COVID-19
អន្តរជាតិ
រូបភាព៖ Bloomberg
×![]()
ដោយ: ធៀន ភារិន្ទ
ក្រុមប្រឹក្សាទំនាក់ទំនងអន្តរជាតិ (CFR) បានលុបចោលកិច្ចប្រជុំតុមូលស្តីពី «ការធ្វើជំនួញក្នុងបរិបទផ្ទុះកូរ៉ូណាវីរុស» ដែលគ្រោងនឹងបង្កើតឡើងនាថ្ងៃទី១៣ ខែមីនា។ ការលុបចោលនេះ ធ្វើឡើងបន្ទាប់ពីជំងឺរលាកសួត ដែលបង្កដោយកូរ៉ូណាវីរុស (COVID-19) កំពុងតែរីកសាយភាយនៅអាមេរិក។ 
ករណី COVID-19 នៅអាមេរិក បានកើនឡើងជាលំដាប់។ មួយរយៈចុងក្រោយនេះ អាមេរិកបានរកឃើញករណីCOVID-19 ថ្មី យ៉ាងហោចណាស់ ១០០ករណី។ គិតត្រឹមថ្ងៃទី១១ ខែមីនា អាមេរិកមានករណីCOVID-19 សរុបជាង១ពាន់ករណី ស្លាប់៣៨ករណី និងជាសះស្បើយ ៩ករណី។
ពាក់ព័ន្ធនឹងករណីឆ្លងបែបនេះ កិច្ចប្រជុំមួយដែលធ្វើឡើងក្រោមប្រធានបទ «ការធ្វើជំនួញក្នុងបរិបទផ្ទុះកូរ៉ូណាវីរុស» ត្រូវបានលុបចោល ដោយសារតែខ្លាចមានករណីឆ្លង។ វេបសាយរបស់ក្រុមប្រឹក្សាទំនាក់ទំនងអន្តរជាតិបានសរសេរថា ក្នុងបរិបទរីកសាយភាយCOVID-19 បែបនេះ គ្មានកម្មវិធីណាមួយនឹងត្រូវធ្វើឡើងទេ។ នេះបើតាមការចុះផ្សាយរបស់សារព័ត៌មាន Bloomberg។
មិនត្រឹមតែបិទកិច្ចប្រជុំខាងលើនោះទេ ក្រុមប្រឹក្សាទំនាក់ទំនងអន្តរជាតិ ដែលមានមូលដ្ឋាននៅក្នុងទឹកដីអាមេរិកមួយនេះ ក៏បានរំសាយកម្មវិធីផ្សេងទៀតផងដែរ ដែលគ្រោងនឹងធ្វើឡើងក្នុងចន្លោះពីថ្ងៃទី៣ ខែមីនា ដល់ថ្ងៃទី៣ ខែមេសា នៅញូវយ៉ក វ៉ាស៊ីនតោន និងតំបន់ផ្សេងទៀតនៅអាមេរិក ដោយសារតែបារម្ភពីករណីឆ្លងដោយសារCOVID-19៕
Tag:
COVID-19
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
