COVID-19
អន្តរជាតិ
COVID-19៖ ករណីឆ្លងបន្ថែមនៅអ៊ីតាលី អ៊ីរ៉ង់ អ៊ីរ៉ាក់ កូវ៉ែត និងប៉ារែន
× គិតត្រឹមល្ងាចថ្ងៃអង្គារ ទី២៥ ខែកុម្ភៈ នេះ បណ្តាប្រទេសជាច្រើនមានករណីឆ្លងជំងឺរលាកសួតបង្កដោយមេរោគកូរ៉ូណាប្រភេទថ្មីជាបន្តបន្ទាប់។
អ៊ីតាលី រកឃើញ៣៨ករណីបន្ថែមទៀត ដែលនាំឲ្យចំនួនសរុបឡើងដល់២៨៣ករណី ក្នុងនោះស្លាប់៧នាក់។ អ៊ីរ៉ង់កើន៣៤ករណីបន្ថែម ដែលធ្វើឲ្យចំនួនសរុបមាន៩៥ករណី ដែលក្នុងនោះស្លាប់១៥នាក់។
អ៊ីរ៉ាក់ មាន៤ករណីទៀតដែលធ្វើឲ្យចំនួនសរុបឡើងដល់៥ករណី។ កូរ៉ែត កើន៣ករណី ដោយចំនួនសរុបមាន៨ករណី រីឯបារ៉ែន បន្ថែម៦ករណីលើ២ករណីត្រូវបានរកឃើញកាលពីម្សិលមិញ។
មកដល់ពេលនេះ អ្នកស្លាប់សរុបមាន២៧០៦នាក់ ក្នុងចំណោមអ្នកឈឺជាង៨ម៉ឺននាក់។ ជាមួយគ្នានេះ អ្នកជំងឺប្រមាណ២៨០០០នាក់ បានជាសះស្បើយ និងប្រមាណ៩០០០នាក់ ស្ថិតក្នុងស្ថានភាពធ្ងន់ធ្ងរ។
ប្រទេសទាំង៣៤ដែលមានករណីឆ្លង COVID-19 រួមមាន ចិន (បញ្ចូលទាំងតំបន់រដ្ឋបាលពិសេសហុងកុង តៃវ៉ាន់ និងម៉ាកាវ) កូរ៉េខាងត្បូង ជប៉ុន (+ករណីនាវា Diamond Princess) អ៊ីរ៉ង់ សិង្ហបុរី ថៃ អេមីរ៉ាតអារា់ប់រួម ម៉ាឡេស៊ី វៀតណាម អ៊ីស្រាអែល អូម៉ង់ ហ្វីលីពីន លីបង់ អ៊ីរ៉ាក់ កូវ៉ែត ប៉ារែន អាហ្វហ្គានីស្ថាន ឥណ្ឌា ណេប៉ាល់ កម្ពុជា និងស្រីលង្កា។
បណ្តាប្រទេសនៅអឺរ៉ុប មាន អ៊ីតាលី បារាំង អង់គ្លេស អាល្លឺម៉ង់ ស៊ុយអែត រុស្ស៊ី អេស្ប៉ាញ ហ្វាំងឡង់ និងបែលហ្ស៊ិក។ ក្រៅពីនោះ មាននៅ សហរដ្ឋអាមេរិក កាណាដា អូស្ត្រាលី និងអេហ្ស៊ីប៕
Tag:
កូរ៉ូណាវីរុស
COVID-19
© រក្សាសិទ្ធិដោយ thmeythmey.com