COVID-19
អន្តរជាតិ
វៀតណាម រាយការណ៍ពីករណី COVID-19 ២៤នាក់ទៀត ដែលជាអ្នកដំណើរពីរុស្ស៊ី បុគ្គលិកវេជ្ជសាស្រ្ត បាញ់ថ្នាំសម្លាប់វីរុសនៅលើយន្តហោះ Vietnam Airlines។ រូបភាព៖ Reuters
× ក្រសួងសុខាភិបាលវៀតណាមនៅថ្ងៃទី១៥ ខែឧសភា បានរាយការណ៍ថា ខ្លួនបានរកឃើញអ្នកផ្ទុកជំងឺរលាកសួតដែលបង្កដោយកូរ៉ូណាវីរុស (COVID-19) ចំនួន ២៤នាក់បន្ថែមទៀត។ ករណីឆ្លងថ្មីទាំងអស់នេះ គឺជាករណីនាំចូលមកពីបរទេស។
អស់រយៈពេល ២៩ថ្ងៃហើយ ដែលវៀតណាម មិនមានករណី COVID-19 ឆ្លងនៅក្នុងស្រុក ប៉ុន្តែមានករណីនាំចូលមកពីបរទេសជាបន្តបន្ទាប់។ បើតាមការបញ្ជាក់របស់ក្រសួងសុខាភិបាលវៀតណាម មនុស្សចំនួន ២៤នាក់ ដែលស្ថិតនៅក្រោមវិធានចត្តាឡីស័ក ត្រូវបានគេរកឃើញថាមានផ្ទុក COVID-19 ។ ករណីទាំងអស់នេះ គឺជាអ្នកដំណើរមកពីរុស្ស៊ី។ តួលេខសរុប COVID-19 របស់វៀតណាម មានចំនួន៣១២ករណី មិនមានករណីស្លាប់ និងអ្នកជាសះស្បើយមានចំនួន ២៦០នាក់។
ការរឃើញករណីថ្មីនេះ ធ្វើឡើងបន្ទាប់ពីវៀតណាមទើបតែរកឃើញ ១៧ករណី ដែលនាំចូលមកអេមីរ៉ាតអារ៉ាប់រួម នៅថ្ងៃទី៧ ខែឧសភា។
គិតមកត្រឹមពេលនេះ វៀតណាម បានលើកចោលការរឹតត្បិតការធ្វើដំណើរនៅក្នុងប្រទេសហើយ ចំណែកសាលារៀនមួយចំនួន ក៏បានបើកទ្វាឲ្យសិស្សចូលរៀនផងដែរ ប៉ុន្តែព្រំដែនវៀតណាមនៅតែបន្តបិទ ដើម្បីទប់ស្កាត់ករណីឆ្លង COVID-19 ៕
© រក្សាសិទ្ធិដោយ thmeythmey.com