អន្តរជាតិ
×![]()
ក្រសួងសុខាភិបាលហ្វីលីពីន នាថ្ងៃទី៣០ ខែមករា នេះ បានប្រកាសរកឃើញជាវិជ្ជមាននូវជំងឺរលាកសួតបង្កដោយមេរោគកូរ៉ូណាប្រភេទថ្មីនៅលើទឹកដីររបស់ខ្លួន។ អ្នកជំងឺជាស្ត្រីចិនម្នាក់ដែលមានវ័យ៣៨ឆ្នាំមកពីក្រុងវូហាន។ នេះបើតាមការផ្សាយរបស់ CNN Philippines។ ករណីនេះ នាំឲ្យហ្វីលីពីនក្លាយជាប្រទេសទី៦នៅតំបន់អាស៊ីអាគ្នេយ៍ដែលមានអ្នកជំងឺកូរ៉ូណាវីរុស បន្ទាប់ពីថៃ សិង្ហបុរី ម៉ាឡេស៊ី វៀតណាម និងកម្ពុជា។
អ្នកជំងឺករណីណូវែលកូរ៉ូណាវីរុសលើកទី១នៅហ្វីលីពីននេះ គឺជាមនុស្សម្នាក់ក្នុងចំណោម២៩នាក់ដែលកំពុងត្រូវបានតាមដានពីសំណាក់ក្រសួងសុខាភិបាលហ្វីលីពីន។ លោករដ្ឋមន្ត្រីសុខាភិបាលហ្វីលីពីន Francisco Duque លើកឡើងបែបនេះ ។
លោក Dugue បន្តទៀតថា អ្នកជំងឺជាស្ត្រីវ័យ៣៨ឆ្នាំ បានធ្វើទៅកាន់ហ្វីលីពីនពីក្រុង វូហាន ប្រទេសចិន តាមរយៈទីក្រុង ហុងកុង កាលពីថ្ងៃ ២១ ខែមករា។ បច្ចុប្បន្ន ស្ត្រីរូបនេះ កំពុងសម្រាកព្យាបាលនៅមន្ទីរពេទ្យរដ្ឋហ្វីលីលីន ហើយលែងបង្ហាញរោគសញ្ញាគួរឲ្យបារម្ភអ្វីទៀតឡើយ។
បើតាមក្រសួងសុខាភិបាលហ្វីលីពីន ស្ត្រីរូបនេះ បានចូលមន្ទីរពេទ្យរដ្ឋមួយ ក្រោយពីរូបនាងបានចេញរោគសញ្ញាក្អកខ្លាំង កាលពីថ្ងៃ ២៥ ខែមករា៕
Tag:
កូរ៉ូណាវីរុស
© រក្សាសិទ្ធិដោយ thmeythmey.com
