បទយកការណ៍ / បទសម្ភាសន៍
ជាតិ
សង្គមជាតិ
×![]()
×![]()
ភ្នំពេញ៖ ក្រោយពីវិមានព្រះបរមរូប និងព្រះបរមបដិមាព្រះបរមរតនកោដ្ឋ ត្រូវបានសម្ពោធជាផ្លូវការ កាលពីព្រឹក ថ្ងៃសុក្រ ទី១១ ខែតុលា ឆ្នាំ២០១៣កន្លងមក វិថីនៅម្តុំសួនច្បារខាងកើតវិមានឯករាជ ហាក់មានការកកស្ទះដោយ ម៉ូតូ រថយន្តជាច្រើន បានសំចត កកកុញព័ទ្ធជុំវិញសួនច្បារ។ អ្នកធ្វើដំណើរជា ច្រើនកំពុងនាំគ្នាទស្សនា និងថតរូបភ្ជាប់និស្ស័យនឹងរូបសំណាកសម្តេចឪ។
ប្រជាពលរដ្ឋ ប្រុស ស្រី ចាស់ ក្មេង យ៉ាងច្រើនកុះករ បាននឹងកំពុងឈរទស្សនាយ៉ាងយកចិត្តទុកដាក់
។ អ្នកខ្លះដកម៉ាស៊ីថត ផ្តិតយករូបភាពព្រះបរមរូបទុកជាអនុស្សវរីយ៍។ អ្នកខ្លះទៀត ប្រើទូរស័ព្ទដៃ ឬអាយផេត ជាដើមនោះ ថតភ្ជាប់រូបរបសស់ខ្លួនឯង ជាមួយនឹងព្រះបរមរូបសម្តេចឪទុកភ្ជាប់និស្ស័យផងដែរ។ អ្នកខ្លះឈរសម្លឹងឥតព្រិច ហាក់កំពុងសម្តែងការនឹងរឮកយ៉ាងខ្លាំងដល់ព្រះអង្គ។ រីឯអ្នកមួយចំនួន ផ្សេងទៀត ក៏កំពុងអង្គុយរំឮកពីស្នាដៃដ៏ច្រើនលើសលប់ររបស់ព្រះអង្គ ដែលបានរុញច្រាននាវាកម្ពុជា ឲ្យមកដល់សព្វថ្ងៃនេះ។
ខណៈកំពុងឈរនៅក្នុងចំណោមមនុស្សម្នាជាច្រើន ដៃទាំងពីរក្តោបកាន់ឈើច្រត់ ផ្ទប់ទៅនឹងឥដ្ឋ លោកយាយ ចាន់ ផល្លា បាន រៀបរាប់ថា៖«ក្រោយពីឮដំណឹងថា រូបសំណាក់ព្រះអង្គបានអនុញ្ញាតឲ្យ ចូលទស្សនាហើយនោះ ខ្ញុំក៏ប្រញាប់ឲ្យចៅជូនមកមើលភ្លាម»។
លោកយាយវ័យ៧២ឆ្នាំ ឈរស្ទើរមិននឹង ភ្នែកសំឡឹងឥតព្រិច បាននិយាយទៀតថា៖«ខ្ញុំនឹកគាត់ ណាស់ ខ្ញុំបានឲ្យចៅខ្ញុំថតរូបខ្ញុំ ភ្ជាប់ជាមួយរូបគាត់ ទុកមួយប៉ុស្តិ៍ដែរ ទុកជាអនុស្សវរីយ៍សម្រាប់ជីវិត ចុងក្រោយរបស់ខ្ញុំ»។
នៅមិនឆ្ងាយប៉ុន្មានពីដូនចាស់ម្នាក់នេះ អ្នកស្រី មាស ខេង ដែលកំពុងកាន់ទូរស័ព្ទដៃថតរូបព្រះអង្គ សម្តេចឪជាច្រើនប៉ុស្តិ៍ ក៏បានសម្តែងការនឹករឮកដល់ព្រះអង្គផងដែរ។ អ្នកស្រីវ័យចំណាស់រូបនេះបាន ប្រាប់ថា៖ «រូបសំណាក់របស់ព្រះអង្គស្អាតណាស់។ នៅផ្ទះខ្ញុំមានរូបព្រះអង្គមិនតិចទេ តែថ្ងៃនេះខ្ញុំចង់ ថតរូបសំណាក់គាត់ទុកបន្ថែមទៀត ទុកឲ្យបានកាន់តែច្រើន»។
ខណៈកំពុងថតរូបឲ្យគ្នាម្តងម្នាក់ យុវសិស្សពីរនាក់ ហាក់មានការសប្បាយចិត្តដែលបានថតរូបរបស់ ខ្លួន ភ្ជាប់ជាមួយនឹងរូបសំណាក់សម្តេចតា។ កញ្ញា សុជាតា ទើបតែចេញពីសាលារៀន ជាមួយនឹងមិត្ត ភ័ក្តិម្នាក់ទៀត ក៏បានហួសដំណើរមកដល់សួនច្បារនេះផងដែរ។ សុជាតា លើកឡើងថា៖«រូបសំណាក សម្តេចតាស្អាតមែនទែន ខ្ញុំត្រូវតែថតទុកជាអនុស្សាវរីយ៍...មិនថតមិនបានទេ»។
ចំណែកឯកញ្ញា មករា ដែលបានឌុប សុជាតា មកដល់ទីនេះដែរនោះ ឲ្យដឹងដែរថា៖«ខ្ញុំឲ្យ ជាតា ថតរូបខ្ញុំបានជាច្រើនប៉ុសហើយ ថ្ងៃស្អែកខ្ញុំនឹងមកទៀត ច្បាស់ជាមានមនុស្សច្រើនជាងថ្ងៃនេះ។ ព្រោះ ថ្ងៃនេះ ជាថ្ងៃដំបូងដែលគេទើបអនុញ្ញាតឲ្យចូលទស្សនា»។
ជាងនេះទៅទៀត ក៏មានគូស្នេហ៍មួយចំនួនបានថតរូបឲ្យគ្នាទៅវិញទៅមក ហើយក៏អង្គុយមើលរូប របស់ពួកគេ នៅមុខរូបសំណាក់ដ៏ធំមួយនេះទៀតផង។
ដោយឡែកតែអ្នកធ្វើដំណើរមួយចំនួន ទោះបីមិនបានចូលមកមើលឲ្យជិត ក៏ឆ្លៀតឈប់ម៉ូតូ ឫរថយន្ត មួយភ្លែត ខំប្រឹងគយគន់ពីចំងាយផងដែរ៕
ប្រជាពលរដ្ឋ ប្រុស ស្រី ចាស់ ក្មេង យ៉ាងច្រើនកុះករ បាននឹងកំពុងឈរទស្សនាយ៉ាងយកចិត្តទុកដាក់
។ អ្នកខ្លះដកម៉ាស៊ីថត ផ្តិតយករូបភាពព្រះបរមរូបទុកជាអនុស្សវរីយ៍។ អ្នកខ្លះទៀត ប្រើទូរស័ព្ទដៃ ឬអាយផេត ជាដើមនោះ ថតភ្ជាប់រូបរបសស់ខ្លួនឯង ជាមួយនឹងព្រះបរមរូបសម្តេចឪទុកភ្ជាប់និស្ស័យផងដែរ។ អ្នកខ្លះឈរសម្លឹងឥតព្រិច ហាក់កំពុងសម្តែងការនឹងរឮកយ៉ាងខ្លាំងដល់ព្រះអង្គ។ រីឯអ្នកមួយចំនួន ផ្សេងទៀត ក៏កំពុងអង្គុយរំឮកពីស្នាដៃដ៏ច្រើនលើសលប់ររបស់ព្រះអង្គ ដែលបានរុញច្រាននាវាកម្ពុជា ឲ្យមកដល់សព្វថ្ងៃនេះ។
ខណៈកំពុងឈរនៅក្នុងចំណោមមនុស្សម្នាជាច្រើន ដៃទាំងពីរក្តោបកាន់ឈើច្រត់ ផ្ទប់ទៅនឹងឥដ្ឋ លោកយាយ ចាន់ ផល្លា បាន រៀបរាប់ថា៖«ក្រោយពីឮដំណឹងថា រូបសំណាក់ព្រះអង្គបានអនុញ្ញាតឲ្យ ចូលទស្សនាហើយនោះ ខ្ញុំក៏ប្រញាប់ឲ្យចៅជូនមកមើលភ្លាម»។
លោកយាយវ័យ៧២ឆ្នាំ ឈរស្ទើរមិននឹង ភ្នែកសំឡឹងឥតព្រិច បាននិយាយទៀតថា៖«ខ្ញុំនឹកគាត់ ណាស់ ខ្ញុំបានឲ្យចៅខ្ញុំថតរូបខ្ញុំ ភ្ជាប់ជាមួយរូបគាត់ ទុកមួយប៉ុស្តិ៍ដែរ ទុកជាអនុស្សវរីយ៍សម្រាប់ជីវិត ចុងក្រោយរបស់ខ្ញុំ»។
នៅមិនឆ្ងាយប៉ុន្មានពីដូនចាស់ម្នាក់នេះ អ្នកស្រី មាស ខេង ដែលកំពុងកាន់ទូរស័ព្ទដៃថតរូបព្រះអង្គ សម្តេចឪជាច្រើនប៉ុស្តិ៍ ក៏បានសម្តែងការនឹករឮកដល់ព្រះអង្គផងដែរ។ អ្នកស្រីវ័យចំណាស់រូបនេះបាន ប្រាប់ថា៖ «រូបសំណាក់របស់ព្រះអង្គស្អាតណាស់។ នៅផ្ទះខ្ញុំមានរូបព្រះអង្គមិនតិចទេ តែថ្ងៃនេះខ្ញុំចង់ ថតរូបសំណាក់គាត់ទុកបន្ថែមទៀត ទុកឲ្យបានកាន់តែច្រើន»។
ខណៈកំពុងថតរូបឲ្យគ្នាម្តងម្នាក់ យុវសិស្សពីរនាក់ ហាក់មានការសប្បាយចិត្តដែលបានថតរូបរបស់ ខ្លួន ភ្ជាប់ជាមួយនឹងរូបសំណាក់សម្តេចតា។ កញ្ញា សុជាតា ទើបតែចេញពីសាលារៀន ជាមួយនឹងមិត្ត ភ័ក្តិម្នាក់ទៀត ក៏បានហួសដំណើរមកដល់សួនច្បារនេះផងដែរ។ សុជាតា លើកឡើងថា៖«រូបសំណាក សម្តេចតាស្អាតមែនទែន ខ្ញុំត្រូវតែថតទុកជាអនុស្សាវរីយ៍...មិនថតមិនបានទេ»។
ចំណែកឯកញ្ញា មករា ដែលបានឌុប សុជាតា មកដល់ទីនេះដែរនោះ ឲ្យដឹងដែរថា៖«ខ្ញុំឲ្យ ជាតា ថតរូបខ្ញុំបានជាច្រើនប៉ុសហើយ ថ្ងៃស្អែកខ្ញុំនឹងមកទៀត ច្បាស់ជាមានមនុស្សច្រើនជាងថ្ងៃនេះ។ ព្រោះ ថ្ងៃនេះ ជាថ្ងៃដំបូងដែលគេទើបអនុញ្ញាតឲ្យចូលទស្សនា»។
ជាងនេះទៅទៀត ក៏មានគូស្នេហ៍មួយចំនួនបានថតរូបឲ្យគ្នាទៅវិញទៅមក ហើយក៏អង្គុយមើលរូប របស់ពួកគេ នៅមុខរូបសំណាក់ដ៏ធំមួយនេះទៀតផង។
ដោយឡែកតែអ្នកធ្វើដំណើរមួយចំនួន ទោះបីមិនបានចូលមកមើលឲ្យជិត ក៏ឆ្លៀតឈប់ម៉ូតូ ឫរថយន្ត មួយភ្លែត ខំប្រឹងគយគន់ពីចំងាយផងដែរ៕
© រក្សាសិទ្ធិដោយ thmeythmey.com
