អត្ថបទពាណិជ្ជកម្ម
សាកលវិទ្យាល័យអាមេរិកាំងភ្នំពេញ ប្តូរពីការសិក្សាក្នុងថ្នាក់ទៅជាការសិក្សា Online
×![]()
ដោយ: ថ្មីៗ
(ភ្នំពេញ)៖ សាកលវិទ្យាល័យអាមេរិកាំងភ្នំពេញ (AUPP) ផ្តល់អាទិភាពសំខាន់ទៅលើសុខភាព សុវត្ថិភាព និង ការសិក្សារបស់និស្សិត និង បុគ្គលិកនៃសាកលវិទ្យាល័យ ។
ឆ្លើយតបនឹងវិធានការស្តីពីការការពារសុវត្ថិភាព និង សុខភាពក្នុងការទប់ស្កាត់ការរីករាតត្បាតនៃជំងឺ COVID-19 សាកលវិទ្យាល័យអាមេរិកាំងភ្នំពេញ បានផ្លាស់ប្តូរគ្រប់ប្រព័ន្ធសិក្សាក្នុងថ្នាក់ទាំងអស់ ទៅជាការសិក្សាតាមប្រព័ន្ធអ៊ីនធឺណិត (Online classes)។
និស្សិតអាចប្រើប្រាស់ធនធាន និង ឯកសារផ្សេងៗតាមរយៈប្រព័ន្ធគ្រប់គ្រងការសិក្សារបស់សាកលវិទ្យាល័យអាមេរិកាំងភ្នំពេញ ដូចជា Canvas ជាដើម និងប្រព័ន្ធគ្រប់គ្រងការសិក្សារបស់សាកលវិទ្យាល័យជាដៃគូរបស់យើងទាំងពីរ គឺ សាកលវិទ្យាល័យអារីហ្សូណា (Arizona) និង សាកលវិទ្យាល័យរដ្ឋហ្វតហេស៍ (Fort Hays) ដែលប្រើប្រព័ន្ធ D2L (Desire2learn) ឬ Blackboard។
ឯកសារសម្រាប់សិក្សាទាំងអស់ ត្រូវបានដាក់បញ្ចូលឲ្យប្រើប្រាស់ចាប់ពីថ្ងៃចូលរៀនដំបូងរហូតដល់សប្តាហ៍ចុងក្រោយនៃឆមាសនីមួយៗ។ និស្សិតអាចទាញឯកសារទាំងនោះមកសិក្សា ក៏ដូចជាបំពេញកម្រងសំណួរ កិច្ចការ និង គម្រោងនានាតាមប្រព័ន្ធអ៊ីនធឺណិត ដែលសាស្ត្រាចារ្យចាត់តាំងឲ្យធ្វើ។ និស្សិត អាចប្រាស្រ័យទាក់ទងគ្នាយ៉ាងសកម្មជាមួយសាស្ត្រាចារ្យរបស់សាកលវិទ្យាល័យអាមេរិកាំងភ្នំពេញ និងសាស្ត្រាចារ្យនៃសាកលវិទ្យាល័យជាដៃគូបានគ្រប់ពេល។
មុននឹងចាប់ផ្តើមថ្នាក់បង្រៀនតាមប្រព័ន្ធអ៊ីនធឺណិតនេះ សាស្ត្រាចារ្យនៃសាកលវិទ្យាល័យអាមេរិកាំងភ្នំពេញ ត្រូវបានបណ្តុះបណ្តាលយ៉ាងស្ទាត់ជំនាញក្នុងការបង្រៀនតាមប្រព័ន្ធអ៊ីនធឺណិត ហើយបានសាកល្បងថ្នាក់មួយចំនួន ដើម្បីធានាថា ដំណើរការសិក្សា អាចប្រព្រឹត្តទៅបានយ៉ាងរលូន ហើយនិស្សិតរបស់យើង មានផាសុកភាពក្នុងការក្រេបជញ្ជក់យកចំណេះវិជ្ជាពីការសិក្សាតាមប្រព័ន្ធអ៊ីនធឺណិតនេះ៕
(អត្ថបទពាណិជ្ជកម្ម)
Tag:
Aupp
© រក្សាសិទ្ធិដោយ thmeythmey.com
