COVID-19
អន្តរជាតិ
ប្រមុខរដ្ឋាភិបាលបូរីក្សត្រម៉ូណាកូ លោក Serge Telle ឆ្លង COVID-19 ប្រមុខរដ្ឋាភិបាលម៉ូណាកូ លោក Serge Telle
× ប្រមុខរដ្ឋាភិបាលម៉ូណាកូ លោក Serge Telle បានធ្វើតេស្តវិជ្ជមានសម្រាប់ជំងឺ COVID-19 ។ នេះបើតាមសេចក្តីថ្លែងការណ៍របស់ក្រសួងសុខាភិបាលម៉ូណាកូ។ លោក Telle គឺជាករណីឆ្លង COVID-19 ទី៩របស់បុរីរដ្ឋក្នុងតំបន់អឺរ៉ុបមួយនេះ។
រដ្ឋាភិបាលម៉ូណាកូ បានបញ្ចេញសេចក្តីថ្លែងការណ៍នេះ នៅថ្ងៃចន្ទ ១៦ ខែមីនា ដោយបង្ហាញថា លោកប្រមុខរដ្ឋាភិបាលគ្មានចេញរោគសញ្ញាអ្វីគួរឲ្យកត់សម្គាល់ឡើយ ហើយបច្ចុប្បន្នលោក កំពុងធ្វើចត្តាឡីស័កនៅផ្ទះ។
តាមការចុះផ្សាយរបស់សារព័ត៌មានក្នុងស្រុក Monacolife.net អាជ្ញាធរសុខាភិបាលប្រទេសនេះ កំពុងស៊ើបអង្កេតរកប្រវត្តិធ្វើដំណើររបស់លោកក្នុងរយៈពេលប៉ុន្មានថ្ងៃចុងក្រោយនេះ ហើយក៏តាមរកមនុស្សដែលប៉ះពាល់ផ្ទាល់ជាមួយលោកផងដែរ៕
Tag:
ម៉ូណាកូ
COVID-19
Serge Telle
© រក្សាសិទ្ធិដោយ thmeythmey.com