ក្រោយទទួលបានការគាំទ្រច្រើន លើសការរំពឹងទុក ពេលនេះ Nokia 6.2 និង Nokia 7.2 មានស្ដុកក្នុងប្រទេសកម្ពុជាវិញហើយ!

អត្ថបទពាណិជ្ជកម្ម

ក្រោយទទួលបានការគាំទ្រច្រើន លើសការរំពឹងទុក ពេលនេះ Nokia 6.2 និង Nokia 7.2 មានស្ដុកក្នុងប្រទេសកម្ពុជាវិញហើយ!

25, Dec 2019 , 5:22 pm

រូបភាព

ដោយ: ថ្មីៗ

Nokia 6.2 និង Nokia 7.2 គឺជាម៉ូឌែលទូរសព្ទដៃរបស់ Nokia ដែល ទទួលបានការគាំទ្រយ៉ាងខ្លាំង ពីសំណាក់ប្រជាជនកម្ពុជា ក៏ដូចជាសកលលោក។ បន្ទាប់ពីការលក់ដាច់លើសពីការរំពឹងទុករហូតដល់អស់ពីស្ដុកមួយរយៈ ឥឡូវនេះ ការទន្ទឹងរង់ចាំរបស់អ្នកទាំងគ្នា បានមកដល់ហើយ។ ក្រុមហ៊ុន KTH ដែលជាក្រុមហ៊ុននាំចូលទូរសព្ទ Nokia នៅប្រទេសកម្ពុជា បានប្រកាសនូវការនាំយកស្ដុកថ្មីនៃទូរសព្ទទាំង ២ ម៉ូឌែលនេះ គឺ Nokia 6.2 និង Nokia 7.2 មានលក់នៅទីផ្សារកម្ពុជាវិញហើយ។ លោកអ្នក អាចរកជាវបានតាមបណ្ដាហាងលក់ទូរសព្ទដៃ ក្នុងប្រទេសកម្ពុជា ដោយ Nokia 6.2 មានតម្លៃត្រឹមតែ 219 ដុល្លារ និង Nokia 7.2 មានតម្លៃត្រឹមតែ 289 ដុល្លារបុណ្ណោះ។ លោកអ្នក ក៏ទទួលបានជើងទម្រកាមេរ៉ា យ៉ាងស្រស់ស្អាតផងដែរ។

Nokia 7.2 គឺជាម៉ូឌែលទូរសព្ទ ដែលបានបំពាក់មកជាមួយ នូវកាមេរ៉ាខាងក្រោយ ដល់ទៅ ៣ គ្រាប់ ដោយលែនមេ (Main Camera) មានទំហំ 48 MP, f/1.8, (wide), 1/2", 0.8µm, PDAF អាចផ្ដិតយករូបភាពបានស្រស់ស្អាត នៅកន្លែងងងឹត។ ចំណែកលែនមួយទៀត 8 MP, f/2.2, 13mm (ultrawide) ដែលថតរូបនៅទីតាំងចង្អៀតបានយ៉ាងល្អ និង 5 MP, depth sensor សម្រាប់ថតរូបព្រិលខាងក្រោយ (Portrait mode) ដែលគណនាសាច់ព្រិលបានយ៉ាងស្រស់ស្អាត។ រីឯកាមេរ៉ាមុខ មានទំហំរហូតដល់ 20MP Zeiss optics, HDR ដែលមានមុខងារល្អលើសពីការរំពឹងទុក ដោយមានបំពាក់មុខងារជាច្រើន ទៅតាមតម្រូវការរបស់អ្នកគាំទ្រ។ Nokia 7.2 ដំណើរការ ដោយប្រព័ន្ធប្រតិបត្តិការ Android One ដែលអាចធ្វើបច្ចុប្បន្នភាពបានផងដែរ។

Nokia 7.2 គឺជាស្មាតហ្វូនដែលមានរូបរាងដ៏ប្រណិត គួរឱ្យទាក់ទាញ និងមានអេក្រង់លាតសន្ធឹង ដោយប្រើប្រាស់លែនដំណក់ទឹក ដែលធ្វើឱ្យអេក្រង់លាតទូលាយ រហូតដល់ 6.3 អ៊ីញ។ អស់បារម្ភជាមួយនឹងងការទស្សនាវីដេអូ ឬលេងហ្គេមទៀតឡើយ។ បំពាក់មកជាមួយ នូវបន្ទះឈីប Snapdragon 660 Processor ហើយមានទំហំរ៉េម 6 GB និងអង្គផ្ទុកទិន្នន័យ រហូតដល់ 128 GB។ ស្របគ្នាជាមួយទំហំថ្ម 3500 mAh ដែរអាចកំដរលោកអ្នក បានរហូតដល់ទៅ ២ថ្ងៃឯណោះ។ Nokia 7.2 មានជម្រើសពីពណ៌ ព៍ណខ្មៅ និង បៃតង Nokia 6.2 វិញ ក៏មិនចាញ់បងធំវាប៉ុន្មានដែរ! Nokia 6.2 មានទំហំអេក្រង់ 6.3 អ៊ីញ ប្រើលែនតំណក់ទឹក ដែលអមជាមួយកាម៉េរាខាងមុខ 8 MP, f/2.0, 1/4", 1.12µm។ អាច្រមក់មួយនេះ ក៏បានបំពាក់កាមេរ៉ាខាងក្រោយដល់ទៅ ៣ គ្រាប់ផងដែរ ដោយបំពេញមុខងារផ្សេងៗគ្នា។ លែនមេមានទំហំ 16 MP, f/1.8, 27mm (wide), 1.0µm, PDAF។ ចំណែកលែនទី២ មានទំហំ 8 MP, f/2.2, 13mm (ultrawide) ដែលអាចថតរូបបានទូលាយនៅទីចង្អៀត និងលែនទី៣ មានមុខងារធ្វើឱ្យរូបភាពព្រិលខាងក្រោយដែរ មានទំហំ 5 MP, depth sensor។

នៅលើតួខ្លួនម៉ូឌែលមួយនេះ បានបំពាក់នៅបន្ទះឈីបនាគរាជ Snapdragon Qualcomm SDM636 Snapdragon 636 (14 nm) CPU Octa-core 1.8 GHz Kryo 260 ដែលមានទំហំរ៉េម RAM ទំហំ 4GB និងទំហំផ្ទុក 64GB, និងមានទំហំថ្មរហូតដល់ 3500mAh ដែលអាចកំដរលោកអ្នក រហូតដល់ទៅ ២ថ្ងៃឯណោះ។ Nokia 6.2 ក៏មានជម្រើស ២ ពណ៌ផងដែរ ព៍ណខ្នៅរលោង និង ព្រិលទឹកកក។

គួររំលឹកថាសម្រាប់ស្មាតហ្វូនពីរម៉ូឌែលនេះ នឹងអាចធ្វើបច្ចុប្បន្នភាពទៅកាន់ Android 10 ក្នុងពេលឆាប់នេះហើយ។

លោកអ្នក អាចរកជាវទូរសព្ទទាំងពីម៉ូឌែលនេះ នៅតាមបណ្ដាហាងទូរសព្ទនៅទីក្រុងភ្នំពេញ និងតាមបណ្ដាខេត្តទូទាំងប្រទេសកម្ពុជា៕