ហាងមេហ្គាឌីស លក់សម្ភារប្រើប្រាស់ក្នុងផ្ទះ និងសណ្ឋាគារម៉ាកល្បីៗ បើកដំណើរការជាផ្លូវការហើយ

អត្ថបទពាណិជ្ជកម្ម

ហាងមេហ្គាឌីស លក់សម្ភារប្រើប្រាស់ក្នុងផ្ទះ និងសណ្ឋាគារម៉ាកល្បីៗ បើកដំណើរការជាផ្លូវការហើយ

18, Jan 2020 , 2:16 pm

រូបភាព

ដោយ: ថ្មីៗ

ភ្នំពេញ៖ ហាងមេហ្គាឌីសលក់សម្ភារប្រើប្រាស់ក្នុងផ្ទះ និងសណ្ឋាគារម៉ាកល្បីៗ ចាប់ផ្តើមបើកដំណើរការជាផ្លូវការនៅថ្ងៃទី១៧ មករា ២០២០ នេះ ដែលមានទីតាំងនៅក្នុងផ្សារបាយ័ន (ជាន់ទី១) ទួលគោក។

ក្នុងពិធីសម្ពោធហាងមេហ្គាឌីស មានការអញ្ជើញចូលរួមពីសំណាក់ភ្ញៀវកិត្តិយស ដៃគូអាជីវកម្ម និងបណ្តាអ្នកសារព័ត៌មានយ៉ាងច្រើនកុះករ។ លោក ហ៊ុយ ប៉េងលាង នាយកគ្រប់គ្រងទូទៅ បានប្រាប់ឲ្យដឹងថា៖ «នេះគឺជាហាងទីមួយរបស់យើង ហើយវាមានវិសាលភាពធំទូលាយដែលអតិថិជនងាយស្រួលដើរមើល និងទិញទំនិញប្រើប្រាស់ក្នុងផ្ទះបានយ៉ាងសម្បូរបែប»។

លោក ហ៊ុយ ប៉េងលាង បានសង្កត់ធ្ងន់ថា ហាងរបស់យើងផ្តល់នូវទំនិញដែលមានគុណភាពខ្ពស់ តម្លៃសមរម្យជាមួយសេវាកម្មអតិថិជនល្អប្រសើរ ហើយលោកសង្ឃឹមថាហាងថ្មីនេះ នឹងទទួលបានការគាំទ្រពីសំណាក់អតិថិជនយ៉ាងច្រើនផងដែរ។

ម្យ៉ាងវិញទៀតលោកបានបញ្ជាក់ថា៖ «ក្រុមហ៊ុនគ្រោងនឹងបើកបីសាខានៅតំបន់សំខាន់ៗផ្សេងទៀតនៅទីក្រុងភ្នំពេញក្នុងឆ្នាំ២០២០នេះ ដើម្បីឲ្យអតិថិជនរបស់យើងងាយស្រួលក្នុងការទិញទំនិញនៅក្នុងហាង»។

ក្នុងឱកាសនេះ មានការបញ្ចុះតម្លៃរហូតដល់ ៣០% គ្រប់មុខទំនិញទាំងអស់រយៈពេល៥ថ្ងៃពីថ្ងៃទី ១៧ ដល់ ២១ មករា ២០២០ និងមានការបង្វិលកងសំណាងយករង្វាន់ភ្លាមៗ។

កាន់តែពិសេសសម្រាប់អតិថិជន ១០០ នាក់ដំបូងអាចទិញទំនិញតម្លៃត្រឹមតែ ១ដុល្លារប៉ុណ្ណោះជារៀងរាល់ថ្ងៃ ជាមួយមុខទំនិញដែលបានកំណត់។ *លក្ខខណ្ឌផ្សេងៗត្រូវបានអនុវត្ត។

នៅក្នុងកម្មវិធី ក្រុមហ៊ុនបានចែកអំណោយទៅកាន់សិស្សក្រីក្រមកពីវិទ្យាល័យឥន្ទ្រទេវីចំនួនប្រហែល ១០០នាក់ ដែលម្នាក់ៗទទួលបានដូចជាៈ សៀវភៅ ប៊ិក ខ្មៅដៃ និងដបទឹកផងដែរ។