ពីនេះ ពីនោះ
×![]()
ដោយ: ថ្មីៗ
«បាឋ,បាត,បាត្រ,និងបាទ» ពាក្យទាំងអស់នេះ មានន័យមិនដូចគ្នានោះទេ ហើយការប្រើប្រាស់ទៀតសោតក៏ខុសគ្នាដែរ។ តើពាក្យនេះមានន័យខុសគ្នាដូចម្តេច?
វចនានុក្រមសម្តេចព្រះសង្ឃរាជ ជួន ណាត បានពន្យល់ថា ពាក្យ «បាឋ» មានន័យថាការរៀន, ការថ្លែងរឿង, រឿងរ៉ាវ, បាលី។
ពាក្យ «បាត» បញ្ជាក់ន័យថា ជាប៉ែកខាងក្រោមនៃជម្រៅ ដូចជាបាតបឹង, បាតទន្លេ, បាតសមុទ្រ, បាតខ្ទះ, បាតឆ្នាំង, បាតដី ជាដើម។ ពាក្យ បាត ប្រើក្នុងន័យម្យ៉ាងទៀត សម្រាប់បញ្ជាក់ពីអវៈយវៈមនុស្ស គឺបាតដៃ បាតជើង, ឫសដូងបាត។
ចំពោះ ពាក្យ «បាត្រ» សម្គាល់លើ បាត្រដែក, បាត្រដី ជាភាជនៈដែលធ្វើអំពីដែក ឬដី មានរាងជ្រៅក្រឡូមសម្រាប់បព្វជិតក្នុងពុទ្ធសាសនា ប្រើជាការទទួលចង្ហាន់។ ឧទាហរណ៍៖ ស្លោកបាត្រ(ថង់សម្រាប់ច្រកបាត្រ), ជើងបាត្រ(ប្រដាប់សម្រាប់ថ្កល់បាត្រ), គ្របបាត្រ(ប្រដាប់សម្រាប់គ្របពីលើមាត់បាត្រ), ឃោគបាត្រ( ប្រដាប់ចងរឹតភ្ជាប់នឹងស្លោកបាត្រសម្រាប់ស្ពាយ)។
ចំណែកពាក្យ «បាទ» ជានិបាតសព្ទ សម្រាប់បុរសឆ្លើយ ដើម្បីបង្ហាញពីសេចក្តីគោរព។ ឧទាហរណ៍៖ ខ្ញុំបាទ! សូមអរគុណ៕
© រក្សាសិទ្ធិដោយ thmeythmey.com
