ONE Championship
កីឡាជាតិ
ជាតិ
×![]()
អត្ថបទ៖ ស៊ីធី
នៅថ្ងៃទី២៨ ខែ កុម្ភៈ ONE Championship ត្រឡប់មកវិញនៅសិង្ហបុរីលើកដំបូងនៅឆ្នាំ ២០២០ នេះនាសង្វៀន Singapore Indoor Stadium។ កម្មវិធីនេះឈ្មោះថា ONE: KING OF THE JUNGLE ដែលមានកីឡាករកីឡាការិនីលំដាប់កំពូលជាច្រើនរូបបង្ហាញខ្លួន និងធ្វើឲ្យអ្នកគាំទ្រជក់ចិត្តដិតអារម្មណ៍ជាក់ជាមិនខាន។ 
#1 Stamp ប្រកួតដោយបេះដូង
ម្ចាស់ខ្សែក្រវាត់ពីរស្ថាប័នរបស់ ONE កីឡាការិនី Stamp Fairtex ឡើងការពារខ្សែក្រវាត់ ONE Atomweight Muay Thai World Title របស់ខ្លួនបានសម្រេចលើកដំបូងទល់នឹង Alma Juniku កាលឆ្នាំមុន។ កីឡាការិនីថៃរូបនេះកាន់តែខ្លាំងឡើងៗ ជាពិសេសកណ្ដាប់ដៃវ៉ៃចេញដូចព្យុះក្នុងពីរទឹកដំបូងនាការប្រកួតកន្លងមក និង ពោរពេញដោយកម្លាំងទៀតផង។
បែបណាក្ដីកីឡាការិនីដែលប្រជែងខ្សែក្រវាត់ក៏មិនណយដែរព្រោះគេបានដើរចូល និងធ្វើបានល្អនៅទឹកទី៣ និងទី៤ អមដោយការបម្លាស់ទីយ៉ាងរស់រវើក។ ក្រោយមក Stamp បានសារភាពថារូបគេមិនបានប្រកួតអស់សមត្ថភាពនោះឡើយបន្ទាប់ពីមានរបួសតិចតួចកាលហ្វឹកហាត់ ប៉ុន្តែ តែអាចរក្សាការប្រកួតនៅល្អ និង ជាអ្នកប្រយុទ្ធដ៏អង់អាច។ ម្ចាស់ខ្សែក្រវាត់ World Champion បានដើរសំដៅក្នុងទឹកទី៣ចុងក្រោយទោះអស់កម្លាំងក្ដី ដើម្បីតស៊ូនឹង Juniku ដោយប្រើកណ្ដាប់ដៃ និងដាល់ដងខ្លួនទៀតផង។
ទីបំផុត បន្ទាប់ពីចប់៥ទឹកចៅក្រមបានផ្ដល់ពិន្ទុឈ្នះដល់កីឡាការិនីមកពី Fairtex Training Center។
#2 Todd ជោគជ័យដោយក្បាច់ប្រយុទ្ធ
Janet Todd ឬ គេស្គាល់ថា “JT” បានបង្ហាញក្បាច់របស់ខ្លួនយ៉ាងល្អ ពេលឈ្នះទល់នឹង “Killer Bee” Chuang Kai Ting ក្នុងការប្រកួត Kickboxing។ កីឡាការិនីម្ចាស់ខ្សែក្រវាត់ IFMA Pan-American Muay Thai Champion ពិតជាអាចចេញក្បាច់ដៃអមដោយការទាត់ជើងយ៉ាងល្អ។ JTធ្វើបានយ៉ាងល្អនៅទឹកទី២ដោយការបោះជង្គង់និងការទាត់ជើងក្រោម រួមទាំងប្រើជំហរទប់ទល់នឹង “Killer Bee”។
ក្រោយចំណាយពេល៦នាទី “JT” ដែលជាអតីតម្ចាស់ខ្សែក្រវាត់ ONE World Championship នៅតែអាចចេញកណ្ដាប់ដៃ និងជើងលើគូប្រជែងដដែល។ បែបណាក្ដី Todd នៅតែអាចឡើងជង្គង់ដើម្បីឈ្នះពិន្ទុជាឯកច្ឆន្ទ។ ជ័យជម្នះនេះបាននាំឲ្យកូនកាត់ជប៉ុនអាមេរិកទទួលបានឱកាសសងសឹកទល់នឹង Stamp ដើម្បីដណ្ដើមខ្សែក្រវាត់ ONE Atomweight Kickboxing World Title នៅថ្ងៃទី ២៨ កុម្ភៈ ខាងមុខ។
#3 Sam-A សម្របខ្លួន និង ប្រយុទ្ធកាន់តែខ្លាំង
Sam-A Gaiyanghadao កំពុងល្អក្នុងការប្រកួត kickboxing កាលខែ ធ្នូ ឆ្នាំមុនទល់នឹងជើងខ្លាំងមកពីចិន “Golden Boy” Wang Junguang ពេលឈ្នះខ្សែក្រវាត់។ គេបង្ហាញ ក្បាច់ការពារយ៉ាងល្អ ហើយ វីរបុរសមួយថៃសម្របខ្លួនបានល្អទៀតផង និង ប្រើក្បាច់ដកថយហើយវាយបកចំគោលដៅ។ ទោះមិនសូវបានផល តែ Wang នៅតែដើរចូលពេល Sam-A ប្រើបច្ចេកទេសវ៉ៃចេញ និងស្ដារកម្លាំងបានល្អ។ កីឡាករថៃនៅតែមមាញឹកមុនពេលឈ្នះខ្សែក្រវាត់ ONE Strawweight Kickboxing World Championship ក្រោយឈ្នះពិន្ទុដោយឯកច្ឆន្ទ។
Sam-A គ្រោងបន្ថែមខ្សែក្រវាត់មួយខ្សែទៀតពេលប្រឈមនឹង Rocky Ogden ក្នុងការដណ្ដើមខ្សែក្រវាត់ ONE Strawweight Muay Thai World Title។
#4 Teo បង្កើតការប្រកួតល្អណាស់
ក្នុងកម្មវិធី ONE: HEART OF THE LION កីឡាការិនី Tiffany “No Chill” Teo ហាក់លំបាកខ្លះទល់នឹងម្ចាស់ខ្សែក្រវាត់ Brazilian Jiu-Jitsu World Champion ៨សម័យ កីឡាការិនី Michelle Nicolini ដើម្បីទទួលបានជ័យជម្នះធំបំផុតក្នុងប្រវត្តិសាស្ត្ររបស់ខ្លួន។
កីឡាការិនីរូបនេះសឹងតែផ្ដួលដៃគូនៅទឹកទី១។ Nicolini ជាប់ក្នុងអន្ទាក់ដៃរបស់ “No Chill” យ៉ាងណែន។ កីឡាការិនីមកពីក្លិប Team Highlight Reel ក៏ព្យាយាមប្រើដៃដើម្បីបញ្ចប់ដៃគូនៅទឹកទី២ តែ Teo ធ្វើមិនបានសម្រេច។ នៅទឹកទី៣ Nicolini កាន់តែអស់កម្លាំង ប៉ុន្តែ “No Chill” នៅតែមានប្រៀបទាំងទាំងការចាប់ផ្ដួល និង មានកម្លាំងលើសលប់ ដើម្បីឈ្នះដោយពិន្ទុជាឯកច្ឆន្ទ។ Teo បានត្រលប់មកវិញប៉ះកីឡាការិនីជប៉ុន Ayaka Miura ។ ហើយបើឈ្នះ រូបគេអាចមានឱកាសទៅដណ្ដើមខ្សែក្រវាត់ ONE Women’s Strawweight World Title។
#5 Yamaguchi កាន់តែខ្លាំងឡើង
នៅពេល កីឡាការិនីជប៉ុន Mei “V.V.” Yamaguchi ចូលប្រកួតនៅសង្វៀន Home Of Martial Arts កីឡាការិនី Gina “Conviction” Iniong បានបង្កើតភាពភ្ញាក់ផ្អើលពេលឈ្នះពិន្ទុនៅហ្វីលីពីនកាលឆ្នាំ ២០១៤។ ប៉ុន្តែ Yamaguchi បានស្ដារកិត្តិយស៣ឆ្នាំបន្ទាប់ ពេលសងសឹកគ្នានៅសង្វៀន ONE: IMMORTAL PURSUIT និង ធ្វើមិនឲ្យមានចម្ងល់ទៀតនោះឡើយ។ Yamaguchi មានក្បាច់គួរឲ្យស្ញប់ស្ញែង ជាពិសេសក្បាច់បោកផ្ដួលរបស់គេ និងអាចធ្វើឲ្យ Iniong ដួលទៅនឹងក្ដាររេញបាន។ កីឡាការិនីរូបនេះបានផ្ដួល “Conviction” ហើយនៅពីលើ និង វាយពីលើយ៉ាងច្រើនដៃ។
“V.V.” តែងតែប្រើគ្រប់វិធីដើម្បីផ្ដួលកីឡាការិនីហ្វីលីពីន និងបន្តប្រើក្បាច់ប្រយុទ្ធយ៉ាងល្អរហូតដល់ទីបញ្ចប់ឈ្នះពិន្ទុជាឯកច្ឆន្ទ។ បើសិនឈ្នះការប្រកួតលើកនេះ រូបគេទំនងនឹងជួបម្ចាស់ខ្សែក្រវាត់ “Unstoppable” Angela Lee។
Yamaguchi គ្រោងបង្កើតកំណត់ត្រាឈ្នះ ៥ លើក និងអាចអាចកក់កៅអីទៅប្រកួតទល់នឹងម្ចាស់ខ្សែក្រវាត់ ONE Women’s Atomweight World Champion កីឡាការិនី Denice Zamboanga។
កុំភ្លេចទស្សនា កម្មវិធីប្រកួតបន្ទាប់របស់ស្ថាប័ន ONE Championship សូមទស្សនាការប្រកួតក្នុងកម្មវិធី ONE:KING OF THE JUNGLE នៅសុក្រទី ២៨ ខែ កុម្ភៈ ឆ្នាំ ២០២០ ចាប់ពីវេលាម៉ោង ៦:៣០ ល្ងាចតទៅនៅ ប្រទេសសិង្ហបុរី ដែលមានផ្សាយផ្ទាល់តាមរយៈ Facebook, Twitter, YouTube,និង ONE Super App៕
© រក្សាសិទ្ធិដោយ thmeythmey.com
