អត្ថបទពាណិជ្ជកម្ម
«ហ្វ្រ៊ូតាទី»ស្ករគ្រាប់រសជាតិថ្មី ស្នាដៃផលិតរបស់កូនខ្មែរ ចេញលក់ជាផ្លូវការហើយ
×![]()
ដោយ: ថ្មីៗ
ភ្នំពេញ៖ នេះជាសម្មិទ្ធផលថ្មីមួយទៀត របស់ក្រុមហ៊ុន អេប្រាធីហ្វ៊ូដ (ខេមបូឌា) ដែលជាក្រុមហ៊ុនផលិតស្ករគ្រាប់តាមស្តង់ដារអន្តរជាតិ នៅក្នុងប្រទេសកម្ពុជា ដែលមានក្រុមហ៊ុនដើម មកពីសហរដ្ឋអាមេរិក ។
ក្រុមហ៊ុនបានសម្រេចដាក់លក់ជាផ្លូវការ ស្ករគ្រាប់ដែលមានឈ្មោះថា «ហ្វ្រ៊ូតាទី» ដែលផ្តោតទៅលើរសជាតិផ្លែឈើក្នុងស្រុក ចំនួន៣ប្រភេទ រួមមានរសជាតិផ្លែព្រីង រសជាតិស្វាយ-អំបិល និងរសជាតិអម្ពិល-ហឹរ។ គ្រប់ផលិតផលរបស់ក្រុមហ៊ុន ទទួលបានស្តង់ដារសុវត្ថិភាព និងគុណភាពម្ហូបអាហារអន្តរជាតិ ដូចជា GMP, HACCP, BRC, HALAL និងស្តង់ដារជាច្រើនទៀត ដើម្បីធានា និងផ្តល់នូវទំនុកចិត្តជូនអតិថិជន។
ដោយមើលឃើញក្តានុពល នៃការទទួលទានផ្លែឈើ និងការលើកស្ទួយផលិតផលក្នុងស្រុក ស្ករគ្រាប់ថ្មី ម៉ាកហ្វ្រ៊ូតាទីនេះ ត្រូវបានស្រាវជ្រាវឡើង ដោយការធ្វើតេស្តសាកល្បងអស់រយៈពេលជាច្រើនខែ ពាក់ព័ន្ធទៅនឹងរសជាតិផ្លែឈើ វត្ថុធាតុដើម និងគុណភាពក្នុងការរក្សាទុក។ ចំណែកឯការផលិតឡើង សុទ្ធសឹងតែជាស្នាដៃរបស់កូនខ្មែរសុទ្ធសាធ ដោយផ្តោតសំខាន់ទៅលើសុវត្ថិភាពក្នុងការបរិភោគ គុណភាព និងចំណង់ចំណូលចិត្ត ទទួលទានរបស់ប្រជាជនខ្មែរ។
លោក អរុណ ចនសុន ដែលជានាយកគ្រប់គ្រងក្រុមហ៊ុនបានមានប្រសាសន៍ថា លោកពិតជាមានមោទកភាពយ៉ាងខ្លាំង ចំពោះការខិតខំប្រឹងប្រែងរបស់បុគ្គលិក ដែលបង្កើតនូវផលិតផលស្ករគ្រាប់ រសជាតិថ្មីដោយជោគជ័យ ដើម្បីឲ្យអ្នកទទួលទានទទួលបាន បទពិសោធន៍នៃការញ៉ាំដ៏រីករាយ។ លោកសង្ឃឹមថា ប្រជាជនខ្មែរនឹងងាកមកគាំទ្រផលិតផលស្ករគ្រាប់ ដែលផលិតនៅក្នុងស្រុកកាន់តែច្រើន។
ចំពោះស្ករគ្រាប់ហ្វ្រ៊ូតាទី រសជាតិព្រីង គឺមានលក្ខណៈពិសេស និងប្លែកមិនធ្លាប់មានពីមុនមក ដោយយើងធ្លាប់តែបរិភោគក្នុងទម្រង់ជាផ្លែឈើស្រស់ តែពេលនេះ យើងអាចបង្កើតស្ករគ្រាប់រសជាតិផ្លែព្រីង ដែលអាចញ៉ាំបានគ្រប់រដូវកាល។ ស្ករគ្រាប់ហ្វ្រ៊ូតាទី ព្រីងនេះ គឺមានរសជាតិជូរផ្អែម និងមានក្លិនយ៉ាងប្រហើររបស់ផ្លែព្រីងស្រស់ៗ។
ចំណែកស្ករគ្រាប់ ហ្វ្រ៊ូតាទី រសជាតិ ស្វាយ-អំបិលវិញ ក៏មានលក្ខណៈប្លែកផងដែរ ព្រោះវាជាផលិតផលច្នៃប្រឌិតពីការនិយមបរិភោគស្វាយខ្ចី ជាមួយនឹងអំបិល ទៅជាស្ករគ្រាប់ដែលអាចញ៉ាំបានគ្រប់ពេលវេលា។ ក៏ដូចគ្នាដែរ ស្ករគ្រាប់ហ្វ្រ៊ូតាទី ស្វាយ-អំបិលនេះ មានរសជាតិជូរផ្អែម និងប្រៃតិចៗ រួមផ្សំជាមួយនឹងក្លិនផ្លែស្វាយខ្ចីយ៉ាងក្រអូប គួរឲ្យចង់ញ៉ាំសក្តិសម សម្រាប់អ្នកដែលចូលចិត្តញ៉ាំម្ជូរ។
បន្ថែមពីនេះទៀត ស្ករគ្រាប់ហ្វ្រ៊ូតាទី រសជាតិអម្ពិលហឹរ ក៏មានរសជាតិអស្ចារ្យ មិនចាញ់រសជាតិដទៃទៀតដែរ គឺវាផ្សំឡើងពីផ្លែអម្ពិលទុំ លាយជាមួយម្ទេស ដែលមានរសជាតិជូរផ្អែម និងហឹរតិចៗ ឆ្ងាញ់គួរឲ្យចង់ទទួលទាន។
ក្រុមហ៊ុនផលិតស្ករគ្រាប់ អេប្រាធីហ្វ៊ូដ (ខេមបូឌា) បានដាក់លក់ជាផ្លូវការ នូវផលិតផលថ្មីនេះ ក្នុងគោលបំណងលើកស្ទួយផលិតផលក្នុងស្រុក និងពង្រីកទីផ្សារបន្ថែមឲ្យកាន់តែទូលំទូលាយ។ អតិថិជនស្វែងរកទិញ និងសាកល្បងរសជាតិថ្មី នៃស្ករគ្រាប់ហ្វ្រ៊ូតាទីនេះ បានយ៉ាងងាយស្រួល នៅលើទីផ្សារក្នុងព្រះរាជាណាចក្រកម្ពុជា។ សូមសាកល្បងទទួលទាន ស្ករគ្រាប់ដែលមានរសជាតិថ្មី និងប្លែកទាំងនេះ ដើម្បីលើកស្ទួយផលិតផលដែលផលិតក្នុងស្រុក ជួយបង្កើនការងារក្នុងស្រុក និងកាត់បន្ថយការនាំចូល។ សូមទំនាក់ទំនងមក 087 300 040 ដើម្បីទទួលបានព័ត៌មានបន្ថែម ពីផលិតផលរបស់អេប្រាធីហ្វ៊ូដ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
