COVID-19
ជាតិ
COVID-19៖ កម្ពុជារកឃើញ៣១ករណីថ្មីទៀតនៅខេត្តព្រះសីហនុទាំងអស់
× ក្រសួងសុខាភិបាល នាយប់ថ្ងៃអាទិត្យ ទី២២ ខែមីនា នេះ បានប្រកាសពីការរកឃើញករណីឆ្លង COVID-19 ចំនួន៣១ករណីបន្ថែមទៀតនៅខេត្តព្រះសីហនុ។ ករណីទាំងនេះនាំឲ្យកម្ពុជាមានអ្នកឆ្លងសរុបចំនួន៨៤នាក់ហើយ។
ក្នុងចំណោម៣១ករណី មាន២៩ករណីជាជនជាតិបារាំងដែលជាអ្នកទេសចរតាមក្រុមហ៊ុនមួយ។ អ្នកទាំងនោះមានស្ត្រី១៧នាក់ និងបុរស១២នាក់។ រីឯ២ករណីទៀតជាជនជាតិខ្មែរអាយុ៣៩ឆ្នាំ និង៣៣ឆ្នាំ ដែលជាមគ្គុទេសក៍ឲ្យក្រុមជនជាតិបារាំងទាំងនោះ។
គិតមកដល់ពេលនេះ កម្ពុជាមានករណីឆ្លង COVID-19 សរុប៨៤ករណី ដែលក្នុងនោះមានប្រុស៦៣នាក់ ស្រី២១នាក់។ ក្នុងចំណោមជនបរទេស បារាំងក្លាយជាចំនួនដែលច្រើនជាងគេ ហើយបន្ទាប់មកមានម៉ាឡេស៊ី និងអង់គ្លេស។
៥៣កន្លងមកនៅកម្ពុជា មាន៖ ភ្នំពេញ ១១ករណី (ខ្មែរ៧, បារាំង២, បែលហ្ស៊ិក ១, កាណាដា១), កំពង់ចាម១០ករណី (ម៉ាឡេស៊ី៧, អង់គ្លេស៣), បាត់ដំបង៨ករណី (ខ្មែរ៨), ត្បូងឃ្មុំ ៤ (ខ្មែរ៤), កែប ៤ (ម៉ាឡេស៊ី៣, ខ្មែរ១), កំពង់ឆ្នាំង ៣ (ខ្មែរ៣), ព្រះសីហនុ៣ករណី (បារាំង២, ចិន១), បន្ទាយមានជ័យ ២ករណី (ខ្មែរ២), ព្រះវិហារ ២ករណី (ខ្មែរ២), កំពត ២ករណី (ម៉ាឡេស៊ី២), សៀមរាប ២ករណី (ខ្មែរ២), កណ្តាល ១ករណី (ខ្មែរ១), កោះកុង ១ករណី (ខ្មែរ១)។
ក្នុងចំណោម៨៤ករណី បរទេសមាន៥១នាក់ និងខ្មែរ៣៣នាក់។ ២ករណីហើយដែលត្រូវបានព្យាបាលសះស្បើយ ក្នុងនោះមានករណីដំបូងនៅខេត្តព្រះសីហនុ ដែលជាបុរសជនជាតិចិនពីក្រុងវូហាន និងករណីស្ត្រីអង់គ្លេសពីនាវា Viking Cruise Journey ប្រភពពីហូជីមិញ និងសំចតនៅកំពង់ចាម៕
© រក្សាសិទ្ធិដោយ thmeythmey.com