អត្ថបទពាណិជ្ជកម្ម
តន្ត្រីទេសចរណ៍ WURKZ CITY Concert បន្តនាំកំពូលតារាចម្រៀង ខេមរៈ សិរីមន្ត និងតារាចម្រៀងផ្សេងទៀតទៅដល់ប៉ោយប៉ែតក្នុងសប្តាហ៍នេះ
× ភ្នំពេញ៖ តន្ត្រីទេសចរណ៍ WURKZ CITY Concert នឹងបន្តដំណើរទៅក្រុងប៉ោយប៉ែត នៅថ្ងៃព្រហស្បតិ៍ និងសុក្រ ទី ៥-៦ មីនាសប្តាហ៍នេះ នៅលើដីឡូត៍ ទល់មុខទីបញ្ជាការរកងរាជអាវុធហត្ថ ក្រុងប៉ោយប៉ែត។ ក្នុងកម្មវិធីនេះ នឹងមានវត្តមាន លោក ខេមរៈ សិរីមន្ត ចូលរួមសម្តែង រួមជាមួយតារាចម្រៀងល្បីៗជាច្រើនទៀត ដើម្បីបង្កើតភាពសប្បាយរីករាយ ដល់អ្នកគាំទ្រនៅទឹកដីក្រុងជាយដែនមួយនេះ។
តារាចម្រៀងដទៃទៀត ដែលនឹងចូលរួមសម្តែងរួមមាន៖ លោក ឆន សុវណ្ណារាជ ,សុខ ស្រីនាង ,វង្ស តារារតនា ,នី រតនា ,រ៉េត ស៊ូហ្សាណា ,ឈិន ម៉ានិច្ច ,គឿ នភាល័យ ,ប៉ាច គីមមួយ និង លោក ចាន់ កូមែន។
គួរបញ្ជាក់ផងដែរថា តន្ត្រីទេសចរណ៍ WURKZ CITY Concert នេះ ទទួលបានការគាំទ្រយ៉ាងខ្លាំងសម្បើម ពីទស្សនិកជននៅស្រុកបវេល ខេត្តបាត់ដំបង កាលពីសប្តាហ៍មុន ដោយមានមនុស្សចូលរួមផ្ទាល់មិនតិចជាង ៣ម៉ឺននាក់ ក្នុងរយៈពេល ២ថ្ងៃតែប៉ុណ្ណោះ។
លោកស្រី គង់ កុសល នាយិកាទីផ្សារក្រុមហ៊ុនផលិតភេសជ្ជៈប៉ូវកម្លាំងវើក WURKZ ក៏បានផ្តាំផ្ញើដល់អ្នកក្រុងប៉ោយប៉ែត ឱ្យចូលរួមទទួលយកភាពសប្បាយរីករាយ ជាមួយការប្រគំតន្ត្រីនេះផងដែរ ហើយអ្នកនៅតាមគេហដ្ឋាន ក៏អាចទស្សនាការផ្សាយផ្ទាល់កម្មវិធីនេះ នៅលើកញ្ចក់ទូរទស្សន៍ រស្មីហងមាស HDTV ចាប់ពី ម៉ោង ៨លា្ងចតទៅផងដែរ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com