COVID-19
អន្តរជាតិ
រដ្ឋមន្ត្រីដឹកជញ្ជូនឥណ្ឌូណេស៊ី តេស្តវិជ្ជមាន COVID-19
× រដ្ឋមន្ត្រីដឹកជញ្ជូនឥណ្ឌូណេស៊ី លោក Budi Karya Sumadi មានលទ្ធផលតេស្តវិជ្ជមាន COVID-19 ដោយសារតែលោកធ្លាប់ជាមួយអ្នកជំងឺ។ នេះបើតាមការផ្សាយរបស់ The Jakarta Post។
កាលពី ល្ងាចថ្ងៃសៅរ៍ លោក Prakino រដ្ឋមន្ត្រីប្រចាំលេខាធិការដ្ឋ បានប្រកាសថា លោក Budi ជាករណីទី៧៦នៅឥណ្ឌូណេស៊ី ដូចជាការប្រកាសរបស់ក្រសួងសុខាភិបាល ដែលថា អ្នកជំងឺស្ថិតនៅមន្ទីរពេទ្យ Gatot Subroto Army។
លោក Pratikno បានបញ្ជាក់លោកប្រធានាធិបតី Joko Widodo ឲ្យលោក Luhut Pandjaitan រដ្ឋមន្ត្រីសម្របសម្រួលកិច្ចការសមុទ្រ និងវិនិយោគ ទទួលបន្ទុកបន្ថែមជារដ្ឋមន្ត្រីដឹកជញ្ជូនស្តីទី។
វេជ្ជបណ្ឌិតនៅពេទ្យ Gatot Subroto Army អះអាងថា ស្ថានភាពសុខភាពរបស់លោក Budi កំពុងតែល្អ។
គិតមកដល់ពេលនេះ ឥណ្ឌូណេស៊ី មាន៩៦ករណី ក្នុងនោះស្លាប់៥នាក់ និងសះស្បើយ៨នាក់៕
© រក្សាសិទ្ធិដោយ thmeythmey.com