COVID-19
ពីនេះ ពីនោះ
រូបត្លុក
×![]()
ដោយ: ថ្មីៗ
គ្មានអ្នកឆ្លងជំងឺកូវីដថ្មី ៥ថ្ងៃជាប់គ្នាមែន។ មានអ្នកជាសះស្បើយជាបន្តបន្ទាប់មែន។ រដ្ឋាភិបាលក៏ដកបំរាមដែលហាមពលរដ្ឋមិនឱ្យធ្វើដំណើរឆ្លងខេត្តចេញវិញ។ ប៉ុន្តែ សុធីរ និងសំណាង យល់ឃើញថា ពលរដ្ឋខ្លួនឯងគួរបន្តនៅខេត្ត ឬនៅភ្នំពេញ ដោយមិនត្រូវចល័តចុះឡើងឡើយ។ មិត្តទាំងពីរនាក់យល់ថា អាជ្ញាធរក៏គួរបន្តរំលឹកអំពីបញ្ហានេះដែរ។
សំណាង៖ អាធីអ្ហា នៅកន្លែងធ្វើការរបស់អ្ហែង មានអ្នកគិតចង់ទៅស្រុកកំណើតនៅថ្ងៃចុងសប្តាហ៍នេះអត់អ្ហា? អញខ្លាចតែមានអ្នកខ្លះគោរពបទបញ្ជារដ្ឋាភិបាលដែលហាមមិនឱ្យធ្វើដំណើរអំឡុងពេលចូលឆ្នាំ។ តែពេលរដ្ឋាភិបាលដកបំរាមចេញ ហើយឥឡូវចំថ្ងៃសៅរ៍អាទិត្យចុងសប្តាហ៍ នាំគ្នាចេញឡាន ចេញម៉ូតូទៅអាដែល?
សុធីរ៖ អ្ហែងគិតហ្នឹង វាម្យ៉ាងដែរ។ ហើយបើមានអ្នកទៅលេងស្រុកថ្ងៃសៅរ៍អាទិត្យមែន គ្មានអាជ្ញាធរណាគ្រប់គ្រងបានទេ ព្រោះគេទៅជាលក្ខណៈឯកជនស្ងាត់ៗនៅតាមផ្ទះអ៊ីចឹង។ ដល់អ៊ីចឹងទៅ វាដូចជាមិនខុសអីពី ទៅលេងចូលឆ្នាំ ដែលរដ្ឋាភិបាលខំហាម?
សំណាង៖ ហ្នឹងហើយដែលអញចង់និយាយ។ នៅកន្លែងធ្វើការអញ មានអ្នកនៅស្រុកស្អាង មានអ្នកនៅខេត្តកំពង់ស្ពឺ តាកែវ។ ដល់ពេលចុងសប្តាហ៍ ពួកគេតែងទៅលេងគ្រួសារនៅស្រុក។ ចុះបើពួកគេធ្វើដំណើរទៅមកញឹកញាប់? មិនដឹងពួកគេទៅទីណាខ្លះទៀត? ជួបអ្នកណាខ្លះក្នុងរយៈពេល២ថ្ងៃសៅរ៍អាទិត្យនេះ? ឬក៏សៅរ៍អាទិត្យខ្លះ ពួកគេធ្វើដំណើរទៅកម្សាន្តទីនេះ ទីនោះ? ឱកាសនៃការឆ្លងជំងឺ មានច្រើនណាស់។
សុធីរ៖ ទី១ អញគិតថា ម្ចាស់ស្ថាប័ន ឬក៏ប្រធាននោះ ត្រូវរំលឹកបុគ្គលិករបស់ខ្លួនអំពីបញ្ហានេះ ដោយស្នើសុំពួកគេ មិនឱ្យចល័ត ឬធ្វើដំណើរច្រើនឡើយ បើអាចធ្វើបាន។ ដូចឯងនិយាយអ៊ីចឹង ឱកាសឆ្លងជំងឺ គឺនៅពេលធ្វើដំណើរនេះឯង។ ទី២ យើងជាបុគ្គល ដូចអ្ហែង ដូចអញហ្នឹង ត្រូវប្រយ័ត្នរហូត។ អនុវត្តគោលការណ៍រដ្ឋាភិបាល គោរពវិធានសុខាភិបាល នៅផ្ទះឱ្យបានច្រើន។ នឹកផ្ទះ នឹកគ្រួសារ ទូរសព្ទ វីដេអូខលអីខ្លះទៅ។ ទី៣ អាជ្ញាធរ ឬរដ្ឋាភិបាល គួរចាត់ទុកការអំពាវនាវដល់ពលរដ្ឋកុំឱ្យចល័ត ឬធ្វើដំណើរនេះ ជាការងារអាទិភាព ដែលត្រូវធ្វើតាមរយៈសារព័ត៌មាន ឬប្រព័ន្ធឃោសនានានា។ ព្រោះពលរដ្ឋយើង នៅពេលស្ងាត់ តែងតែបំភ្លេច ឬធ្វើភ្លេច ហើយបំពានវិធានតែម្តង។
សំណាង៖ ហ្នឹងហើយ អញឃើញរដ្ឋាភិបាលប្រឹងប្រែងមែនទែន។ ឥឡូវ អ្នកព្យាយាមទៅចូលឆ្នាំនោះ មានទៅចំណេញអី? ត្រូវគេដាក់ឱ្យនៅដោយឡែក១៤ថ្ងៃទៀត៕
© រក្សាសិទ្ធិដោយ thmeythmey.com
