COVID-19
អន្តរជាតិ
រូបភាព៖ DOH Philippines, twitter
×![]()
ដោយ: ធៀន ភារិន្ទ
នាថ្ងៃទី៦ ខែមីនា ហ្វីលីពីន បានរកឃើញអ្នកឆ្លង COVID-19 ពីរករណីបន្ថែមទៀត បន្ទាប់ពីស្ងាត់មួយរយៈ។ ការណ៍នេះ បានធ្វើឲ្យហ្វីលីពីន រកឃើញករណីឆ្លងសរុបមានចំនួន ៥ករណី។ ក្នុងចំណោម ៥ករណីនេះ មានអ្នកស្លាប់ម្នាក់ និងអ្នកជាសះស្បើយ ២នាក់។ 
បន្ទាប់ពីស្ងាត់មួយរយៈ ហ្វីលីពីន បានរកឃើញ ២ករណីបន្ថែមទៀត។ ករណីទី៤ គឺជាបុរសជនជាតិហ្វីលីពីន ដែលមានអាយុ ៤៨ឆ្នាំ។ តាមរយៈការធ្វើសន្និសីទកាសែត ក្រសួងសុខាភិបាលហ្វីលីពីន បានអះអាងថា បុរសវ័យ ៤៨ឆ្នាំរូបនេះ ធ្លាប់មានប្រវត្តិធ្វើដំណើរទៅជប៉ុន និងបានចេញរោគសញ្ញានៅថ្ងៃទី៣ ខែមីនា។ រហូតដល់ថ្ងៃទី៥ ខែមីនា សំណាករបស់ជនជាតិហ្វីលីពីនរូបនេះ ត្រូវបានគេពិនិត្យរកឃើញថា មានផ្ទុក COVID-19 ។
ចំណែកករណីទី៥ វិញ ក៏ជាជនជាតិហ្វីលីពីនផងដែរ ដែលមានវ័យ ៦២ឆ្នាំ ។ បន្ទាប់ពីចេញរោគសញ្ញាដូចជាក្អក បុរសចំណាស់រូបនេះ បានទៅមន្ទីរពេទ្យមួយកន្លែងក្នុងក្រុងម៉ានីល នាថ្ងៃទី១ ខែមីនា។ សង្ស័យថាពីស្ថានភាពជំងឺ សំណាករបស់បុរសរូបនេះ ត្រូវបានគេយកទៅពិនិត្យនៅថ្ងៃទី៤ ខែមីនា និងត្រូវបានគេរកឃើញថាមានផ្ទុកCOVID-19 នៅថ្ងៃទី៥ ខែមីនា។ យ៉ាងណាក៏ដោយ នាយកដ្ឋានសុខាភិបាលហ្វីលីពីន បានអះអាងថា ករណីឆ្លងចុងក្រោយនេះ គេមិនបានរកឃើញប្រវត្តិធ្វើដំណើរទៅក្រៅប្រទេសឡើយ។
សូមបញ្ជាក់ថា ក្នុងចំណោមបណ្តាប្រទេសសមាជិកអាស៊ានទាំងអស់ មានតែឡាវ និងមីយ៉ាន់ម៉ា តែប៉ុណ្ណោះ ដែលមិនទាន់រកឃើញ COVID-19 នៅក្នុងប្រទេស ខណៈពេលសិង្ហបុរី គឺជាប្រទេសដែលបានរកឃើញ COVID-19 ច្រើនជាងគេ ពោលគឺមានករណីសរុបរហូតដល់ទៅ ១១៧ករណីឯណោះ៕
បន្ទាប់ពីស្ងាត់មួយរយៈ ហ្វីលីពីន បានរកឃើញ ២ករណីបន្ថែមទៀត។ ករណីទី៤ គឺជាបុរសជនជាតិហ្វីលីពីន ដែលមានអាយុ ៤៨ឆ្នាំ។ តាមរយៈការធ្វើសន្និសីទកាសែត ក្រសួងសុខាភិបាលហ្វីលីពីន បានអះអាងថា បុរសវ័យ ៤៨ឆ្នាំរូបនេះ ធ្លាប់មានប្រវត្តិធ្វើដំណើរទៅជប៉ុន និងបានចេញរោគសញ្ញានៅថ្ងៃទី៣ ខែមីនា។ រហូតដល់ថ្ងៃទី៥ ខែមីនា សំណាករបស់ជនជាតិហ្វីលីពីនរូបនេះ ត្រូវបានគេពិនិត្យរកឃើញថា មានផ្ទុក COVID-19 ។
ចំណែកករណីទី៥ វិញ ក៏ជាជនជាតិហ្វីលីពីនផងដែរ ដែលមានវ័យ ៦២ឆ្នាំ ។ បន្ទាប់ពីចេញរោគសញ្ញាដូចជាក្អក បុរសចំណាស់រូបនេះ បានទៅមន្ទីរពេទ្យមួយកន្លែងក្នុងក្រុងម៉ានីល នាថ្ងៃទី១ ខែមីនា។ សង្ស័យថាពីស្ថានភាពជំងឺ សំណាករបស់បុរសរូបនេះ ត្រូវបានគេយកទៅពិនិត្យនៅថ្ងៃទី៤ ខែមីនា និងត្រូវបានគេរកឃើញថាមានផ្ទុកCOVID-19 នៅថ្ងៃទី៥ ខែមីនា។ យ៉ាងណាក៏ដោយ នាយកដ្ឋានសុខាភិបាលហ្វីលីពីន បានអះអាងថា ករណីឆ្លងចុងក្រោយនេះ គេមិនបានរកឃើញប្រវត្តិធ្វើដំណើរទៅក្រៅប្រទេសឡើយ។
សូមបញ្ជាក់ថា ក្នុងចំណោមបណ្តាប្រទេសសមាជិកអាស៊ានទាំងអស់ មានតែឡាវ និងមីយ៉ាន់ម៉ា តែប៉ុណ្ណោះ ដែលមិនទាន់រកឃើញ COVID-19 នៅក្នុងប្រទេស ខណៈពេលសិង្ហបុរី គឺជាប្រទេសដែលបានរកឃើញ COVID-19 ច្រើនជាងគេ ពោលគឺមានករណីសរុបរហូតដល់ទៅ ១១៧ករណីឯណោះ៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
