អត្ថបទពាណិជ្ជកម្ម
លោក ជា សុផារ៉ា៖«គម្រោងលំនៅដ្ឋានកំណប់ឋានសួគ៌ ជួយឲ្យតំបន់ទេសចរណ៍ភ្នំបូកគោកាន់តែទាក់ទាញ»
× គម្រោងលំនៅដ្ឋានកំណប់ឋានសួគ៌នៅលើភ្នំបូកគោនេះ គឺមានការគាំទ្រពីរាជរដ្ឋាភិបាល ដោយគម្រោងនេះ អាចចាត់ទុកថាជាគម្រោងមួយ ជួយកែលំអអភិវឌ្ឍតំបន់ទេសចរណ៍ប្រវត្តិសាស្ត្ររបស់កម្ពុជា ឲ្យក្លាយទៅជាតំបន់ទេសចរណ៍ មានភាពទាក់ទាញកាន់តែខ្លាំងសម្រាប់ភ្ញៀវទេសចរជាតិ និងអន្តរជាតិ ដែលនាំមកនូវចំណូលជូនជាតិកាន់តែច្រើនបានមកពីវិស័យទេចរណ៍។ នេះជាការលើកឡើងរបស់ លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងដែនដី នគររូបនីយកម្ម និងសំណង់ នៅក្នុងពិធីបើកការដ្ឋានសាងសង់ គម្រោងលំនៅដ្ឋាន កំណប់ឋានសួគ៍របស់ក្រុមហ៊ុន សុខា អូតែល នៅលើភ្នំបូកគោ ខេត្តកំពត។
លោកឧបនាយករដ្ឋមន្ត្រី បញ្ជាក់ទៀតថា នៅពេលដែលតំបន់ប្រវត្តិសាស្ត្រនេះ មានប្រជាពលរដ្ឋរស់នៅច្រើន មានផ្សារ មានមន្ទីរពេទ្យ និងសាលារៀន អ្នកទេសចរជាតិ និងអន្តរជាតិ ក៏មានទំនុកចិត្ត ក្នុងការមកស្នាក់នៅសម្រាកកម្សាន្តនៅទីនេះដែរ។
នៅក្នុងឱកាសនេះដែរ លោក ជា សុផារ៉ា បានឲ្យរដ្ឋមន្ត្រីក្រសួងសាធារណការ និងដឹកជញ្ជូនសិក្សាលើហេដ្ឋារចនាសម្ព័ន្ធផ្លូវ ឡើងមកកាន់តំបន់ទេសចរណ៍មួយនេះផងដែរ។ ទន្ទឹមនឹងនេះ ឧបនាយករដ្ឋមន្ត្រី ក៏បានអំពាវនាវឲ្យអ្នកវិនិយោគលើសំណង់លំនៅដ្ឋាន ទាំងជាតិ និងអន្តរជាតិ ជួយចូលរួមចំណែកបោះទុនវិនិយោគនៅលើកំពូលភ្នំបូកគោ ទៅតាមលទ្ធភាពដែលអាចទៅរួច ដើម្បីកែប្រែតំបន់ទេសចរណ៍នេះ ទៅជាតំបន់ទេសចរណ៍ទាក់ទាញបន្ថែមទៀត។
លោក ជាវ តាវ អភិបាលខេត្តកំពត លើកឡើងថា រដ្ឋបាលខេត្តកំពត សាទរយ៉ាងពេញទំហឹង ចំពោះគម្រោងវិនិយោគអភិវឌ្ឍលំនៅដ្ឋាន លើកំពូលភ្នំបូកគោ ដែលជាការវិនិយោគរបស់ក្រុមហ៊ុន សុខា អូតែល ក្រោមការគាំទ្រពីរាជរដ្ឋាភិបាលកម្ពុជា។ គម្រោងអភិវឌ្ឍលំដ្ឋាននេះ មិនតែប្រែក្លាយតំបន់ទេសចរណ៍មួយនេះ ក្លាយជាទីប្រជុំជនដែលមានប្រជាជនរស់នៅមូលមីនោះទេ វាថែមទាំងបានផ្តល់ការងារ ជូនប្រជាពលរដ្ឋកម្ពុជាយ៉ាងច្រើន ដែលជាការចូលរួមចំណែកយ៉ាងធំធេង ក្នុងការអភិវឌ្ឍកំណើនសេដ្ឋកិច្ច កាត់បន្ថយអត្រាភាពក្រីក្រនៅកម្ពុជាផងដែរ។
លោកស្រី សុខ ចន្ថា អនុប្រធានក្រុមហ៊នសុខាអូតែល បញ្ជាក់ថា គម្រោងលំនៅដ្ឋានកំណប់ឋានសួគ៌ នៅលើភ្នំបូកគោ គឺមាន៤ទីតាំង ទីតាំងទី១-បុរីមរតឋានសួគ៌ ភូមិគ្រឹះបេតុងកម្ពស់២ជាន់ មានចំនួន១៣៩១ខ្នង លើផ្ទៃដីទំហំ១៦ម៉ែត្រ គុណនឹង២២ម៉ែត្រ។ ទីតាំងទី២-បុរីអម្រឹតឋានសួគ៌ ផ្ទះល្វែងកម្ពស់៣ជាន់ មាន៤២៤០ល្វែង មានផ្ទៃដីទំហំ៥ម៉ែត្រ គុណនឹង២១ម៉ែត្រ ក្នុងនោះមានផ្សារ មន្ទីរពេទ្យ និងសាលារៀន។ ទីតាំង៣-ក្រោនអ៊ីស្តេត ភូមិគ្រឹះកម្ពស់៣ជាន់ មាន ៥,៥៨៥ខ្នង លើផ្ទៃដីដីទំហំ ១០ម៉ែត្រ គុណនឹង១៨ម៉ែត្រ ផ្ទះល្វែងកម្ពស់៣ជាន់ ១៥៩៥២ល្វែង មានផ្ទៃដីទំហំ ៦ ម៉ែត្រ គុណនឹង១៤ម៉ែត្រ និងទីតាំងទី៤ បុរី ម៉ោន ស៊ីវីយូ សាងសង់ភូមិគ្រឹះ មានកម្ពស់៣ជាន់ ចំនួន៦៣៧ខ្នង ក្នុងនោះ ភូមិគ្រឹះប្រភេទ-ក ចំនួន៣៦ខ្នងទំហំផ្ទៃដី៣៥ គុណនិង២៥ម៉ែត្រ និងភូមិគ្រឹះប្រភេទ-ខ ៦០១ខ្នងមានផ្ទៃដី២០គុណនឹង២៥ម៉ែត្រ។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com