អន្តរជាតិ
បុរសជប៉ុនម្នាក់ ត្រូវកាត់ទោសប្រហារជីវិតក្រោយសម្លាប់ជនពិការស្មារតី១៩នាក់
លោក Satoshi Uematsu ប្រភពរូប៖ AFP
×![]()
ដោយ៖ គយ រតនបុរិន្ទ
លោក Satoshi Uematsu បុរសជនជាតិជប៉ុន អាយុ ៣០ឆ្នាំ ត្រូវបានតុលាការផ្តន្ទាទោសប្រហារជីវិត ក្រោយពេលចាក់សម្លាប់មនុស្ស១៩ នាក់ដោយប្រើប្រាស់កាំបិត កាលពីឆ្នាំ ២០១៦។ នេះបើយោងតាមទីភ្នាក់ងារព័ត៌មានAFP។ បុរសរូបនេះធ្លាប់ធ្វើការនៅមជ្ឈមណ្ឌលថែទាំមនុស្សពិការស្មារតីមានទីតាំងនៅ Sagamihara ភាគនិរតីទីក្រុងតូក្យូ។ 
មេធាវីរបស់ជនជាប់ចោទបានលើកឡើងថា កូនក្តីរបស់ខ្លួនមិនបានរំលោភច្បាប់ឡើយ ដោយហេតុថាកូនក្តីរបស់ខ្លួនមាន «សតិអារម្មណ៍មិនប្រក្រតី» ដែលទាក់ទិនទៅនឹងការប្រើប្រាស់កញ្ឆា។ ប៉ុន្តែព្រះរាជអជ្ងាជប៉ុនបានលើកឡើងថា ជនជាប់ចោទមានសមត្ថភាព ទទួលខុសត្រូវនូវទង្វើរបស់ខ្លួន និងគួរប្រហារជីវិតឲ្យសមនឹងបទឧក្រិដ្ឋដែលខ្លួនបានប្រព្រឹត្ត។
បន្ថែមពីលើនេះព្រះរាជអាជ្ងាក៏បានលើកឡើងផងដែរថាបទឧក្រិដ្ឋមានលក្ខណៈ «អមនុស្សធម៍» និង «គ្មានមេត្តា» ឡើយ។ យ៉ាងណាមិញលោក Uemastu ត្រូវបានគេរាយការណ៍ថានឹងមិនធ្វើបណ្តឹងឧទ្ធរណ៍នោះឡើយ។ ប៉ុន្តែលោកបានការពារខ្លួនដោយលើកឡើងថា សកម្មភាពរបស់លោក មិនសាកសមនឹងទោសប្រហារជីវិតទេ។
លោក Uematsu បានលាឈប់ពីការងាររយៈពេលជាងមួយខែ មុនហេតុការណ៍នេះបានកើតឡើង។ លោកត្រូវបានគេបង្ខំឲ្យសម្រាកព្យាបាលក្នុងមន្ទីរពេទ្យក្រោយពេលប្រាប់មិត្តរួមការងារថា លោកចង់សម្លាប់មនុស្សពិការស្មារតីនៅក្នុងមជ្ឈមណ្ឌលនោះ។
១២ ថ្ងៃក្រោយមក លោកត្រូវបានវេជ្ជបណ្ឌិតអនុញ្ញាតឲ្យចាកចេញពីមន្ទីពេទ្យដោយយល់ឃើញថាមិនមែនជា មនុស្សគំរាមកំហែងឡើង។ លោក Uemastu បានសសេរពីផែនការវាយប្រហារនៅមជ្ឈមណ្ឌលនោះ ដោយសសេរថា «ជនពិការស្មារតី បង្កើតតែអពមង្គល»។ ក្រោយការវាយប្រហាដោយកាំបិត រូបលោកបានចូលខ្លួនទៅឲ្យប៉ូលីស ដោយយកទៅជាមួយកាំបិតដែលប្រឡាក់ទៅដោយឈាម៕
© រក្សាសិទ្ធិដោយ thmeythmey.com
