BMW X6 និង 8 Series Gran Coupe ស៊េរីថ្មី មានលក់នៅកម្ពុជាហើយ!

អត្ថបទពាណិជ្ជកម្ម

BMW X6 និង 8 Series Gran Coupe ស៊េរីថ្មី មានលក់នៅកម្ពុជាហើយ!

14, Apr 2020 , 4:07 pm

រូបភាព

ដោយ: ថ្មីៗ

ថ្ងៃនេះក្រុមហ៊ុន BMW Asia និងក្រុមហ៊ុន HGB Group បានប្រកាសពីវត្តមានរបស់រថយន្ត BMW 8 Series Gran Coupe ស៊េរីថ្មីសន្លាង ដែលជាម៉ូឌែលរថយន្តស្ព័រដ៏ទំនើបបំផុត និងមានលក្ខណៈពិសេសប្លែកដាច់ពីរថយន្តផ្សេងៗទាំងអស់។ ទន្ទឹមនឹងនេះ ក្រុមហ៊ុនក៏បានប្រកាសចេញនូវរថយន្ត BMW X6 ស៊េរីថ្មីសន្លាង ដែលជាម៉ូឌែលរថយន្តដ៏ទំនើបប្រកបដោយភាពច្នៃប្រឌិតថ្មី និងយកលំនាំដ៏ពិសេស ប្លែកអស្ចារ្យរបស់គ្រួសាររថយន្តប្រភេទ Sports Activity Coupe (SAC)។

១. BMW 8 Series Gran Coupe

ការរចនារូបរាងខាងក្រៅ៖ រូបរាងស្ព័រដ៏ល្អប្រណីត និងគួរឱ្យទាក់ទាញ

រចនាបថដោយបានច្របាច់បញ្ចូលគ្នា នូវខ្សែបន្ទាត់ដ៏ច្បាស់ និងផ្ទៃរាងធំទូលាយ ដែលមើលទៅ ហាក់ដូចជានៅតាមខ្សែអំបោះតែមួយ ស្របតាមនិមិត្តសញ្ញាថ្មី នៃម៉ាក BMW នេះ បានធ្វើឱ្យរូបរាងខាងក្រៅរបស់រថយន្ត BMW 8 Series Gran Coupe កាន់តែមានសោភ័ណភាពប្លែកអស្ចារ្យ ទាំងភាពស្វាហាប់ និងភាពប្រណីតកម្រិតខ្ពស់បំផុតផងដែរ។

ការរចនាផ្នែកចំហៀងសងខាង និងផ្នែកខាងក្រោយរថយន្ត BMW 8 Series Gran Coupe ស៊េរីថ្មីសន្លាងនេះ ក៏បានធ្វើឱ្យរថយន្តនេះកាន់តែមានភាពពិសេស ខុសប្លែកលើសពីរថយន្ត 8 Series ផ្សេងៗទៀត នៅក្នុងត្រកូលតែមួយផងដែរ។

ដោយសារតែស៊ុមកញ្ចក់ខាងមុខធំ មានរាងខ្ពស់បន្តិច ទើបខ្សែដំបូលរបស់រថយន្តនេះ ក៏ត្រូវបានដំឡើងឱ្យខ្ពស់បន្តិច ពោលគឺរហូតទៅដល់កៅអីខាងមុខ ធ្វើឲ្យបរិវេណផ្នែកខាងលើ របស់អ្នកបើកបរទាំងខាងមុខ និងខាងក្រោយ គឺមានភាពទូលាយជាមុន។

ចង្កៀងឡាហ្សែខាងមុខរបស់ BMW មានលក្ខណ:ស្ដង់ដារដ៏មានឥទ្ធិពល

ចង្កៀងមុខភ្លោះតូចច្រឡឹងដ៏ស្រស់ស្អាត មានបំពាក់ខិតទៅខាងលើបន្តិច ហើយបានរំលេចចេញនូវរូបរាងដ៏ស្រស់ស្អាត នៃម៉ាកសញ្ញារបស់រថយន្តស៊េរីថ្មីសន្លាងនេះ អមជាមួយនឹងអំពូល LED ដែលបញ្ចេញពន្លឺភ្លើង សម្រាប់ការបើកបរពេលថ្ងៃ និងមុខងារចង្កៀងជះពន្លឺភ្លើងទាប/ខ្ពស់ ចេញអំពូលភ្លើងទាំងសងខាង។ លើសពីនេះទៅទៀត រថយន្តនេះក៏មានបំពាក់មកជាមួយ នូវចង្កៀងឡាហ្សែ BMW ស្ដង់ដារ ដែលមានភ្លើងភ្លឺ ប្រែប្រួលទៅតាមផ្លូវថ្នល់ និងមុខងារជះពន្លឺច្បាស់ល្អ រហូតដល់ទៅចម្ងាយប្រមាណ ៦០០ ម៉ែត្រពីរថយន្ត។ ពិសេសជាងនេះទៅទៀតនោះ អំពូលភ្លើងពណ៌ខៀវ ដែលនៅខាងក្នុងចង្កៀងភ្លោះទាំងសងខាង បានឆ្លុះបញ្ចាំងពីបច្ចេកវិទ្យា ភ្លើងបំភ្លឺទំនើបចុងក្រោយបំផុតផងដែរ។

ដំបូលធំទូលាយ និងស្ទាយខាងក្រោយប្លែកពិសេសដាច់គេអមជាមួយនឹងផ្ទាំងកញ្ចក់ដ៏ស្រស់ស្អាត

ចំណុចដ៏ពិសេសមួយទៀតរបស់រថយន្ត BMW 8 Series Gran Coupe ស៊េរីថ្មីសន្លាងនេះ គឺវាមានដំបូលកញ្ចក់ដ៏ធំទូលាយ ដែលជាកញ្ចក់មានលក្ខណៈពិសេស ប្លែកពីរថយន្តស៊េរីផ្សេងទៀត។ ដំបូលកញ្ចក់នេះ គឺជាទម្រង់ផ្ទាំងកញ្ចក់វែង លាតសន្ធឹងចាប់ពីកញ្ចក់ខាងមុខ រហូតដល់បង្អួចខាងក្រោយ។ ផ្នែកខាងមុខ នៃដំបូលរថយន្តនេះ គឺមានភ្ជាប់ជាមួយនឹងប្រព័ន្ធអេឡិចត្រូនិក ដែលអ្នកបើកបរអាចបើក និងបិទដំបូលនោះ ដោយគ្រាន់តែចុចបញ្ជាលើប៊ូតុង ឬចុចកុងតាក់បញ្ជា ពីចម្ងាយតែប៉ុណ្ណោះ។

ផ្នែកខាងក្នុង និងឧបករណ៍

កាប៊ីន ប្រអប់បញ្ជា និងស៊ុមទ្វារ មានស្រោបខ្សែវែងចេញរាងគួរទាក់ទាញ។ អេក្រង់បញ្ជា និងផ្ទៃទ្វារខាងក្នុងរថយន្ត BMW 8 Series Gran Coupe ស៊េរីថ្មីសន្លាងនេះ គឺមានដេរភ្ជាប់ទៅដោយក្រណាត់ស្បែក ទៅតាមស្ដង់ដារ។ ផ្ទៃស្រោបប្រព័ន្ធខ្យល់ចេញចូលចំហៀង ព័ទ្ធជុំវិញ ហើយរុំព័ទ្ធដៃទ្វាររថយន្ត ក៏បានធ្វើឱ្យរថយន្តនេះ មានលក្ខណៈជាឯកសណ្ឋានភាពផងដែរ ដោយធ្វើឱ្យដៃទ្វាររថយន្តមានលក្ខណៈល្អស្អាត។

កម្រិតភាពទូលាយ និងផាសុកភាព ដែលជាស្ដង់ដារថ្មីមួយសម្រាប់រថយន្ត BMW Coupe

ដោយបានពង្រីកប្រវែងគម្លាតកង់មុខ-ក្រោយបន្ថែម ២០១ មីលីម៉ែត្រ ទៅលើរថយន្ត BMW 8 Series Coupe ស៊េរីថ្មីសន្លាងនេះ និងបរិវេណទ្វារធំជាងមុននេះ ធ្វើឱ្យអ្នកអង្គុយខាងក្រោយទទួលបានអារម្មណ៍រីករាយ ជាមួយនឹងកន្លែងដាក់ជើងទូលាយក្នុងរថយន្ត BMW coupe នេះ ហើយអាចចេញ និងចូលក្នុងរថយន្ត កាន់តែមានភាពងាយស្រួលថែមមួយកម្រិតទៀត។

ឧបករណ៍ស្ដង់ដារខ្ពស់បង្កើនភាពប្រណីត និងផាសុកភាព

វាមានកន្លែងដាក់កែវចំនួនពីរ មានរន្ធដោតភ្លើង 12V មានរន្ធដោត USB និងកន្លែងសាកថ្មទូរសព្ទឥតប្រើខ្សែ សម្រាប់ស្មាតហ្វូន ដែលបំពាក់ជាប់នឹងប្រអប់បញ្ជា។ រន្ធដោតភ្លើង និងរន្ធ USB ក៏មានបំពាក់នៅក្រោមកន្លែងដាក់ដៃ និងនៅផ្នែកខាងក្រោយផងដែរ។ រថយន្ត BMW 8 Series Gran Coupe ក៏មានបំពាក់បច្ចេកទេសបិទទ្វារស្រាលៗ ប្រកបដោយស្ដង់ដារផងដែរ។ កូនសោររថយន្ត BMW ដែលមានឈ្មោះថា BMW Display Key ក៏មានមកជាលក្ខណ:ស្តង់ដារ ដែលវាអាចបង្ហាញប្រាប់អ្នកបើកបរ អំពីបរិមាណសាំងនៅសល់ក្នុងរថយន្ត ព្រមទាំងព័ត៌មានផ្សេងទៀត ពាក់ព័ន្ធនឹងសេវានៅលើផ្ទាំងបង្ហាញ របស់កូនសោរនោះ។ លើសពីនេះ វាក៏អាចប្រាប់អ្នកបើកបរថា តើទ្វារ និងបង្អួចរថយន្ត ត្រូវបានបិទ និងចាក់សោរត្រឹមត្រូវហើយ ឬនៅផងដែរ។

មុខងារដ៏ស្ដង់ដារមួយចំនួនទៀត មានដូចជា តាបឡូ បង្ហាញរស់រវើករបស់ BMW ដែលមានរួមបញ្ចូលនូវអេក្រង់ឌីជីថលសុទ្ធ រួមជាមួយនឹងប៊ូតុងបញ្ជា និងផ្ទាំងអេក្រង់បញ្ជាជាច្រើនទៀត ព្រមទាំងមានប្រព័ន្ធប្រាប់ទិស និងប្រព័ន្ធចាក់ភ្លេង Hard-Drive ដែលមានអង្គចងចាំទំហំ ២០ GB ទៀតផង។ ប្រព័ន្ធសំឡេងម៉ាក Harman Kardon កម្លាំង ៤៦៤ វ៉ាត់ និងស្ពីខ័រចំនួន ១៦គ្រាប់។ ប្រព័ន្ធបញ្ជាសីតុណ្ហភាពស្វ័យប្រវត្តិទាំងបួនទីតាំង និងកញ្ចក់អាចការពារពន្លឺព្រះអាទិត្យ សម្រាប់បង្អួចចំហៀង និងបង្អួចក្រោយ មានផ្ដល់ជូនយ៉ាងពិសេស។

ម៉ាស៊ីនស៊ីឡាំង៦ (V6) ថ្មី

ម៉ាស៊ីន V6 ចំណុះ ៣,០ លីត្រ ប្រើបច្ចេកវិទ្យាបច្ចេកវិទ្យាធឺបូ TwinPower មានទម្ងន់ស្រាលជាងម៉ាស៊ីនជំនាន់មុនចំនួន ៦ គីឡូក្រាម ហើយវាអាចបញ្ចេញកម្លាំងរហូតដល់ ៣៤០ សេះ។ រថយន្ត BMW 840i Gran Coupe ស៊េរីថ្មីនេះ ចំណាយពេលត្រឹមតែ ៥,២ វិនាទីប៉ុណ្ណោះ ក្នុងការបង្កើនល្បឿនពី ០ ទៅ ១០០ គ.ម/ម៉។

ម៉ាស៊ីនថ្មីនេះ បានបំពាក់ជាមួយនឹងបច្ចេកវិទ្យាចង្កឹះលេខចុងក្រោយ ស៊េរី Steptronic Sport ប្រាំបីលេខ ដែលមានដងចង្កឹះលេខវែង និងទូលាយ ជួយកាត់បន្ថយការស៊ីប្រេង និងធ្វើឱ្យល្បឿនម៉ាស៊ីនកាន់តែធូរ ជាពិសេសនៅពេលកាច់ទៅលេខខ្ពស់។

ប្រព័ន្ធចង្កូតសកម្ម (Integral Active Steering) បន្ថែមភាពស្ទុះ និងលំនឹង

ប្រព័ន្ធចង្កូតសកម្ម ដែលបានភ្ជាប់មកជាមួយតាមលក្ខណៈស្ដង់ដារ នៅក្នុងរថយន្ត BMW 840i Gran Coupe ធ្វើឱ្យការគ្រប់គ្រងរថយន្តនេះ កាន់តែមានភាពងាយស្រួលថែមមួយកម្រិតទៀត បង្កើនភាពស្ទុះនៅពេលបើកបរក្នុងល្បឿនមធ្យម ហើយអាចជួយសម្រួលដល់អ្នកបើកបរក្នុងការប្ដូរគន្លង និងបត់ផ្លូវកោងក្នុងល្បឿនលឿន ប្រកបដោយលំនឹង និងទំនុកចិត្តរបស់រថយន្តនេះតែម្ដង។ បន្ថែមពីនេះ កង់ក្រោយ គឺមានលក្ខណ:ខុសៗគ្នា ទៅតាមល្បឿនរបស់រថយន្ត ការបត់ក្នុងទិសដៅ ផ្ទុយពីកង់ខាងមុខក្នុងល្បឿន រហូតដល់ ៧២ គ.ម/ម៉ ហើយនៅក្នុងទិសតែមួយក្នុងល្បឿនលឿន។

មុខងារជំនួយការចត និងមុខងារជំនួយបើកថយក្រោយ

អ្នកបើកបររថយន្ត BMW 8 Series Gran Coupe ស៊េរីថ្មីសន្លាង ក៏ទទួលបាននូវមុខងារជំនួយជាច្រើន នៅពេលចត និងនៅពេលប្ដូរទិសដៅផងដែរ។ ក្នុងអំឡុងពេលបើកចូលចត ប្រព័ន្ធ PDC នឹងគ្រប់គ្រងលើល្បឿនហ្គ៊ែរ ហ្វ្រាំង និងចង្កូតក៏ដូចជាការប្ដូរហ្គ៊ែរផងដែរ។ ប្រព័ន្ធនេះ ក៏អាចប្រើប្រាស់ ដើម្បីបើកចេញពីកន្លែងចតត្រង់ ដោយស្វ័យប្រវត្តិផងដែរ។បន្ថែមពីនេះ ក៏មានមុខងារជំនួយបើកថយក្រោយ ដែលអាចជួយអ្នកបើកបរ នៅពេលបើកចេញពីកន្លែងចត និងផ្លាស់ទីក្នុងស្ថានភាពផ្លូវចង្អៀត។

២. BMW X6

ប្រព័ន្ធសមាមាត្របែបឌីណាមិច ដែលបង្កើនលក្ខណៈពិសេសបែបរថយន្តស្ព័រ

រថយន្ត BMW X6 ស៊េរីថ្មីសន្លាងនេះ រចនាឡើងដោយបានពង្រីកតួចំហៀង ផ្នែកខាងក្រោយប្រវែង ២៦ មីលីម៉ែត្រ វែងជាម៉ូឌែលមុនៗ (កើនដល់ ៤៩៣៥ មីលីម៉ែត្រ) និងបានពង្រីកទំហំទទឹងប្រវែង ១៥ មីលីម៉ែត្រ (កើនដល់ ២០០៤ មីលីម៉ែត្រ) បន្ថែមទៀត។ ចំណែកកម្ពស់របស់រថយន្តស៊េរីថ្មីនេះ គឺទាបជាងរថយន្តម៉ូឌែលមុនៗ ៦ មីលីម៉ែត្រ (១៦៩៦ មីលីម៉ែត្រ)។ មិនត្រឹមតែប៉ុណ្ណោះ រថយន្ត BMW X6 នេះ ក៏បានរចនាដោយគួបផ្សំ ប្រព័ន្ធសមាមាត្របែបឌីណាមិច (dynamically stretched proportions) ជាមួយនឹងរូបរាងដ៏រឹងមាំ យ៉ាងល្អប្រណីតផងដែរ។ ចំណែកឯប្រវែងគម្លាត កង់មុខ-ក្រោយ របស់រថយន្តនេះវិញ ក៏ត្រូវបានពង្រីកប្រវែង ៤២ មីលីម៉ែត្រ ដែលពេលនេះ មានប្រវែង ២៩៧៥ មីលីម៉ែត្រ។ ចំណុចគួរឱ្យទាក់ទាញខ្លាំងបំផុតមួយទៀត របស់រថយន្តនេះ គឺនៅផ្នែកខាងមុខរថយន្ត ដោយមានប៉ាណាខាងមុខរថយន្ត BMW មានទំហំធំ និងស្រោបស៊ុមតែមួយ ហើយគែមខាងក្រៅ នៃប៉ាណាខាងមុខនេះ បានរចនាឱ្យលយចេញចំហៀង រហូតទៅក្បែរនឹងចង្កៀងមុខ យ៉ាងប្រណីតជាទីបំផុត។

ប្រសិនបើនិយាយអំពីចង្កៀងឡាហ្សែ LED របស់រថយន្តនេះវិញ គឺថា ចង្កៀងឡាហ្សែរបស់រថយន្ត BMW ដែលអាចជះពន្លឺមើលបានឆ្ងាយនេះ បានបំពាក់ទៅដោយមុខងារជះពន្លឺខ្ពស់មិនចាំងភ្នែក កម្រិតបច្ចេកវិទ្យាទំនើបចុងក្រោយ ហើយចង្កៀងរថយន្តនេះ អាចជះពន្លឺបានរហូតទៅដល់ចម្ងាយ ៥០០ ម៉ែត្រឯណោះ។

ផ្នែកខាងក្នុងរថយន្ត៖ បរិយាកាសបែបរថយន្តស្ព័រដ៏ល្អឯក

ទីតាំងរបស់អ្នកបើកបរនៅក្នុងរថយន្តនេះ បានរៀបចំ និងរចនាឡើងដោយបំពាក់ទៅដោយកុងតាក់បញ្ជាពេញលេញ ដែលការបំពាក់ឈុតបញ្ជាទាំងនេះ ជួយធ្វើឱ្យអ្នកបើកបរអាចផ្ដោតការយកចិត្តទុកដាក់ខ្ពស់ ចំពោះការបើកបរ។ លើសពីនេះទៅទៀត ផ្នែកខាងក្នុងនៃរថយន្ត BMW X6 ស៊េរីថ្មីនេះ ក៏មានបំពាក់ទៅដោយពូក Vernasca យ៉ាងល្អប្រណីតកម្រិតស្តង់ដារខ្ពស់ផងដែរ។

មិនតែប៉ុណ្ណោះ រថយន្តស៊េរីទំនើបចុងក្រោយនេះ ក៏មានបំពាក់នូវកុងតាក់ បញ្ជាសីតុណ្ហភាពស្វ័យប្រវត្តិបួនទីតាំង កន្លែងដាក់កែវឱ្យក្តៅ ដំបូលកញ្ចក់អាចមើលទេសភាពបាន ព្រមទាំងកញ្ចប់ទឹកអប់ក្នុងរថយន្តដ៏ល្អឯក ទៅតាមស្ដង់ដារកំណត់ផងដែរ។

កម្លាំងម៉ាស៊ីនខ្លាំងចាប់តាំងតែពីពេលបញ្ឆេះម៉ាស៊ីនភ្លាម

រថយន្ត BMW X6 ស៊េរីថ្មីសន្លាងនេះបានបំពាក់ម៉ាស៊ីនសាំង បច្ចេកវិទ្យាចុងក្រោយ ពោលគឺម៉ាស៊ីនសាំងប្រាំមួយស៊ីឡាំង (straight-six petrol unit) ដោយមានកម្លាំង ៣៤០ សេះ។ រថយន្តនេះមានប្រអប់លេខ Steptronic 8 លេខ ហើយប្រព័ន្ធបើកកង់ទាំងអស់ (AWD) ដ៏ឆ្លាតវៃ ជួយបង្កើនកម្លាំងកន្ត្រាក់បន្ថែមទៀត ដើម្បីឱ្យរថយន្តនេះកាន់តែមានសន្ទុះខ្លាំងជាងមុន រហ័សរហួន និងលំនឹងតាមទិសដៅបើកបរ។

ជាមួយបច្ចេកវិទ្យាចុងក្រោយបំផុត នៃប្រព័ន្ធ BMW xDrive បានបែងចែកកម្លាំងរមួលរថយន្តទៅកាន់កង់មុខ និងកង់ក្រោយដែលអាចប្រែប្រួល និងស្របតាមស្ថានភាពផ្លូវជាក់ស្ដែង ហើយមានតែរថយន្តនេះប៉ុណ្ណោះ ដែលមានលក្ខណៈកាន់តែពិសេស ច្បាស់លាស់ និងអាចរក្សាល្បឿនដ៏អស្ចារ្យបែបនេះបាន។

ប្រព័ន្ធជំនួយការបើកបរច្នៃប្រឌិតថ្មីផ្ដល់ជូននូវមុខងារថ្មីៗជាច្រើន

លក្ខណៈបច្ចេកទេសស្ដង់ដារ សម្រាប់រថយន្ត BMW X6 ស៊េរីថ្មីសន្លាងនេះ រួមមាន ប្រព័ន្ធគ្រប់គ្រងល្បឿន (Cruise Control) ជាមួយនឹងមុខងារហ្វ្រាំង និងប្រព័ន្ធបញ្ជូនសញ្ញាព្រមានការបុក និងអ្នកថ្មើរជើង ជាមួយប្រព័ន្ធជំនួយការចាប់ហ្វ្រាំង (City Braking) ដែលផ្ដល់សញ្ញាឱ្យអ្នកបើកបរបានដឹង នៅពេលរថយន្តចាប់បានថា មានអ្នកជិះកង់នៅខាងមុខ។ ប្រព័ន្ធគ្រប់គ្រងល្បឿនសកម្ម (Cruise Control Active) ដែលមានមុខងារឈប់ & ទៅ (Stop & Go) ក៏ជាជម្រើសមុខងារ សម្រាប់រថយន្តនេះផងដែរ។ ប្រព័ន្ធជំនួយបើកថយក្រោយ (Reversing Assistant) ដែលជួយអ្នកបើកបរ នៅពេលចេញពីកន្លែងចតរថយន្ត និងបើកចេញពីកន្លែងដែលចង្អៀត ដែលបង្ហាញអំពីជំហានថ្មីមួយទៀត នៃការបើកបរដោយស្វ័យប្រវត្តិ។

ដើម្បីដឹងកាន់តែច្បាស់ អំពីរថយន្ត BMW 8 Series Gran Coupe ស៊េរីថ្មីសន្លាង និងរថយន្ត BMW X6 ស៊េរីថ្មីសន្លាង អាចមកទស្សនា និងស្វែងយល់បន្ថែ មនៅក្នុងអគារតាំងបង្ហាញរបស់ក្រុមហ៊ុន HGB Group ដែលកំពុងមានដាក់តាំងរថយន្តនេះផ្ទាល់។

សម្រាប់ព័ត៌មានបន្ថែម អាចទាក់ទងលេខ 078 90 90 90 ឬទៅអគារតាំងរថយន្ត ស្ថិតនៅមហាវិថីសហព័ន្ធរុស្សី ជិតក្រសួងពាណិជ្ជកម្ម សង្កាត់ទឹកថ្លា ខណ្ឌសែនសុខ ភ្នំពេញ៕