COVID-19
ពីនេះ ពីនោះ
កូវីដ១៩៖ បម្រាមជួយជីវិត ហេតុអ្វីមិនស្តាប់?
× សំណាង និងសុធីរ ឈឺក្បាលដេកមិនលក់ទេកាលពីយប់មិញ ព្រោះ ពលរដ្ឋជាច្រើនបានចាកចេញពីទីក្រុងភ្នំពេញដោយមិនស្តាប់បទបញ្ជាហាមការធ្វើដំណើរបំលាស់ទីពីខេត្តរាជធានីមួយទៅខេត្តរាជធានីមួយផ្សេងទៀត។ បម្រាម គឺក្នុងន័យទប់ស្កាត់ការរាលដាលជំងឺកូវីដ១៩ជាយថាហេតុ ហេតុអ្វីពលរដ្ឋមិនស្តាប់?
សុធីរ៖ អើ អា សំណាង! ហេតុអ្វីពលរដ្ឋមិនស្តាប់?
សំណាង៖ ពួកគេនឹកស្រុកកំណើត ហើយខ្វះការគិត។
សុធីរ៖ ចុះពួកគេអត់គិតថា បម្រាមចង់ទប់ស្កាត់ការរាតត្បាតមេរោគកូវីដ១៩ទេឬ?
សំណាង៖ ពួកគេ(ពលរដ្ឋ)យល់ថា អ្នកនៅស្រុកកំណើតដូចជាមិនមានមេរោគនេះទេ។ ការយល់ដូច្នេះ គឺជាកំហុស។ សូម្បីតែក្រុមគ្រួសារខ្លួនឯងហ្នឹង ក៏អាចចម្លងបានដែរ។ ចំណុចនេះ អញប្រាប់ឲ្យច្បាស់ណា៎ មិនមែនលេងសើចទេវើយ។
សុធីរ៖ ការនឹកស្រុកកំណើតដែលអាចបង្កឲ្យមានគ្រោះថ្នាក់ មិនត្រឹមត្រូវទេ មិនថាអ៊ីចឹង?
សំណាង៖ ពិតប្រាកដហើយ។ ពលរដ្ឋដែលចាកចេញពីភ្នំពេញទៅកាន់ស្រុកកំណើតដោយប្រឆាំងនឹងបទបញ្ជា គឺជាកាគិតមិនត្រឹមត្រូវទេ។ ពលរដ្ឋគិតខុសហើយ។ បទបញ្ជាហ្នឹង គឺចង់ជួយជីវិតពលរដ្ឋទេ មិនមែនចង់បំផ្លាញជីវិតពលរដ្ឋទេ។ រដ្ឋាភិបាលចេញបទបញ្ជានេះមានគោលដៅច្បាស់ណាស់ គឺ បង្ការ និងទប់ស្កាត់ការឆ្លងបន្ថែមទៀត ព្រោះ កម្រិតឆ្លងនៅកម្ពុជានាពេលបច្ចុប្បន្ននេះ កំពុងគ្រប់គ្រងបាន អ៊ីចឹងហើយ គេមិនចង់ឲ្យវាឆ្លងថែមទៀត៕
© រក្សាសិទ្ធិដោយ thmeythmey.com