អត្ថបទពាណិជ្ជកម្ម
គូស្នេហ៍ជាច្រើនគូ បានទៅបើករង្វាន់អាពាហ៍ពិពាហ៍ឈ្នះពីស្រាបៀរកម្ពុជា ជាបន្តបន្ទាប់ នៅមជ្ឈមណ្ឌលពាណិជ្ជកម្មណូរ៉ោម៉ល
×![]()
ដោយ: សារព័ត៌មានថ្មីៗ
អ្នកដំណើរដែលឆ្លងកាត់មជ្ឈមណ្ឌលពាណិជ្ជកម្មណូរ៉ោម៉ល ស្ថិតនៅលើមហាវិថីព្រះនរោត្តម ប្រហែលជាសង្កេតឃើញភាពអ៊ូរអរ ដែលកើតឡើងនៅមុខផ្សារទំនើបនេះ អស់រយៈពេល៣ថ្ងៃហើយ ចាប់តាំងពីថ្ងៃទី ៩ រហូតដល់ថ្ងៃទី ១១ មិថុនាមក ហើយអាចនឹងងឿងឆ្ងល់ថាមានអ្វីកើតឡើងនៅទីនោះ។
ជាក់ស្តែង អ្វីដែលបានកើតឡើងនោះ គឺក្រុមហ៊ុន ខ្មែរ ប៊ែវើរីជីស បានរៀបចំកម្មវិធីប្រគល់ រង្វាន់ម៉ូតូ Zoomer X ចំនួន ១០០គ្រឿង ទៅដល់គូស្នេហ៍ដែលឈ្នះបានរងា្វន់ ពីការចាប់ឆ្នោតរង្វាន់អាពាហ៍ពិពាហ៍ស្រាបៀរ កម្ពុជា ដែលពួកគេបានទិញសម្រាប់ទទួលភ្ញៀវ ក្នុងថ្ងៃពិសេស របស់ពួកគេកន្លងមក។
រីឯលោកស្រី ប៉ិច សុភី និង ស្វាមី ធន់ បូរី មកពីខេត្តកំពង់ចាម ក៏បានសម្តែងក្តីរំភើបថា៖ « ពួកខ្ញុំ គ្រាន់តែឮថា ក្រុមហ៊ុនគេចាប់បានឈ្មោះត្រូវរង្វាន់ម៉ូតូ ខ្ញុំអរអើយអរ ព្រោះចិត្តកំពុងស្រលាញ់ម៉ូតូ Zoomer X នេះផង។ ណាមួយរាល់ថ្ងៃ កំពុងជិះម៉ូតូចាស់ ហើយស្រមៃថានឹងសន្សំលុយ ទិញម៉ូតូម៉ាកហ្នឹងជិះតែម្តង។ ស្រាប់តែមកមានសំណាងពីស្រាបៀរ កម្ពុជា នេះបានហៅថាលាភចំៗតែម្តង»។
ហើយកម្មវិធីប្រគល់រង្វាន់នេះ ក៏បានរួមបញ្ចូលអ្នកដែលឈ្នះរង្វាន់ដំណើរកម្សាន្ត ទៅចក្រភព អង់គ្លេស ពីក្រវិលកំប៉ុងស្រាបៀរ កម្ពុជា ចំនួន៤៧ នាក់ផងដែរ ដោយអ្នកឈ្នះរង្វាន់ក្រវិល កំប៉ុងនេះ ទទួលបានម៉ូតូ Zoomer X 1គ្រឿង ជំនួសអោយដំណើរកម្សាន្តវិញ។
លោក អែ រំដោះ មកពីខេត្តបាត់ដំបង អ្នកឈ្នះរង្វាន់ដំណើរកម្សាន្ត ដែលប្តូរមកជារង្វាន់ម៉ូតូបានបង្ហាញចំណាប់អារម្មណ៍វិជ្ជមានយ៉ាងដូច្នេះថា៖«ខ្ញុំពិតជាសូមកោតសរសើរ និងអរគុណដល់ក្រុមហ៊ុនស្រាបៀរ កម្ពុជា នូវទំនួលខុសត្រូវ ដែលក្រុមហ៊ុនបានផ្តល់ជូនរូបខ្ញុំផ្ទាល់ ក៏ដូចជាអតិថិជនផ្សេងទៀត ដែលខកខានមិនអាចធ្វើដំណើរកម្សាន្ត នៅចក្រភពអង់គ្លេសបានហើយក្រុមហ៊ុន នៅតែប្រកាន់នូវទំនួលខុសត្រូវខ្ពស់ ដោយបានបន្តប្តូរង្វាន់នេះទៅជាម៉ូតូ Zoomer X វិញ។ ខ្ញុំពិតជាសប្បាយចិត្ត ជាមួយការផ្លាស់ប្តូរនេះ និងពេញចិត្តទទួលយកដោយសេចក្តីរីករាយជាទីបំផុត»។
(អត្ថបទពាណិជ្ជកម្ម)
Tag:
Khmer Beverages
© រក្សាសិទ្ធិដោយ thmeythmey.com
