ជាតិ
ទឹកធ្លាក់ តំបន់ភ្នំ ជម្រកសត្វព្រៃ និងអាកាសធាតុត្រជាក់ សុទ្ធតែជាសក្តានុពលទេសចរណ៍នៃមណ្ឌលគិរី
×![]()
មណ្ឌលគិរី៖ ខេត្តមណ្ឌលគិរីស្ថិតនៅភូមិភាគឦសាន្ត នៃព្រះរាជាណាចក្រកម្ពុជា ដែលមានចម្ងាយផ្លូវប្រវែង ៣៨២គីឡូម៉ែត្រ ពីរាជធានីភ្នំពេញ។ មណ្ឌលគិរីជាខេត្តមួយដែលមានសក្តានុពលអេកូទេសចរណ៍ ដោយគ្របដណ្តប់ដោយព្រៃឈើ ប្រជុំភ្នំ ខ្ពង់រាប និងសំបូរដោយជ្រលងដងអូ។ ខេត្តមណ្ឌលគិរី មានធនធាន និងតំបន់ទាក់ទាញទេសចរណ៍ ដែលភ្ញៀវទេសចរ ចំនួន ៣៦កន្លែង ។ នេះបើតាមលោក ស្វាយ សំអ៊ាង អភិបាលខេត្តមណ្ឌលគិរី ។
ថ្លែងក្នុងសន្និសីទសារព័ត៌មានស្ដីពី«វឌ្ឍនភាព និង ទិសដៅការងារអនុវត្តបន្តរបស់រដ្ឋបាលខេត្តមណ្ឌលគិរី» លោក ស្វាយ សំអ៊ាង បានបញ្ជាក់ថា ខេត្តភូមិភាគឦសាន្តមួយនេះ ជាទិសដៅទេសចរណ៍មួយសម្រាប់ភ្ញៀវទេសចរ ដោយសារភាពទាក់ទាញនៃធម្មជាតិ ដែលបញ្ចេញសម្រស់គ្រប់រដូវ។
ខេត្តមណ្ឌលគិរី មានតំបន់ទេសចរណ៍រហូតដល់៣៦កន្លែងក្នុងនោះរួមមាន តំបន់រមណីយដ្ឋានទឹកធ្លាក់ តំបន់រមណីយដ្ឋានវប្បធម៌ជនជាតិដើមភាគតិច តំបន់ភ្នំ តំបន់ទេសភាព ភូមិជនជាតិ សមុទ្រឈើ សហគមន៍ទេសចរណ៍ ដែនជម្រកសត្វព្រៃ និងមានអាកាសធាតុត្រជាក់ជាដើម។ នេះបើតាមលោក ស្វាយ សំអ៊ាង។
កំណើនភ្ញៀវទេសចរ កើនឡើងពីមួយឆ្នាំទៅមួយឆ្នាំ ពី១៨,៨៧ភាគរយ ដល់២០,៣៩ភាគរយ បើប្រៀបធៀបរវាងពីឆ្នាំ២០១៥ ដល់ឆ្នាំ២០១៩ ៕
រូបភាពពីមន្ទីរទេសចរណ៍ខេត្តមណ្ឌលគិរី
© រក្សាសិទ្ធិដោយ thmeythmey.com
