COVID-19៖ វៀតណាមគ្មានករណីឆ្លង៤ថ្ងៃជាប់គ្នា ខណៈឡាវគ្មានមួយសប្ដាហ៍ពេញ

COVID-19

អន្តរជាតិ

COVID-19៖ វៀតណាមគ្មានករណីឆ្លង៤ថ្ងៃជាប់គ្នា ខណៈឡាវគ្មានមួយសប្ដាហ៍ពេញ

20, Apr 2020 , 3:40 pm

រូបភាព

ដោយ:

ក្រសួងសុខាភិបាលវៀតណាម បានបញ្ជាក់ថា គ្មានករណីជំងឺCOVID-19ថ្មីឡើយ បានរកឃើញកាលពីថ្ងៃ១៩ ខែមេសា។ នេះគឺជាថ្ងៃទី៤ហើយដែលវៀតណាមគ្មានករណីCOVID-19ថ្មី។ ចំណែក ឡាវ គ្មានករណីCOVID-19ថ្មីផងដែរ សម្រាប់ពេល៧ថ្ងៃជាប់គ្នា។

គិតត្រឹមព្រឹកថ្ងៃទី២០ ខែមេសា អ្នកឆ្លងសរុបក្នុងប្រទេសវៀតណាម មាន ២៦៨នាក់ដដែល ក្នុងនោះអ្នកជំងឺ២០៣នាក់បានជាសះស្បើយ ខណៈប្រទេសនេះគ្មានករណីស្លាប់ដោយសារCOVID-19ឡើយ។ នេះបើតាមសេចក្តីប្រកាសព័ត៌មានរបស់ក្រសួងសុខាភិបាលវៀតណាម ដែលដកស្រង់ចុះផ្សាយដោយទីភ្នាក់ងារព័ត៌មាន Vietnam News ។

ចំណែក ប្រទេសឡាវវិញ តួលេខអ្នកជំងឺCOVID-19សរុបមាន១៩ករណីដដែល ក្នុងនោះ២នាក់ជាសះស្បើយ ខណៈគ្មានករណីឆ្លងថ្មីត្រូវបានរកឃើញឡើយ។ នេះបើតាមការអះអាងរបស់អនុរដ្ឋមន្ត្រីសុខាភិបាលឡាវ Phouthone Meaungpa ក្នុងសន្និសីទព័ត៌មាននៅថ្ងៃទី១៩ ខែមេសា ហើយដកស្រង់ចុះផ្សាយដោយទីភ្នាក់ងារព័ត៌មាន Xinhua ។ ឡាវបានរកឃើញករណីឆ្លងCOVID-19ចំនួនពីរនាក់ដំបូងកាលពីថ្ងៃទី២៤ ខែមីនា៕