ជាតិ
សង្គមជាតិ
ចង់រកដៃគូវិនិយោគបរទេស ពាណិជ្ជករអាចដាក់ពាក្យចូលរួមពិព័រណ៍ទំនិញនាំចេញលើកទី១៨ ដែលរៀបចំនៅសាធារណរដ្ឋកូរ៉េ រូបភាពពីក្រសួងពាណិជ្ជកម្ម
×
ភ្នំពេញ៖ សមាគមកូរ៉េ (Korea Importers Association-KOIMA) នឹងរៀបចំការតាំងពិព័រណ៍ទំនិញនាំចេញលើកទី១៨ (18th Import Goods Fair-IGF 2020) រយៈពេល៣ថ្ងៃ ចាប់ពីថ្ងៃទី២៥ -២៧ ខែមិថុនា ឆ្នាំ២០២០ នៅមជ្ឈមណ្ឌល COEX ក្នុងទីក្រុងសេអ៊ូល ប្រទេសកូរ៉េ។
បើតាមសេចក្ដីជូនដំណឹងរបស់ក្រសួងពាណិជ្ជកម្មកម្ពុជា សមាគមកូរ៉េ រៀបចំការពិព័រណ៍នេះឡើង ដើម្បីផ្សព្វផ្សាយផលិតផលមួយចំនួនដូចជា អាហារកែច្នៃ គ្រឿងអេឡិចត្រូនិច ផលិតផលIT សម្ភារផ្ទះបាយ គ្រឿងតុបតែងកាយ គ្រឿងសម្អាង សិប្បកម្ម និងសម្ភារសម្រាប់ទារកផងដែរ។
ពាណិជ្ជករ ឬអាជីវករកម្ពុជា ដែលចង់រកដៃគូពាណិជ្ជកម្ម ក្នុងកម្មវិធីពិព័រណ៍នេះ អាចដាក់ពាក្យបញ្ចូនទៅស្ថានទូតកម្ពុជាប្រចាំសាធារណរដ្ឋកូរ៉េ ឲ្យបានមុនថ្ងៃទី២៤ ខែមេសា ឆ្នាំ២០២០៕
© រក្សាសិទ្ធិដោយ thmeythmey.com