អត្ថបទពាណិជ្ជកម្ម
កម្ពុជា-ចិន រួមចិត្តតែមួយ,ក្រុមហ៊ុន ហ្សេងហេង (ខេមបូឌា) ខូអិលធីឌី បានផ្តល់ថវិកាចំនួន ១៨ម៉ឺនដុល្លារ និងសម្ភារបរិក្ខារពេទ្យ ជូនរាជរដ្ឋាភិបាលកម្ពុជា
×![]()
ដោយ: ថ្មីៗ
កម្ពុជា-ចិន រួមចិត្តតែមួយ ដើម្បីពុះពារគ្រោះមហន្តរាយនៃជំងឺរាតត្បាត និងជម្នះនូវរាល់ឧបសគ្គ។ នៅដើមខែមេសា ឆ្នាំ២០២០នេះ ក្រុមហ៊ុន ហ្សេងហេង (ខេមបូឌា) ខូអិលធីឌី បានឧបត្ថម្ភជូនដល់រាជរដ្ឋាភិបាលកម្ពុជា នូវថវិកាសរុបចំនួន ១៨ម៉ឺន ដុល្លារអាមេរិក និងបានឧបត្ថម្ភថវិកាចំនួន ៥ម៉ឺនយ័ន និងម៉ាសវេជ្ជសាស្ត្រ N95 ចំនួន១ម៉ឺនសន្លឹក ជូនដល់សហព័ន្ធចិនក្រៅប្រទេស ខេត្តហ៊ូណានប្រចាំនៅកម្ពុជា។ បន្ថែមពីនេះ ក្រុមហ៊ុន ក៏បានឧបត្ថម្ភម៉ាសវេជ្ជសាស្ត្រប្រើប្រាស់ ១ដងចំនួន ១០ ម៉ឺនសន្លឹក ជូនដល់ក្រសួងវប្បធម៌ និងវិចិត្រសិល្បៈ និងសារមន្ទីរជាតិកម្ពុជា។
នៅចុងខែមករា ឆ្នាំ ២០២០ ជាអំឡុងពេលបុណ្យចូលឆ្នាំចិន ខណៈដែលជំងឺកូវីដ-១៩ បានរីករាលដាលនៅប្រទេសចិន។ ថ្នាក់ដឹកនាំនៃក្រុមហ៊ុន ហ្សេងហេង (ខេមបូឌា) ខូអិលធីឌី តែងយកចិត្តទុកដាក់ លើការរីករាលដាលនៃជំងឺកូវីដ-១៩នៅប្រទេសចិន និងតែងតស៊ូជម្នះនូវរាល់ឧបសគ្គនានា ដោយក្រុមហ៊ុនបានព្យាយាមស្វែងរក និងទិញម៉ាសវេជ្ជសាស្ត្រ N95 ចំនួន ១ម៉ឺនសន្លឹកនៅកម្ពុជា ហើយបញ្ជូនទៅកាន់ខេត្តហ៊ូណាន យ៉ាងឆាប់បំផុត។ ក្នុងពេលជាមួយគ្នានេះដែរ ក្រុមហ៊ុនក៏បានឧបត្ថម្ភ ជាថវិកាជូនដល់សហព័ន្ធចិនក្រៅប្រទេសខេត្តហ៊ូណាន ចំនួន ៥ម៉ឺនយ័ន ផងដែរ។
បច្ចុប្បន្ន ជំងឺកូវីដ-១៩នៅប្រទេសចិន មានសភាពធូរថយហើយ ប៉ុន្តែការរីករាលដាលនៅក្រៅប្រទេសនៅតែបន្តកើនឡើង។ នៅក្រោមស្ថានភាពដ៏តានតឹង និងកិច្ចខិតខំប្រឹងប្រែងរបស់ប្រទេសកម្ពុជា ក្នុងការប្រយុទ្ធប្រឆាំងនឹងការរីករាលដាលជំងឺកូវីដ-១៩នេះ ភាគហ៊ុនិកនៃក្រុមហ៊ុន ហ្សេងហេង (ខេមបូឌា) ខូអិលធីឌី បានសម្រេចឧបត្តម្ភថវិកាចំនួន ១៨ម៉ឺន ដុល្លារអាមេរិក ដើម្បីគាំទ្ររាជរដ្ឋាភិបាលកម្ពុជា ក្នុងការប្រយុទ្ធប្រឆាំងនឹងការរីករាលដាលនៃជំងឺនេះ។ លើសពីនេះ ក្រុមហ៊ុនក៏បានព្យាយាមទិញម៉ាសវេជ្ជសាស្ត្រ ប្រើប្រាស់១ដង ចំនួន ១០ម៉ឺនសន្លឹក ពីទីផ្សារទាំងក្នុង និងក្រៅប្រទេស ដើម្បីឧបត្ថម្ភដល់ក្រសួងវប្បធម៌ និងវិចិត្រសិល្បៈ និងសារមន្ទីរជាតិនៃកម្ពុជា។ ក្រុមហ៊ុន ហ្សេងហេង (ខេមបូឌា) ខូអិលធីឌី តែងយកចិត្តទុកដាក់ខ្ពស់ ចំពោះសុខសុវត្ថិភាពរបស់ប្រជាជនកម្ពុជា និងប្រជាជនចិន ហើយបានគាំទ្រការងារបង្ការការឆ្លងរាលដាល នៃជំងឺកូវីដ-១៩ តាមរយៈសកម្មភាពជាក់ស្តែងរបស់ខ្លួន។ ក្រុមហ៊ុន ហ្សេងហេង (ខេមបូឌា) ខូអិលធីឌី តែងចូលរួមចំណែក ក្នុងការងារសង្គម រាល់ពេលមានវិបត្តិកើតឡើង ដោយអនុវត្តទំនួលខុសត្រូវ ក្នុងនាមជាក្រុមហ៊ុនឈានមុខគេនៅកម្ពុជា ដ៏ដូចជាអនុវត្តនូវវប្បធម៌ក្រុមហ៊ុន ការងារសប្បុរសធម៌ និងស្មារតីនៃសេចក្តីស្រឡាញ់របស់ខ្លួន។
ជំងឺគ្មានមេត្តា តែមនុស្សមានក្តីស្រឡាញ់។ ក្នុងអំឡុងពេលនៃការរីករាលដាលនេះ ប្រទេសចិននិងកម្ពុជា តែងតែយកចិត្តទុកដាក់ចំពោះគ្នាទៅវិញទៅមក។ នៅថ្ងៃទី ៥ ខែកុម្ភៈ កន្លងទៅនេះ ជាពេលវេលាដ៏លំបាកបំផុត សម្រាប់ប្រទេសចិនក្នុងការប្រយុទ្ធប្រឆាំងនឹងជំងឺកូវីដ-១៩ ហើយសម្តេច ហ៊ុន សែន នាយករដ្ឋមន្ត្រីកម្ពុជា បានធ្វើដំណើរទស្សនកិច្ចបន្ទាន់មួយ ទៅកាន់ទីក្រុងប៉េកាំង ប្រទេសចិន ដែលនេះជាអំណោយដ៏វិសេសបំផុត ដែលប្រជាជនចិនបានទទួល។ សព្វថ្ងៃនេះ ប្រទេសកម្ពុជា កំពុងប្រយុទ្ធប្រឆាំងនឹងការរីករាលដាលនៃជំងឺនេះ ហើយរដ្ឋាភិបាលចិន រដ្ឋាភិបាលក្នុងតំបន់ និងប្រជាជនចិន បាននិងកំពុងឧបត្ថម្ភសម្ភារបរិក្ខារពេទ្យ សម្រាប់ប្រយុទ្ធប្រឆាំងនឹងការរាតត្បាត នៃជំងឺកូវីដ-១៩ ដល់ប្រទេសកម្ពុជា ជាបន្តបន្ទាប់។
ក្នុងនាមជាសហគ្រាសចិនដំបូងបង្អស់ ដែលធ្វើការលើការពិនិត្យស្រាវជ្រាវ និងចូលខ្លួនក្នុងទីផ្សារកម្ពុជា ក្រុមហ៊ុន ហ្សេងហេង (ខេមបូឌា) ខូអិលធីឌី ប្តេជ្ញាចិត្តក្នុងការអភិវឌ្ឍខ្លួនឲ្យក្លាយ ទៅជាក្រុមហ៊ុនអចលនទ្រព្យ និងទេសចរណ៍ខ្នាតធំ និងជាក្រុមហ៊ុនវិនិយោគអចលនទ្រព្យថ្មី លក្ខណៈអន្តរជាតិ។ ក្រុមហ៊ុនតែងខិតខំ ជំរុញការផ្លាស់ប្តូរ និងការអភិវឌ្ឍវប្បធម៌ រវាងប្រទេសចិន និងកម្ពុជា។ ក្នុងពេលមានវិបត្តិនេះ ក្រុមហ៊ុនក៏មានកាតព្វកិច្ច និងទំនួលខុសត្រូវ ក្នុងការជួយប្រជាជនកម្ពុជា ក្នុងការប្រយុទ្ធប្រឆាំងនឹងការរីករាលដាល នៃជំងឺកូវីដ-១៩នេះផងដែរ។
លោក Deng Pibing ប្រធានក្រុមប្រឹក្សាភិបាល នៃក្រុមហ៊ុនហ្សេងហេង (ខេមបូឌា) ខូអិលធីឌី បានមានប្រសាសន៍ថា៖«ក្រុមហ៊ុនហ្សេងហេង (ខេមបូឌា) ខូអិលធីឌី និងគម្រោងនានាក្នុងប្រទេសកម្ពុជារបស់ខ្លួន តែងតែទទួលបានការយកចិត្តទុកដាក់ និងការគាំទ្រពីសំណាក់សម្តេច នាយករដ្ឋមន្ត្រី ហ៊ុន សែន , រាជរដ្ឋាភិបាលកម្ពុជា និងប្រជាជនមូលដ្ឋាន»។ លោកបានបន្តថា ការឧបត្ថម្ភសម្ភារបង្ការការពារជំងឺកូវីដ-១៩នេះ ជាទឹកចិត្តរបស់ក្រុមហ៊ុនហ្សេងហេង (ខេមបូឌា) ខូអិលធីឌី ដល់ប្រជាជនកម្ពុជា។
ក្រុមហ៊ុនហ្សេងហេង (ខេមបូឌា) ខូអិលធីឌី៖ ជំរុញយ៉ាងសកម្ម នូវគម្រោងគំរូនៃយុទ្ធសាស្ត្រ “ផ្លូវមួយ ខ្សែក្រវាត់មួយ” ដោយរួមគ្នាបើកទំព័រថ្មី នៃការអភិវឌ្ឍវប្បធម៌កម្ពុជា-ចិន
មិនបំភ្លេចចេតនាដើម នឹងទទួលបានភាពជោគជ័យ។ អស់រយៈពេលជាយូរមកហើយ តាមរយៈការឆ្លើយតបយ៉ាងសកម្មចំពោះយុទ្ធសាស្ត្រ “ផ្លូវមួយ ខ្សែក្រវាត់មួយ” ក្រុមហ៊ុនហ្សេងហេង (ខេមបូឌា) ខូអិលធីឌី តែងចូលរួមជួយជំរុញ ការអភិវឌ្ឍវិស័យវប្បធម៌រវាងកម្ពុជា និងចិន។ ក្រុមហ៊ុនបានកសាងគម្រោងតារាសាគរ ដែលជាគម្រោងគំរូនៃយុទ្ធសាស្ត្រ “ផ្លូវមួយ ខ្សែក្រវាត់មួយ” នៅខេត្តកោះកុង ដែលទីនេះជាតំបន់គោលដៅទេសចរណ៍ លំដាប់ពិភពលោក។ នៅក្នុងឱកាស “ឆ្នាំនៃវប្បធម៌ និងទេសចរណ៍កម្ពុជា-ចិន ២០១៩” សមាគមលើកកម្ពស់វប្បធម៌ និងទេសចរណ៍របស់ប្រទេសចិន និងកម្ពុជា បានដាក់ចេញនូវផែនការអភិវឌ្ឍ និងច្នៃប្រឌិតវប្បធម៌ជាតិ “ស្វែងយល់ពីប្រទេសកម្ពុជា” ដែលផ្តោតលើការអភិរក្ស ការស្នងមរតក និងការផ្សព្វផ្សាយគម្រោងវប្បធម៌ និងសិល្បៈ ដែលជាតំណាងរបស់ប្រទេសកម្ពុជា ព្រមទាំងចូលរួមចំណែក ក្នុងការផ្លាស់ប្តូរវប្បធម៌ចិន-កម្ពុជា តាមរយៈសកម្មភាពជាក់ស្តែង។
នៅឆ្នាំ ២០២០ ក្រុមហ៊ុនហ្សេងហេង (ខេមបូឌា) ខូអិលធីឌី នឹងបន្តជំរុញការអនុវត្តផែនការអភិវឌ្ឍ និងច្នៃប្រឌិតវប្បធម៌ជាតិរបស់ប្រទេសកម្ពុជា ដោយនាំយកវប្បធម៌និងសិល្បៈខ្មែរ ទៅកាន់ប្រទេសចិន និងពិភពលោកទាំងមូល ដើម្បីបង្កើតនូវគំរូនៃការផ្លាស់ប្តូរវប្បធម៌ និងសិល្បៈរវាងកម្ពុជា និងចិន និងជួយជំរុញការធ្វើសមាហរណកម្មស៊ីជម្រៅនៃសេដ្ឋកិច្ច និងវប្បធម៌រវាងប្រទេសទាំងពីរ។
លោក Deng Pibing បានមានប្រសាសន៍ថា ក្រុមហ៊ុនហ្សេងហេង (ខេមបូឌា) ខូអិលធីឌី នឹងឈរនៅជាមួយរាជរដ្ឋាភិបាល និងប្រជាជនកម្ពុជា ជាង ១៦ លាននាក់ជានិច្ច ដោយនឹងដើរទន្ទឹមគ្នា និងជួយគ្នាទៅវិញទៅមក។ ជាមួយនឹងដំណើរការយ៉ាងល្អ គម្រោងតារាសាគរនឹងជួយជំរុញផែនការអភិវឌ្ឍ និងច្នៃប្រឌិតវប្បធម៌ជាតិរបស់ប្រទេសកម្ពុជា ព្រមទាំងផ្តល់ឱកាសការងារ ជូនប្រជាជនក្នុងតំបន់ និងចូលរួមចំណែកក្នុងការអភិវឌ្ឍសេដ្ឋកិច្ច និងសង្គម ដើម្បីធ្វើឲ្យចំណងមិត្តភាពកម្ពុជា - ចិន កាន់តែរឹងមាំឡើង។ ខ្ញុំជឿជាក់យ៉ាងមុតមាំថា ក្រោមការដឹកនាំ ប្រកបដោយគតិបណ្ឌិត របស់លោកនាយករដ្ឋមន្ត្រី ហ៊ុន សែន ប្រទេសកម្ពុជាប្រាកដជាទទួលបានភាពជោគជ័យ ក្នុងការប្រយុទ្ធប្រឆាំងនឹងជំងឺកូវីដ-១៩៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
