អត្ថបទពាណិជ្ជកម្ម
បុគ្គលិកក្រុមហ៊ុនទឹករ៉ែធម្មជាតិ អូគូលែន ប្រមាណ៨០ភាគរយជាអ្នក ស្រុកបន្ទាយស្រី ខេត្តសៀមរាប
×![]()
ដោយ: ថ្មីៗ
សៀមរាប៖ ក្រុមហ៊ុនទឹករ៉ែធម្មជាតិ អូគូលែន ជាផលិតផលដំបូងបង្អស់ដែលផលិតទឹកចេញពីប្រភពទឹកដោយផ្ទាល់ពីភ្នំគូលែននៃខេត្តសៀមរាប។ មានភូមិសាស្ដ្រនៅជាប់ភ្នំគូលែន នៃស្រុកបន្ទាយស្រី រោងចក្រផលិតទឹករ៉ែ អូគូលែន បានផ្តល់ឱកាសការងារជាច្រើនដល់ប្រជាពលរដ្ឋនៅតំបន់នោះ ដែលសរុបមានបុគ្គលិកប្រមាណ ៨០ភាគរយជាអ្នកស្រុកបន្ទាយស្រី។
អ្នកស្រី មាន មូល ជាបុគ្គលិកផ្នែកពិនិត្យទឹក ឬផ្នែកឡាបូ បានធ្វើការក្នុងរោងចក្រទឹករ៉ែធម្មជាតិ អូគូលែន ៥ឆ្នាំមកហើយ។ អ្នកស្រី មាន មូល បន្ថែមថា គាត់សប្បាយចិត្តពេលមានកន្លែងការងារនៅជិតផ្ទះ គឺមានចំងាយត្រឹម៥គីឡូម៉ែត្រប៉ុណ្ណោះ ដែលបង្កភាពងាយស្រួលក្នុងការធ្វើដំណើរ និងមិនចំណាយច្រើន។ ស្ត្រីរូបនេះ បង្ហាញអារម្មណ៍យ៉ាងដូច្នេះថា៖«ទីនេះល្អសម្រាប់ខ្ញុំ ដោយសារនៅជិតផ្ទះ លុយខែសមរម្យអាចទទួលយកបាន និងសម្រួលជីវភាពខ្ញុំបានច្រើន ក្រៅពីនេះក្រុមហ៊ុនផ្តល់ធានារ៉ាប់រងសុខភាពប្រចាំឆ្នាំ និងផ្តល់កាដូលើកទឹកចិត្តសម្រាប់បុគ្គលិក និងកាដូសម្រាប់កូន...ខ្ញុំនឹងផ្ញើជីវិតនៅទីនេះ ក្រុមហ៊ុនចប់ពេលណា គឺចប់ពេលនោះដែរ»។
រីឯបុគ្គលិកផ្នែកវេចខ្ចប់ អ្នកនាង ផាត់ សាវឿន បានបង្ហាញចិត្តរីករាយ និងមានភាពកក់ដៅក្នុងការធ្វើការនៅរោងចក្រទឹករ៉ែធម្មជាតិ អូគូលែន។ ចូលធ្វើការដំបូងពេលក្រុមហ៊ុនចាប់ផ្តើមប្រតិបត្តិការនៅឆ្នាំ២០១៣ អ្នកនាង សាវឿត ជាបុគ្គលិកផ្នែកបោសសំអាតធម្មតា តែរយៈពេល៣ឆ្នាំក្រោយមក ថ្នាក់ដឹកនាំក៏រើសអ្នកនាងឱ្យទៅផ្នែកវេចខ្ចប់វិញ។ មុនធ្វើការក្នុងរោងចក្រនេះ អ្នកស្រុកបន្ទាយស្រីរូបនេះជាអ្នកធ្វើស្រែចម្ការ និងមានជីវភាពខ្វះខាត។ អ្នកនាង សាវឿត ប្រាប់ថា ការងារក្នុងរោងចក្រទឹករ៉ែធម្មជាតិ អូគូលែន ជួយសម្រាលជីវភាពគ្រួសារអ្នកនាងបានច្រើន អាចទិញម៉ូតូជិះមកធ្វើការដែលពីមុនត្រឹមជិះកង់ និងអាចមានលទ្ធភាពទិញសម្ភារប្រើប្រាស់បានជាច្រើនទៀត។
លោកស្រី នៅ សុខហ៊ាង ប្រធានផ្នែកទីផ្សារ និងស្លាកសញ្ញា នៃក្រុមហ៊ុនទឹករ៉ែធម្មជាតិ អូគូលែន លើកឡើងថា ក្រុមហ៊ុនបង្កើតឡើងដោយបានសម្រួលការរស់នៅរបស់ប្រជាពលរដ្ឋភាគច្រើន ពិសេសក្នុងតំបន់ស្រុកបន្ទាយស្រីតែម្ដង ដែលក្នុងនោះមានចំនួនប្រមាណ៨០ភាគ។ លោកស្រីបន្ថែមថា ក្រុមហ៊ុនបានផ្តល់ឱកាសការងារល្អប្រសើរដល់បុគ្គលិកទាំងអស់នៅទីនេះ ដែលសម្រួលកម្រិតជីវភាព និងលែងឱ្យពលរដ្ឋទាំងនោះឈប់ចូលព្រៃដោយប្រថុយប្រថាន។ល។ ទឺករ៉ែធម្មជាតិ អូគូលែន គឺជាផលិតផលខ្មែរស្ថិតនៅក្នុងខេត្តសៀមរាប។ បុគ្គលិកភាគច្រើនបំផុត គឺជាជនជាតិខ្មែរ។ ទិញផលិតផលខ្មែរ គឺជួយបង្កើតការងារជូនពលរដ្ឋខ្មែរ និងសេដ្ឋកិច្ចខ្មែរ។ ទិញផលិផលបរទេស គឺជួយង្កើតការងារជូនពលករបរទេស និងសេដ្ឋកិច្ចបរទេស។
ទឹករ៉ែធម្មជាតិ អូគូលែន គឺជាប្រភេទទឹកដែលមានសមាសធាតុរ៉ែពីធម្មជាតិ ដោយពុំមានបញ្ចូលសារធាតុផ្សេងឡើយ។ ទឹក «អូគូលែន» ត្រូវបានស្រាវជ្រាវនិងទាញយកដោយអ្នកជំនាញដែលបទពិសោធន៍ច្រើនឆ្នាំ និងផលិតបានត្រឹមត្រូវតាមស្តង់ដាអន្តរជាតិ។
ក្រុមហ៊ុន Kulara Water (ទឹករ៉ែធម្មជាតិ អូគូលែន) កាលពីថ្ងៃទី ២៦ ខែមិថុនាឆ្នាំ២០១៩ កន្លងទៅ បានទទួលពានរង្វាន់ ក្រុមហ៊ុនមានទំនួលខុសត្រូវសង្គម (CSR)ដែលរៀបចំឡើងជាលើកដំបូង ដោយសភាពាណិជ្ជកម្មអឺរ៉ុប។ សម្រាប់ ក្រុមហ៊ុន Kulara Water ពានរង្វាន់ CSR នេះបានមក ដោយសារកិច្ចការទាំងមូលរបស់ក្រុមហ៊ុន ខាងផ្នែកអភិវឌ្ឍន៍ប្រកបដោយនិរន្តរភាព៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
