COVID-19
អន្តរជាតិ
រដ្ឋមន្ត្រីមហាផ្ទៃអូស្ត្រាលី លោក Peter Dutton ។ រូបថត AFP
×![]()
រដ្ឋមន្ត្រីមហាផ្ទៃអូស្ត្រាលី លោក Peter Dutton បានធ្វើតេស្តវិជ្ជមានសម្រាប់ COVID-19 ហើយខណៈនេះលោកកំពុងសម្រាកនៅមន្ទីរពេទ្យ។ នេះបើតាមសេចក្តីថ្លែងការណ៍ចុះផ្សាយរសៀលថ្ងៃសុក្រ ទី ១៣ មីនា ។
«ព្រឹកនេះ ខ្ញុំបានក្រោកពីគេង ដោយមានអារម្មណ៍ថាក្ដៅខ្លួន និងឈឺបំពង់ក»។ លោករដ្ឋមន្ត្រី បញ្ជាក់បែបនេះក្នុងសេចក្តីថ្លែងការណ៍របស់ខ្លួន។ លោក បន្តថា ភ្លាមៗនោះ លោកបានទាក់ទងទៅនាយកដ្ឋានសុខាភិបាលរដ្ឋ Queensland ហើយបានធ្វើតេស្តរក COVID-19 ។
តាមការចុះផ្សាយរបស់សារព័ត៌មានអូស្ត្រាលី SBS News លោក Peter Dutton អះអាងថា លោក ទើបទទួលដំណឹងរសៀលនេះថា លទ្ធផលតេស្ត បានបង្ហាញថា លោកឆ្លង COVID-19 ។ បច្ចុប្បន្ន លោក កំពុងសម្រាកព្យាបាលនៅមន្ទីរពេទ្យ ហើយធ្វើតាមការណែនាំរបស់ពេទ្យ។ យ៉ាងណាមិញ លោក បញ្ជាក់ថា លោកមានសុខភាពល្អប្រសើរ។
លោក Dutton គឺជាអ្នកនយោបាយអូស្ត្រាលីទី១ ដែលបានឆ្លងវីរុសនេះ។ បច្ចុប្បន្ន អូស្ត្រាលីមានអ្នកឆ្លងជំងឺជាង ១៥០នាក់ រួមមាន ៣នាក់ស្លាប់។
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
