COVID-19
អន្តរជាតិ
គ្រូបង្វឹកអេស្ប៉ាញនៅក្លិប Atletico Portada Alta ស្លាប់ដោយសារ COVID-19 ក្នុងវ័យ២១ឆ្នាំ លោក Francisco Garcia គ្រូបង្វឹកយុវជនក្លិបបាល់ទាត់ Atletico Portada Alta ស្លាប់ដោយសារ COVID-19 ក្នុងវ័យ២១ឆ្នាំ។ រូបថត rancigrcia10
× លោក Francisco Garcia គ្រូបង្វឹកយុវជនក្លិបបាល់ទាត់ Atletico Portada Alta ដែលមានមូលដ្ឋាននៅ Malaga ប្រទេសអេស្ប៉ាញ បានទទួលមរណភាពក្នុងអាយុត្រឹមតែ២១ឆ្នាំ ដោយសារ COVID-19។
Atletico Portada Alta បានបញ្ជាក់ក្នុងបណ្តាញសង្គម Instagram របស់ខ្លួនថា លោក Garcia បានស្លាប់កាលពីថ្ងៃអាទិត្យ នៅមន្ទីរពេទ្យ Regional Hospital of Malaga ក្រោយតេស្តឃើញវិជ្ជមាន COVID-19 អស់រយៈពេល១សប្តាហ៍។
លោក Garcia ដែលត្រូវបានតែងតាំងជាគ្រូបង្វឹកក្លិបយុវជន Atletico Portada Alta តាំងពីឆ្នាំ២០១៦មកនេះ ក្លាយជាអ្នកជំងឺទី៥ និងជាជនរងគ្រោះដោយសារ COVID-19 ដែលក្មេងជាងគេបំផុតនៅ Malaga ផ្ទាល់។
ក្លិប Malaga ដែលស្ថិតនៅតំបន់តែមួយ ក៏បានសរសេរសាររំលែកទុក្ខក្លិប និងក្រុមគ្រួសាររបស់លោក Garcia ផងដែរ៕
© រក្សាសិទ្ធិដោយ thmeythmey.com