COVID-19
អន្តរជាតិ
អេក្វាឌ័រ ជាប្រទេសទី៥៩លើពិភពលោក និងទី២នៅឡាទីនដែលរកឃើញអ្នកឆ្លង COVID-19 រដ្ឋមន្ត្រីក្រសួងសុខាភិបាលអេក្វាឌ័រ លោកស្រី Catalina Andramuno ធ្វើសន្តិសីទសារព័ត៌មានស្តីពីការតេស្តឃើញអ្នកឆ្លង COVID-19។ រូប ALFONSO ALBÁN / EXPRESO
× អេក្វាឌ័រ ក្លាយជាប្រទេសទី៥៩លើពិភពលោក និងជាប្រទេសទី២នៅអាមេរិកឡាទីន បន្ទាប់ពីប្រេស៊ីល ដែលតេស្តឃើញអ្នកឆ្លងកូរ៉ូណាវីរុស (COVID-19) ។ សម្រាប់តួលេខទាំង៥៩ប្រទេស ករណីនៅហុងកុង តៃវ៉ាន់ និងម៉ាកាវ ត្រូវបានក្នុងក្របខណ្ឌប្រទេស ខណៈករណីអង់គ្លេស អៀរឡង់ខាងជើង និងវេលស៍ ស្ថិតក្នុងតួលេខរបស់ចក្រភពអង់គ្លេសតែមួយ។
យោងតាមការផ្សាយរបស់ El Comercio រដ្ឋមន្ត្រីក្រសួងសុខាភិបាលអេក្វាឌ័រ លោកស្រី Catalina Andramuno បានអះអាងក្នុងសន្និសីទសារព័ត៌មានថា អ្នកជំងឺជាស្ត្រីអេក្វាឌ័រម្នាក់ដែលមានវ័យប្រមាណ៧០ឆ្នាំ។ គាត់ទើបត្រឡប់ពីប្រទេសអេស្ប៉ាញ ហើយបានទៅដល់ក្រុង Guayaquil កាលពីថ្ងៃទី១៤ ខែកុម្ភៈ។ បច្ចុប្បន្នអ្នកជំងឺនោះមានស្ថានភាពធ្ងន់ធ្ងរ។
ប្រទេស៥៨កន្លងមកដែលមានករណីឆ្លង COVID-19 រួមមាន ចិន (បញ្ចូលទាំងតំបន់រដ្ឋបាលពិសេសហុងកុង តៃវ៉ាន់ និងម៉ាកាវ) កូរ៉េខាងត្បូង ជប៉ុន (បូកករណីនាវា Diamond Princess) អ៊ីរ៉ង់ សិង្ហបុរី ថៃ អេមីរ៉ាតអារា់ប់រួម ម៉ាឡេស៊ី វៀតណាម អូម៉ង់ ហ្វីលីពីន លីបង់ អ៊ីរ៉ាក់ កូវ៉ែត ប៉ារែន អាហ្វហ្គានីស្ថាន ឥណ្ឌា ណេប៉ាល់ កម្ពុជា ស្រីលង្កា ប៉ាគីស្ថាន និងកាតា។
បណ្តាប្រទេសនៅអឺរ៉ុប មាន អ៊ីតាលី បារាំង ចក្រភពអង់គ្លេស (មានករណីនៅអង់គ្លេស វេលស៍ និងអៀរឡង់ខាងជើង) អាល្លឺម៉ង់ ស៊ុយអែត រុស្ស៊ី អេស្ប៉ាញ ហ្វាំងឡង់ បែលហ្ស៊ិក អូទ្រីស ក្រូអាស៊ី ស្វីស ក្រិក រូម៉ានី ន័រវេស ម៉ាសេដ្វានខាងជើង ដាណឺម៉ាក អេស្តូនី ហូឡង់ និងសាំងម៉ារាំង លីទុយអានី បេឡារុស អ៊ីស្លង់ និងម៉ូណាកូ។
ក្រៅពីនោះ មាននៅ សហរដ្ឋអាមេរិក កាណាដា អូស្ត្រាលី អ៊ីស្រាអែល ហ្សកហ្ស៊ី អេហ្ស៊ីប អាល់ហ្សេរី នីហ្សេរីយ៉ា ប្រេស៊ីល នូវែលសេឡង់ អាស៊ែបៃហ្សង់ និងម៉ិកស៊ិក៕
© រក្សាសិទ្ធិដោយ thmeythmey.com