COVID-19
អន្តរជាតិ
ឱសថការីឥណ្ឌាម្នាក់ស្លាប់ក្រោយផឹកថ្នាំដែលខ្លួនស្រាវជ្រាវដើម្បីព្យាបាល COVID-19
ទិដ្ឋភាពនៅក្រុង Chennai ប្រទេសឥណ្ឌា ។ រូបថត AFP
×![]()
ដោយ: ធីតា
ឱសថការីឥណ្ឌាម្នាក់បានស្លាប់ និងថៅកែរបស់គាត់ត្រូវបានបញ្ជូនទៅមន្ទីរពេទ្យ បន្ទាប់ពីអ្នកទាំងពីរបានផឹកថ្នាំលាយគីមី ដែលផ្សំដោយខ្លួនឯង ក្នុងការស្រាវជ្រាវឱសថព្យាបាល COVID-19។ ទីភ្នាក់ងារព័ត៌មាន AFP បានចេញផ្សាយនាថ្ងៃសៅរ៍ ដោយយោងតាមការអះអាងរបស់ប៉ូលិសក្នុងតំបន់។
បុរសទាំងពីរ ធ្វើការនៅក្រុមហ៊ុនឱសថតិណទេស (រុក្ខជាតិ) មួយនៅក្រុង Chennai ប្រទេសឥណ្ឌា។ ពួកគេបានរួមគ្នាស្រាវជ្រាវថ្នាំព្យាបាល COVID-19 ដោយលាយបញ្ចូលនូវសារធាតុនីត្រាតអុកស៊ីត និងសូដ្យូមនីត្រាត។
លោក Ashok Kumar ប្រធានប៉ូលិសប្រចាំតំបន់បានអះអាងថា ឱសថការីដែលបានស្លាប់នោះ ឈ្មោះ K Sivanesan អាយុ៤៧ឆ្នាំ រីឯលោក Rajkumar ដែលជាថៅកែ នោះ ត្រូវបានបញ្ជូនទៅមន្ទីរពេទ្យ ហើយបានជាសះស្បើយពីការពុលថ្នាំ។
លោក Kumar បានបញ្ជាក់ថា លោក Sivanesan បានទិញសារធាតុគីមីពីផ្សារ ហើយរៀនផ្សំរូបមន្ត តាមរយៈការស្រាវជ្រាវលើបណ្តាញអ៊ីនធ័រណិត។
បច្ចុប្បន្ន ពិភពលោកមិនទាន់មានថ្នាំព្យាបាល ឬវ៉ាក់សាំងការពារ COVID-19 ច្បាស់ការណ៍ឡើយ។ ឥណ្ឌា មានករណីឆ្លងជាង៦១០០០ ដែលក្នុងនោះស្លាប់ជិត២០០០នាក់ និងជាសះស្បើយជិត១៨០០០នាក់៕
បុរសទាំងពីរ ធ្វើការនៅក្រុមហ៊ុនឱសថតិណទេស (រុក្ខជាតិ) មួយនៅក្រុង Chennai ប្រទេសឥណ្ឌា។ ពួកគេបានរួមគ្នាស្រាវជ្រាវថ្នាំព្យាបាល COVID-19 ដោយលាយបញ្ចូលនូវសារធាតុនីត្រាតអុកស៊ីត និងសូដ្យូមនីត្រាត។
លោក Ashok Kumar ប្រធានប៉ូលិសប្រចាំតំបន់បានអះអាងថា ឱសថការីដែលបានស្លាប់នោះ ឈ្មោះ K Sivanesan អាយុ៤៧ឆ្នាំ រីឯលោក Rajkumar ដែលជាថៅកែ នោះ ត្រូវបានបញ្ជូនទៅមន្ទីរពេទ្យ ហើយបានជាសះស្បើយពីការពុលថ្នាំ។
លោក Kumar បានបញ្ជាក់ថា លោក Sivanesan បានទិញសារធាតុគីមីពីផ្សារ ហើយរៀនផ្សំរូបមន្ត តាមរយៈការស្រាវជ្រាវលើបណ្តាញអ៊ីនធ័រណិត។
បច្ចុប្បន្ន ពិភពលោកមិនទាន់មានថ្នាំព្យាបាល ឬវ៉ាក់សាំងការពារ COVID-19 ច្បាស់ការណ៍ឡើយ។ ឥណ្ឌា មានករណីឆ្លងជាង៦១០០០ ដែលក្នុងនោះស្លាប់ជិត២០០០នាក់ និងជាសះស្បើយជិត១៨០០០នាក់៕
© រក្សាសិទ្ធិដោយ thmeythmey.com
