ជាតិ
សង្គមជាតិ
អាជ្ញាធរ បិទអាជីវកម្មលក់ឡេរបស់កញ្ញា Saran Narita ដែលឡាយវីដេអូ ប៉ះពាល់កិត្តិយសស្ត្រី លោក ស ថេត អគ្គស្នងការនគរបាលរាជធានីភ្នំពេញ រូបភាពពីស្នងការដ្ឋាននគរបាលរាជធានីភ្នំពេញ
× ភ្នំពេញ៖ លោក ស ថេត ស្នងការនគរបាលរាជធានីភ្នំពេញ បញ្ជាឲ្យអាជ្ញាធរ ចុះទៅបិទអាជីវកម្មរបស់កញ្ញា Saran Narita ដែលផ្សាយផ្ទាល់ (Live) លើបណ្តាញសង្គម ផ្សព្វផ្សាយលក់ឡេ ដោយនាង បានបង្ហាញភាពស៊ិចស៊ីជ្រុល។ ការឈានដល់ការផ្អាកអាជីវកម្មរបស់ស្ត្រីរូបនេះ គឺដើម្បីកុំឲ្យមានការប៉ះពាល់ដល់កិត្តិយសថ្លៃថ្នូររបស់ស្ត្រីខ្មែរ។
លោក ស ថេត ប្រាប់អ្នកសារព័ត៌មានថ្មីៗ ថា នៅពេលសមត្ថកិច្ចបានចុះទៅទីតាំងលក់ឡេរបស់កញ្ញា Saran Narita ក្រុមគ្រួសាររបស់កញ្ញាបានបញ្ជាក់ថា កញ្ញាជាមនុស្សដែលមានសតិបញ្ញាមិនល្អ ទើបបណ្តាលឲ្យនាង ហ៊ានឡាយវីដេអូ ដោយបង្ហាញភាពស៊ិចស៊ីជ្រុលបែបនេះ។
បើតាមលោក ស ថេត អាជ្ញាធរមិនមានចំណាត់ការលើស្ត្រីរូបនោះឡើយ។ គ្រាន់តែបង្គាប់ឲ្យក្រុមគ្រួសាររបស់នាងណែនាំនាងឲ្យបញ្ឈប់សកម្មភាពដែលប៉ះពាល់ដល់តម្លៃនិងសេចក្តីថ្លៃថ្នូរស្ត្រី។
លោកស្នងការ មានប្រសាសន៍ដូច្នេះថា៖«យើងណែនាំឲ្យគាត់ [ក្រុមគ្រួសារ] នាំនាងទៅពេទ្យព្យាបាលហើយ។ យើងក៏បាន...ផ្អាកអាជីវកម្មនាងផងដែរ»៕
© រក្សាសិទ្ធិដោយ thmeythmey.com