COVID-19
ជាតិ
COVID-19៖ អាស៊ីអាគ្នេយ៍ឡើងជាង៨៥០០០ករណី ហើយស្លាប់ជាង២៦០០នាក់
× កម្ពុជា ព្រុយណេ ឡាវ និងទីម័រខាងកើត បានស្ងប់ស្ងាត់ករណីឆ្លង COVID-19 ប៉ុន្តែបណ្តាប្រទេសផ្សេងទៀតនៅក្នុងតំបន់បន្តកើនឡើងជាលំដាប់ ជាពិសេសសិង្ហបុរី ឥណ្ឌូណេស៊ី និងហ្វីលីពីន។ បច្ចុប្បន្នតំបន់អាស៊ីអាគ្នេយ៍ទាំងមូលមានអ្នកជំងឺជាង៨៥ ០០០ករណី ស្លាប់ជាង២ ៦០០ និងសះស្បើយជិត៣៨ ០០០នាក់។
គិតត្រឹមរសៀលថ្ងៃទី២៩ ខែឧសភា នេះ សិង្ហបុរី ឡើងជិតដល់៣៤ ០០០ករណី រីឯឥណ្ឌូណេស៊ី មានជិត២៥ ០០០ករណី។ ហ្វីលីពីន ស្ថិតនៅលំដាប់ទី៣ ដែលមានជាង១៥ ០០០ករណី ខណៈម៉ាឡេស៊ី មានជាង៧ ៦០០ និងថៃ ជាង៣០០០។
ឥណ្ឌូណេស៊ី មានអ្នកស្លាប់ជិត១៥០០នាក់ ខណៈហ្វីលីពីន មានជាង៩០០នាក់ ម៉ាឡេស៊ីជាង១០០នាក់។ វៀតណាម កម្ពុជា ទីម័រខាងកើត និងឡាវ មិនមានករណីស្លាប់នោះឡើយ។
ខណៈកម្ពុជានៅសល់អ្នកជំងឺ២នាក់ចុងក្រោយក្នុងចំណោមករណីឆ្លង១២៤ ឡាវរក្សាចំនួនអ្នកជំងឺ៣នាក់ក្នុងចំណោម១៩ករណី រីឯទីម័រខាងកើត បានព្យាបាលសះស្បើយទាំង២៤ករណីរបស់ខ្លួន៕
© រក្សាសិទ្ធិដោយ thmeythmey.com