្ញនេះ។ ជាមួយគ្នានេះ សម្តេចរដ្ឋមន្ត្រី ក៏ស្នើឲ្យគណបក្សហ្វ៊ុនស៊ិនប៉ិច អនុវត្តតាមប្រកាស២៤ នៃលក្ខន្តិកៈគណបក្សខ្លួនផងដែរ។

លោក ផាន់ សិទ្ធិ អគ្គលេខាធិការរងគណបក្សហ្វ៊ុនស៊ិនប៉ិច មិនបកស្រាយឡើងទៅនឹងការណែនាំរបស់ក្រសួងមហាផ្ទៃ ដែលឲ្យគណបក្សហ្វ៊ុនស៊ិនប៉ិច ដោះស្រាយបញ្ហាផ្ទៃក្នុងជាមុនសិន មុនឹងធ្វើសមាជវិសាមញ្ញ ដោយលោក លើកឡើងថា កិច្ចការទាំងអស់នេះ គឺលោកលោក ឆឹង ចំរើន ដែលជាអគ្គលេខាធិការគណបក្ស ជាអ្នករៀបចំ ហើយជាអ្នកដឹងព័ត៌មាននេះលម្អិត។ តែសារព័ត៌មានថ្មីៗ មិនអាចសុំការបំភ្លឺពីលោក ឆឹង ចំរើន បាននោះទេ ដោយសារតែលោក មិនលើកទូរស័ព្ទ៕