បទយកការណ៍ / បទសម្ភាសន៍
ជាតិ
សង្គមជាតិ
×![]()
ចរន្តសកលភាវូបនីយកម្មបានធ្វើឲ្យមនុស្សងុបងល់នឹងសម្ភារ តាមរយៈការផ្លាស់ប្តូរម៉ូត ឬស៊េរីដោយឥតសំចៃ។ ការឆាប់ទទួលយក ហើយក៏ឆាប់បោះបង់ ទៅវិញ បានក្លាយជាទម្លាប់ទៅហើយ សម្រាប់យុវជន យុវតីខ្មែរមួយចំនួនក្នុងសម័យបច្ចុប្បន្ននេះ។ មិនមែនសម្រាប់តែសម្ភារប្រើប្រាស់នោះទេ ដែលពួកគេត្រូវផ្លាស់ប្តូរឡើងស៊េរី សូម្បីតែស្នេហាក៏ពួក គេត្រូវផ្លាស់ប្តូរឡើងស៊េរីផងដែរ។
អ្នកខ្លះមានគូស្នេហ៍ ស្រឡាញ់គ្នាបានមួយខែ ក៏បែកគ្នាទៅវិញ។ អ្នកមួយចំនួនទៀត មានសង្សារ ច្រើននាក់ក្នុងពេលតែមួយទៀតផង។ មានមតិជាច្រើនបាននឹងកំពុងបន្ទោសគ្នាទៅវិញទៅមកថា នារី មិនស្មោះ ទើបបុរសសាវ៉ា មតិមួយចំនួនទៀតថា បុរសសាវ៉ាកំពុងបង្រៀននារីឲ្យមិនស្មោះ។ ចំណែកឯ មតិមួយចំនួនផ្សេងទៀត បន្ទោសថា មកពីបច្ចេវិទ្យាទំនើបពេកទើបធ្វើឲ្យយុវវ័យមួយចំនួន ជ្រួល ជ្រើម និងសម្ភារនិយមភ្លេចខ្លួន។
យុវតីមួយចំនួនចូលចិត្តការសប្បាយ ភាពហ៊ឺហា សុខចិត្តលះបង់ខ្លួនប្រាណ ដូរនឹងការសប្បាយ និងសម្ភារទំនើប ភ្លេចគិតពីទំនៀមទំលាប់ ប្រពៃណីរបស់ខ្លួន។ រីឯបុរសៗមួយចំនួនវិញ ឲ្យដឹងដែរថា ពួកគេចង់ភ្លក់រស់ជាតិថ្មីជានិច្ច។
ជានិស្សិតឆ្នាំទី៤ កញ្ញា នីតា បានបង្ហើបប្រាប់ពីស្នេហារបស់មិត្តគេម្នាក់ដោយសុំមិនបញ្ចេញឈ្នោះ ថា៖ «ថ្ងៃមួយមិត្តខ្ញុំបានប្រាប់ថា គេមានសង្សារបួននាក់ក្នុងពេលតែមួយ។ គេរៀបចំពេលវេលាជួបគ្នា បានល្អណាស់ មិនឲ្យជាន់គ្នាឡើយ។ ម្យ៉ាងវិញទៀត ក្នុងចំណោមបួននាក់នោះ បើម្នាក់ណាមិនអាច បំពេញតាមតំរូវការរបស់គេបាន គឺគេផ្តាច់ចោលភ្លាម»។
នីតា បន្ថែមឲ្យដឹងពីសម្តីរបស់មិត្តខ្លួន ទៀតថា៖ «មានតែមនុស្សល្ងង់ទេ ដែរដើរតែផ្លូវមួយ។ ពេលបែកពីប្រុសម្នាក់ យ៉ាងហោចក៏មាន ពីរ បី នាក់ទៀតដែរ»។ យុវតីសម្បូរស្នេហ៍រូបនេះ បញ្ជាក់ទៀតថា៖ «គេមិនដែលមានវិប្បដិសារី មិនពិបាកចិត្ត ហើយក៏មិនចេះឈឺចាប់ម្តងណាឡើយ»។
ឃើញភ្លាម ស្រឡាញ់ភ្លែត ជាទម្លាប់របស់ យុវជនម្នាក់ ជិះឡាន ម៉ាកហុងដា ពណ៌ស លោក ដេវីត បានលើកឡើងថា៖ « ភាពសង្ហារ ឡានទំនើប ទូរស័ព្ទស៊េរីថ្មីរបស់ខ្ញុំ ជួយឲ្យខ្ញុំបានភ្លក់រស់ជាតិថ្មីជា ញឹកញាប់»។ យុវជន សក់វែង សម្បុរស ដដែលនេះបន្ថែមទៀតថា៖ «ខ្ញុំមិនទាន់ចង់បានស្នេហ៍ស្មោះ នោះទេ។ មានសង្សារស្រឡាញ់គ្នាមួយរយៈ ហើយបែកផ្លូវគ្នាវិញល្អជាង»។
យុវតីមួយចំនួនគិតថា បុរសៗគឺសុទ្ធតែមិនស្មោះ ហេតុដូច្នេះ គ្មានហេតុផលណាដែលធ្វើឲ្យពួកគេត្រូវ ស្មោះនឹងបុរសទាំងនោះវិញឡើយ។
កញ្ញា លីនដា ជាបុគ្គលិកក្រុមហ៊ុនឯកជនមួយ ឲ្យដឹងថា៖ « ខ្ញុំធ្លាប់មានសង្សារបីនាក់ ឥឡូវបែកគ្នាអស់ ហើយ។ ពួកយើងស្រឡាញគ្នាលេងៗ ។ ខ្ញុំគ្រាន់តែដើរលេងសប្បាយជាមួយគ្នាតែប៉ុណ្ណោះ ខ្ញុំមិនបាន ខូចខ្លួនជាមួយគេឡើយ»។ កញ្ញាវ័យ២៤ឆ្នាំរូបនេះ បញ្ញាក់ថា៖ « ពួកគេសុទ្ធតែមិនស្មោះនឹងខ្ញុំ ដូច្នេះ ខ្ញុំក៏មិនអាចស្មោះនឹងពួកគេវិញដែរ»។
លោក វណ្ណៈ ម្នាក់ទៀត ជាអ្នកមានរស់និយម ចូលចិត្តដូររស់ជាតិស្នេហាញឹកញាប់ យុវជនរូបនេះ លើកឡើងថា៖ «នារីៗមួយចំនួនឥឡូវ មិនសូវកំណាញ់ខ្លួនទេ ពួកគេចូលចិត្តការសប្បាយ ឲ្យតែបាន នាំពួកគេផឹកស៊ីសប្បាយ ចូលក្លិបរាត្រី ពេលចេញមកវិញចង់នាំទៅណាក៏បាន»។
ស្នេហាចាស់ៗជំនាន់មុន មិនដូចសម័យឥឡូវនេះទេ ទម្រាំស្រឡាញ់គ្នាបាន ត្រូវចំណាយ ពេលរាប់ឆ្នាំ ផ្ញើរសំបុត្រឲ្យគ្នាទៅវិញទៅមក និងមានការអៀនខ្មះច្រើនទៀតផង។ មិនដូចយុវវ័យ សម័យឥឡូវ ងាយបង្កើតចំណងស្នេហា ហើយក៏ហ៊ានបង្ហាញជាសាធារណៈផងដែរ។ ក្នុងរយៈពេល ចុងក្រោយនេះ គេសង្កេតឃើញមាន រូបភាព និងវីដេអូ ស្រើបស្រាសជាច្រើនបានបង្ហោះតាម បណ្តាញសង្គមហ្វេសប៊ុក។ ទាំងនេះជាមូលហេតុយ៉ាងពិតប្រាកដ ដែលកំពុងដុតរោលអារម្មណ៍ យុវវ័យខ្មែរ ឲ្យចង់ដឹង និងចង់ស្គាល់៕
អ្នកខ្លះមានគូស្នេហ៍ ស្រឡាញ់គ្នាបានមួយខែ ក៏បែកគ្នាទៅវិញ។ អ្នកមួយចំនួនទៀត មានសង្សារ ច្រើននាក់ក្នុងពេលតែមួយទៀតផង។ មានមតិជាច្រើនបាននឹងកំពុងបន្ទោសគ្នាទៅវិញទៅមកថា នារី មិនស្មោះ ទើបបុរសសាវ៉ា មតិមួយចំនួនទៀតថា បុរសសាវ៉ាកំពុងបង្រៀននារីឲ្យមិនស្មោះ។ ចំណែកឯ មតិមួយចំនួនផ្សេងទៀត បន្ទោសថា មកពីបច្ចេវិទ្យាទំនើបពេកទើបធ្វើឲ្យយុវវ័យមួយចំនួន ជ្រួល ជ្រើម និងសម្ភារនិយមភ្លេចខ្លួន។
យុវតីមួយចំនួនចូលចិត្តការសប្បាយ ភាពហ៊ឺហា សុខចិត្តលះបង់ខ្លួនប្រាណ ដូរនឹងការសប្បាយ និងសម្ភារទំនើប ភ្លេចគិតពីទំនៀមទំលាប់ ប្រពៃណីរបស់ខ្លួន។ រីឯបុរសៗមួយចំនួនវិញ ឲ្យដឹងដែរថា ពួកគេចង់ភ្លក់រស់ជាតិថ្មីជានិច្ច។
ជានិស្សិតឆ្នាំទី៤ កញ្ញា នីតា បានបង្ហើបប្រាប់ពីស្នេហារបស់មិត្តគេម្នាក់ដោយសុំមិនបញ្ចេញឈ្នោះ ថា៖ «ថ្ងៃមួយមិត្តខ្ញុំបានប្រាប់ថា គេមានសង្សារបួននាក់ក្នុងពេលតែមួយ។ គេរៀបចំពេលវេលាជួបគ្នា បានល្អណាស់ មិនឲ្យជាន់គ្នាឡើយ។ ម្យ៉ាងវិញទៀត ក្នុងចំណោមបួននាក់នោះ បើម្នាក់ណាមិនអាច បំពេញតាមតំរូវការរបស់គេបាន គឺគេផ្តាច់ចោលភ្លាម»។
នីតា បន្ថែមឲ្យដឹងពីសម្តីរបស់មិត្តខ្លួន ទៀតថា៖ «មានតែមនុស្សល្ងង់ទេ ដែរដើរតែផ្លូវមួយ។ ពេលបែកពីប្រុសម្នាក់ យ៉ាងហោចក៏មាន ពីរ បី នាក់ទៀតដែរ»។ យុវតីសម្បូរស្នេហ៍រូបនេះ បញ្ជាក់ទៀតថា៖ «គេមិនដែលមានវិប្បដិសារី មិនពិបាកចិត្ត ហើយក៏មិនចេះឈឺចាប់ម្តងណាឡើយ»។
ឃើញភ្លាម ស្រឡាញ់ភ្លែត ជាទម្លាប់របស់ យុវជនម្នាក់ ជិះឡាន ម៉ាកហុងដា ពណ៌ស លោក ដេវីត បានលើកឡើងថា៖ « ភាពសង្ហារ ឡានទំនើប ទូរស័ព្ទស៊េរីថ្មីរបស់ខ្ញុំ ជួយឲ្យខ្ញុំបានភ្លក់រស់ជាតិថ្មីជា ញឹកញាប់»។ យុវជន សក់វែង សម្បុរស ដដែលនេះបន្ថែមទៀតថា៖ «ខ្ញុំមិនទាន់ចង់បានស្នេហ៍ស្មោះ នោះទេ។ មានសង្សារស្រឡាញ់គ្នាមួយរយៈ ហើយបែកផ្លូវគ្នាវិញល្អជាង»។
យុវតីមួយចំនួនគិតថា បុរសៗគឺសុទ្ធតែមិនស្មោះ ហេតុដូច្នេះ គ្មានហេតុផលណាដែលធ្វើឲ្យពួកគេត្រូវ ស្មោះនឹងបុរសទាំងនោះវិញឡើយ។
កញ្ញា លីនដា ជាបុគ្គលិកក្រុមហ៊ុនឯកជនមួយ ឲ្យដឹងថា៖ « ខ្ញុំធ្លាប់មានសង្សារបីនាក់ ឥឡូវបែកគ្នាអស់ ហើយ។ ពួកយើងស្រឡាញគ្នាលេងៗ ។ ខ្ញុំគ្រាន់តែដើរលេងសប្បាយជាមួយគ្នាតែប៉ុណ្ណោះ ខ្ញុំមិនបាន ខូចខ្លួនជាមួយគេឡើយ»។ កញ្ញាវ័យ២៤ឆ្នាំរូបនេះ បញ្ញាក់ថា៖ « ពួកគេសុទ្ធតែមិនស្មោះនឹងខ្ញុំ ដូច្នេះ ខ្ញុំក៏មិនអាចស្មោះនឹងពួកគេវិញដែរ»។
លោក វណ្ណៈ ម្នាក់ទៀត ជាអ្នកមានរស់និយម ចូលចិត្តដូររស់ជាតិស្នេហាញឹកញាប់ យុវជនរូបនេះ លើកឡើងថា៖ «នារីៗមួយចំនួនឥឡូវ មិនសូវកំណាញ់ខ្លួនទេ ពួកគេចូលចិត្តការសប្បាយ ឲ្យតែបាន នាំពួកគេផឹកស៊ីសប្បាយ ចូលក្លិបរាត្រី ពេលចេញមកវិញចង់នាំទៅណាក៏បាន»។
ស្នេហាចាស់ៗជំនាន់មុន មិនដូចសម័យឥឡូវនេះទេ ទម្រាំស្រឡាញ់គ្នាបាន ត្រូវចំណាយ ពេលរាប់ឆ្នាំ ផ្ញើរសំបុត្រឲ្យគ្នាទៅវិញទៅមក និងមានការអៀនខ្មះច្រើនទៀតផង។ មិនដូចយុវវ័យ សម័យឥឡូវ ងាយបង្កើតចំណងស្នេហា ហើយក៏ហ៊ានបង្ហាញជាសាធារណៈផងដែរ។ ក្នុងរយៈពេល ចុងក្រោយនេះ គេសង្កេតឃើញមាន រូបភាព និងវីដេអូ ស្រើបស្រាសជាច្រើនបានបង្ហោះតាម បណ្តាញសង្គមហ្វេសប៊ុក។ ទាំងនេះជាមូលហេតុយ៉ាងពិតប្រាកដ ដែលកំពុងដុតរោលអារម្មណ៍ យុវវ័យខ្មែរ ឲ្យចង់ដឹង និងចង់ស្គាល់៕
© រក្សាសិទ្ធិដោយ thmeythmey.com
