ជាតិ
អាកាសធាតុនឹងចុះកម្ដៅបន្តិច និងផ្នែកខ្លះមានភ្លៀងធ្លាក់ ពីថ្ងៃទី៨-១៤ ខែមេសា
រូបភាពពីក្រសួងធនធានទឹក និងឧត្តុនិយម
×![]()
ភ្នំពេញ៖ ពីថ្ងៃទី៨ ដល់ថ្ងៃទី ១៥ ខែមេសា កម្ពុជានឹងទទួលរងជ្រលងសម្ពាធទាបបង្កើនឥទ្ធិពលមកលើកម្ពុជា ដែលធ្វើឱ្យអាកាសធាតុ នឹងចុះកម្ដៅមួយកម្រិត ដោយមានសីតុណ្ហភាពអតិបរមាពី៣២-៣៧អង្សា និងបណ្ដាខេត្តមួយចំនួនមានភ្លៀងធ្លាក់។ 
បើតាមក្រសួងធនធានទឹក និងឧតុនិយម បណ្ដាខេត្តនៅតំបន់វាលទំនាបកណ្ដាល មានសីតុណ្ហភាពអប្បបរមាពី២៥-២៧ អង្សា និងសីតុណ្ហភាពអតិបរមា ពី៣៤-៣៧អង្សា។ ហើយបណ្ដាខេត្តនានា នឹងមានភ្លៀងធ្លាក់រាយប៉ាយក្នុងកម្រិតពីតិចទៅបង្គួរ និងផ្នែកខ្លះមានភ្លៀងធ្លាក់ច្រើន។
រីឯ បណ្ដាខេត្តនៅខ្ពង់រាបឦសាន មានសីតុណ្ហភាពអប្បបរមាពី ២៤-២៦ អង្សា និងសីតុណ្ហភាពអតិបរមា ពី៣២-៣៤ អង្សា។ ផ្នែកមួយចំនួន នឹងមានភ្លៀងក្នុងកម្រិតពីតិចទៅមធ្យម។
ចំណែកបណ្ដាខេត្តនៅតំបន់មាត់សមុទ្រ មានសីតុណ្ហភាពអប្បបរមា ពី២៥-២៧អង្សា និងសីតុណ្ហភាព អតិបរមាពី៣៣-៣៤អង្សា ហើយមានភ្លៀងធ្លាក់ក្នុងកម្រិតពីតិចទៅបង្គួរ។
ក្រសួងធនធានទឹក និងឧតុនិយម បានអំពាវនាវឱ្យប្រជាពលរដ្ឋប្រុងប្រយ័ត្នខ្ពស់ ចំពោះបាតុភូត ផ្គរ រន្ទះ ខ្យល់កន្ត្រាក់នេះ៕
Tag:
អាកាសធាតុ
© រក្សាសិទ្ធិដោយ thmeythmey.com
