COVID-19
កីឡាអន្តរជាតិ
អន្តរជាតិ
COVID-19៖ ព្រឹត្តិការណ៍រត់ម៉ារ៉ាតុនពិភពលោកនៅបូស្តុន ត្រូវលុបចោលលើកដំបូងក្នុងប្រវត្តិសាស្ត្រ
× កម្មវិធីរត់ប្រណាំងម៉ារ៉ាតុនពិភពលោកក្នុងក្រុងបូស្តុន (Boston Marathon) សហរដ្ឋអាមេរិក ឆ្នាំ២០២០ បានសម្រេចលុបចោលជាលើកដំបូងក្នុងប្រវតិ្តសាស្ត្រក្នុងឆ្នាំទី១២៤របស់ខ្លួន ដោយសារការរីករាលដាលនៃជំងឺ COVID-19។
ព្រឹត្តិការណ៍រត់ប្រណាំងម៉ារ៉ាតុនប្រចាំឆ្នាំរបស់អាមេរិកនេះត្រូវបានពន្យារពេលម្តងរួចមកហើយពីថ្ងៃទី២០ ខែមេសា ដល់ថ្ងៃទី១៤ ខែកញ្ញា។ ប៉ុន្តែដោយសារមើលឃើញពីវិបត្តិ COVID-19 ធ្ងន់ធ្ងរ អភិបាលក្រុងបូស្តុនលោក Marty Walsh បានប្រកាសតែម្តងថាកម្មវិធីនេះមិនអាចធ្វើឡើងបានទេ ដ្បិតភ័យខ្លាចបញ្ហាសុខភាពសាធារណៈ។
លោក Walsh បានលើកឡើងនៅថ្ងៃទី២៨ ខែឧសភាថា៖« មិនមានវិធីណាដើម្បីរៀបចំកម្មវិធីរត់ប្រណាំងដូចធម្មតាបានទេ ប្រសិនបើគ្នាអ្នកចូលរួមច្រើនដូចរាល់ឆ្នាំទេនោះ»។
ព្រឹត្តិការណ៍ Boston Marathon ជាព្រឹត្តិការណ៍រត់ប្រណាំងម៉ារ៉ាតុនប្រចាំឆ្នាំធំបំផុតដែលមានអាយុកាលយូរជាងគេបំផុតនៅលើលោក ដោយបានប្រារព្ធធ្វើឡើងជារៀងរាល់មួយឆ្នាំម្តង ពោលគឺចាប់តាំងពីឆ្នាំ ១៨៩៧ មក។ រាល់ការប្រកួតម្តងៗ មានកីឡាករកីឡាការិនីលំដាប់ពិភពលោកចូលរួម និងទទួលបានការចាប់អារម្មណ៍ពីអ្នកទស្សនារហូតដល់ជាង៥សែននាក់ឯណោះ។
អត្តពលិក Lawrence Cherono របស់កេនយ៉ា និងកីឡាការិនី Worknesh Degefa របស់អេត្យូពីបានឈ្នះការប្ររត់ណាំងផ្នែកបុរស និងស្ត្រីកាលពីឆ្នាំ ២០១៩៕
Tag:
Boston Marathon
COVID-19
ម៉ារ៉ាតុន
© រក្សាសិទ្ធិដោយ thmeythmey.com