ពីនេះ ពីនោះ
«រៀនគួរ» មានន័យថាយ៉ាងម៉េច? ទិដ្ឋភាពសិស្សានុសិស្សរៀនតាមគួរនៅសាលាជ័យថាវីកាលពីខែតុលា ឆ្នាំ២០១៩
× ពាក្យ «រៀនគួរ» ត្រូវបានកាត់យល់ជាទូទៅថា ជាការរៀនដោយបង់កម្រៃជាលក្ខណៈឯកជន ឬការរៀនបន្ថែម។ ឧទាហរណ៍ថា កញ្ញា អ៊ូ សុខមាន រៀននៅសាលាមិនសូវចេះ ដូច្នេះ ក៏រៀនគួរបន្ថែមទៀតនៅផ្ទះ។ តែតាមពិត ពាក្យ«គួរ» ដែលជាពាក្យកម្ចីពីភាសាបារាំង មិនមានន័យចំយ៉ាងដូច្នេះឡើយ។
រៀន គឺជាពាក្យខ្មែរ តែពាក្យ«គួរ»(Cours) គឺជាពាក្យបារាំងដែលមានន័យថា វគ្គសិក្សា ឬ មេរៀន (ឧ.មេរៀនគណិតវិទ្យា)។ ដូច្នេះ ប្រសិនបើគេបកប្រែតាមន័យភាសាបារាំង «រៀនគួរ» មានន័យថា «រៀន មេរៀន» ពោល គឺមិនមែនមានន័យថា រៀនបង់លុយជាលក្ខណៈឯកជន ឬរៀនបន្ថែម ដូចអ្វីដែលពលរដ្ឋខ្មែរមួយចំនួនធ្លាប់គិតនោះទេ។
ទោះបីជាយ៉ាងណាក៏ដោយ បើយើងចង់សំដៅ លើការរៀនបង់លុយ យើងអាចនិយាយបានថា «រៀនគួរក្រៅម៉ោង ឬគួរបន្ថែម»៕
© រក្សាសិទ្ធិដោយ thmeythmey.com