អ្នកមិនបង់ថ្លៃសេវាសំរាម នឹងត្រូវផ្សាយឈ្មោះលើបណ្ដាញសង្គម ហើយបិទអាជីវកម្មបណ្ដោះអាសន្ន

ជាតិ

អ្នកមិនបង់ថ្លៃសេវាសំរាម នឹងត្រូវផ្សាយឈ្មោះលើបណ្ដាញសង្គម ហើយបិទអាជីវកម្មបណ្ដោះអាសន្ន

26, May 2020 , 10:59 pm

រូបភាព

ដោយ: ឡាយ សុភាវតី

ភ្នំពេញ៖ រដ្ឋបាលរាជធានីភ្នំពេញ សង្កេតឃើញពលរដ្ឋមួយចំនួនមិនទាន់បង់ថ្លៃសេវាប្រមូលសំរាម ក្រោយចាប់ផ្ដើមអនុវត្តទទួលការបង់ថ្លៃសេវា ក្នុងដំណាក់កាលអន្តរកាល តាមប្រព័ន្ធអេឡិចត្រូនិក។ រដ្ឋបាលរាជធានីភ្នំពេញ អំពាវនាវឲ្យពលរដ្ឋដែលមិនទាន់បង់ថ្លៃសេវាប្រមូលសំរាម ប្រញាប់បង់ឲ្យទាន់ពេលកំណត់។ នេះបើតាមសេចក្ដីជូនដំណឹងរបស់រដ្ឋបាលរាជធានីភ្នំពេញ កាលពីថ្ងៃទី២៥ ឧសភា។

សាលារាជធានីភ្នំពេញ បានសង្កត់ធ្ងន់ថា ក្នុងករណីពលរដ្ឋណាមិនបង់ថ្លៃសេវាប្រមូលសំរាមនោះទេ អាជ្ញាធរនឹងអនុវត្តវិធានការមួយចំនួនដូចជា បញ្ចេញបញ្ជីឈ្មោះ តាមបណ្ដាញសង្គម ឬតាមប្រព័ន្ធផ្សព្វផ្សាយនានា។ លើសពីនេះ នឹងត្រូវកត់ត្រាជាបំណុល ហើយបិទអាជីវកម្មឬសេវាកម្មបណ្ដោះអាសន្ន។ ក្រៅពីនេះ រដ្ឋបាលរាជធានីភ្នំពេញនឹងអនុវត្តវិធានការផ្សេងៗទៀតតាមការចាំបាច់។

ទន្ទឹមនឹងនេះ រដ្ឋបាលរាជធានីភ្នំពេញ ជំរុញឲ្យពលរដ្ឋបង់ថ្លៃសេវាប្រមូលសំរាម ឲ្យទាន់ពេលកំណត់ ជៀសវាងក្រុមការងារជំនាញចាត់ការតាមនីតិវិធីខាងលើ៕

អត្ថបទទាក់ទង

ការទូទាត់ថ្លៃសេវាប្រមូលសំរាម នឹងត្រូវធ្វើឡើងតាមប្រព័ន្ធអេឡិចត្រូនិក ចាប់ពីដើមឆ្នាំ២០២០