COVID-19
អន្តរជាតិ
អ្នកជំងឺអាយុ១០១ឆ្នាំម្នាក់នៅវូហាន បានជាសះស្បើយពី COVID-19 អ្នកជំងឺវ័យ១០១ឆ្នាំ និងគ្រូពេទ្យ ពេលចេញពីមន្ទីរពេទ្យមួយនៅវូហាន។ រូបថត China Daily
× បុរសវ័យ១០១ឆ្នាំម្នាក់ បានជាសះស្បើយពីជំងឺរលាកសួត COVID-19 ហើយត្រូវបានអនុញ្ញាតឲ្យចេញពីមន្ទីរពេទ្យមួយនៅក្រុងវូហាន ខេត្តហ៊ូប៉ី កាលពីថ្ងៃទី៥ ខែមីនា។ នេះបើតាមការផ្សាយរបស់ China Daily។
អ្នកជំងឺដែលមិនត្រូវបានបង្ហើបអត្តសញ្ញាណនោះ ត្រូវបានពិនិត្យឃើញវិជ្ជមាន COVID-19 កាលពីថ្ងៃទី២៥ ខែកុម្ភៈ ប៉ុន្តែមានស្ថានភាពធម្មតា។ កន្លងមក ក៏មានករណីស្ត្រី និងបុរសវ័យ៩៨ឆ្នាំ ត្រូវបានព្យាបាលសះស្បើយ និងអនុញ្ញាតឲ្យចេញពីមន្ទីរពេទ្យផងដែរ។
ក្រុងវូហាន ដែលជាទីកន្លែងផ្ទុះ COVID-19 ដំបូងគេនោះ មានការឆ្លងជិត៥ម៉ឺនករណី ក្នុងនោះស្លាប់២៣២៨នាក់ និងត្រូវបានព្យាបាលសះស្បើយជាង២៧០០០នាក់៕
© រក្សាសិទ្ធិដោយ thmeythmey.com