ជាតិ
ផ្លូវមុខប្រាសាទអង្គរវត្ត នឹងបិទបណ្ដោះអាសន្ន ដើម្បីជួសជុលផ្លូវប្រវែង២៩០ម៉ែត្រ
រូបភាព ពីអាជ្ញាធរជាតិអប្សរា
×![]()
ភ្នំពេញ៖ អាជ្ញាធរជាតិអប្សរា នឹងបិទការធ្វើដំណើរដោយថ្មើរជើង និងយានយន្តគ្រប់ប្រភេទ នៅមុខប្រាសាទអង្គរវត្តជាបណ្ដោះអាសន្ន ដើម្បីជួសជុលផ្លូវមុខប្រាសាទអង្គរវត្ត និងរៀបចំប្រព័ន្ធរំដោះទឹកសងខាងផ្លូវ។
តាមសេចក្ដីប្រកាសព័ត៌មានរបស់អាជ្ញាធរជាតិអប្សរា ផ្លូវនេះនឹងចាប់ផ្ដើមជួសជុលនៅថ្ងៃទី ២០ ខែកុម្ភៈ ដែលមានប្រវែង ២៩០ម៉ែត្រ ទទឹង៨ម៉ែត្រទៅ១៣ម៉ែត្រ ដោយមានការដាំស្មៅ ដើមឈើ និងរៀបចំសួន។
អាជ្ញាធរជាតិអប្សរា នឹងរៀបចំឲ្យមានផ្លូវថ្មើរជើងថ្មីជំនួស ដែលស្ថិតនៅលើផ្លូវកៅស៊ូ ត្រង់ចំណុច ចំណតរថយន្ត មកសួនក្រវ៉ាន់ ឆ្ពោះទៅស្ពានបណ្ដែតទឹក៕
Tag:
អង្គរវត្ត
ផ្លូវ
អាជ្ញាធរជាតិអប្សរា
© រក្សាសិទ្ធិដោយ thmeythmey.com
