COVID-19
អន្តរជាតិ
COVID-19៖ អ្នកឆ្លងមានជាង៩៨០០០នាក់ និងស្លាប់ជិត៣៤០០នាក់ រូបថត Xinhua
× ករណីឆ្លងកូរ៉ូណាវីរុស (COVID-19) ឡើងជាង៩៨ ០០០នាក់ និងស្លាប់ជិត៣ ៤០០នាក់ហើយបើគិតត្រឹមព្រឹកថ្ងៃសុក្រ ទី៦ ខែមីនា នេះ។ អត្រានៅចិន បន្តថយចុះ ខណៈបណ្តាប្រទេសផ្សេងទៀត មានកំណើនដ៏គួរឲ្យកត់សម្គាល់។
បើប្រៀបធៀបកាលពីម្សិលមិញ ចិនទាំងមូលមានករណីស្លាប់កើន៣០នាក់ ក្នុងនោះ២៩នាក់នៅខេត្តហ៊ូប៉ី ខណៈករណីឆ្លងកើនជាង១៤០ករណី។ ក្នុងចំណោមអ្នកស្លាប់ជិត៣៤០០នាក់ មានជាង៣០០០នាក់នៅចិន ជាពិសេសខេត្តហ៊ូប៉ី និងជាង៣៤០នាក់នៅក្រៅប្រទេសចិន ដោយអ៊ីតាលី មាន១៤៨នាក់ អ៊ីរ៉ង់១០៨នាក់ កូរ៉េខាងត្បូង៤២នាក់ សហរដ្ឋអាមេរិក១២នាក់ និងបណ្តាប្រទេសផ្សេងទៀត។
ចំពោះករណីឆ្លង ក្រៅពីចិនដែលមានជាង៨០០០០ករណី ប្រទេសបន្ទាប់រួមមាន កូរ៉េខាងត្បូងជិត៦៣០០ករណី អ៊ីតាលីជិត៣៩០០ករណី អ៊ីរ៉ង់ជាង៣៥០០ករណី នាវា Diamond Princess ថយមក ៦៩៦ករណី ជប៉ុន៣៥០ករណី ខណៈបារាំង អាល្លឺម៉ង់ អេស្ប៉ាញ សហរដ្ឋអាមេរិក សិង្ហបុរី និងចក្រភពអង់គ្លេស ដែលមានចន្លោះពីជាង១០០ ទៅជាង៤០០ករណី។
ជាមួយគ្នានេះ អ្នកជំងឺជាង៥៥០០០នាក់ហើយដែលបានសះស្បើយ ក្នុងនោះជិត១៥០០នាក់នៅក្រៅប្រទេសចិន៕
© រក្សាសិទ្ធិដោយ thmeythmey.com